ಅಶ್ಲೀಲ ವೆಬ್ ಸೈಟ್ ನೋಡೋರಿಗೆ ಶಾಕಿಂಗ್ ಸುದ್ದಿ- 35 ಕ್ಕೂ ಅಧಿಕ ವೆಬ್ ಸೈಟ್ ಗಳ.....
Sunday, June 20, 2021
ಕ್ಯಾಲಿಫೋರ್ನಿಯಾ: ಇಲ್ಲಿನ ಸುಮಾರು 35ಕ್ಕೂ ಅಧಿಕ ಮಹಿಳೆಯರು ವಯಸ್ಕರ ವೀಡಿಯೋ ವೆಬ್ಸೈಟ್ ಪೋರ್ನ್ ಹಬ್ ವಿರುದ್ಧ ಮಕ್ಕಳು ಸೇರಿದಂತೆ ಅನೇಕರ ಅತ್ಯಾಚಾರ ಹಾಗೂ ಲೈಂಗಿಕ ದೌರ್ಜನ್ಯದ ವಿಡಿಯೋಗಳಿಂದ ಲಾಭ ಗಳಿಸುತ್ತಿದೆ ಎಂದು ಆರೋಪಿಸಿ ದೂರು ದಾಖಲಿಸಿದ್ದಾರೆ.
ವಿಶ್ವದ ಅತಿದೊಡ್ಡ ವಯಸ್ಕರ ವೀಡಿಯೋ ವೆಬ್ಸೈಟ್ಗಳಲ್ಲಿ ಒಂದಾಗಿರುವ ಫೋರ್ನ್ಹಬ್, ಮಕ್ಕಳ ಅಶ್ಲೀಲ ವೀಡಿಯೋಗಳಿಗೆ ಮಾರುಕಟ್ಟೆಯನ್ನು ಸೃಷ್ಟಿ ಮಾಡುತ್ತಿದ್ದು, ಸಮಾಜದ ಸ್ವಾಸ್ಥ್ಯವನ್ನು ಹಾಳು ಮಾಡುವಂತಹ ಲೈಂಗಿಕ ವಿಡಿಯೋಗಳನ್ನು ಶೇರ್ ಮಾಡಿದೆ. ಇದರಿಂದ ಉಂಟಾದ ಹಾನಿಯನ್ನು ಕಂಪನಿಯೇ ಭರಿಸಬೇಕು ಎಂದು ದೂರದಾರರ ಪರ ವಕೀಲ ವಾದಿಸಿದ್ದಾರೆ. ಈ ಬಗ್ಗೆ ಕ್ಯಾಲಿಫೋರ್ನಿಯಾ ಯುಎಸ್ ಜಿಲ್ಲಾ ನ್ಯಾಯಾಲಯ ಸೆಂಟರ್ಲ್ ಡಿಸ್ಟ್ರಿಕ್ಟ್ನಲ್ಲಿ ಗುರುವಾರ ಕೇಸ್ ದಾಖಲಿಸಲಾಗಿದೆ. ಈ ಪ್ರಕರಣದಲ್ಲಿ ದೂರುದಾರರಿಗೆ ಉಂಟಾದ ಹಾನಿಗೆ ಮೈಂಡ್ಗ್ರೀಕ್ ಕಂಪನಿಯೇ ಹೊಣೆದಾರ ಆಗಬೇಕು ಎಂದು ಉಲ್ಲೇಖಿಸಲಾಗಿದೆ.
ಮಹಿಳೆಯರ ಪರ ವಕೀಲರಾದ ಮೈಕೆಲ್ ಬೋವ್, ಮೈಂಡ್ಗೀಕ್ ಕಂಪನಿಯು ನಷ್ಟದ ರೂಪವಾಗಿ ಮಹಿಳೆಯರಿಗೆ ನೂರಾರು ಮಿಲಿಯನ್ ಪಾವತಿ ಮಾಡಲು ಕೋರ್ಟ್ ಆದೇಶ ನೀಡಬೇಕು ಎಂದು ಮನವಿ ಮಾಡಿದ್ದಾರೆ. ಈ ವೀಡಿಯೋ ಪೋಸ್ಟ್ ಮಾಡಿ ವಾರಗಳೇ ಕಳೆದಿದ್ದರೂ ಸಹ ವೀಡಿಯೋವನ್ನು ಮೈಂಡ್ಗೀಕ್ ಕಂಪನಿ ಅಳಿಸಿ ಹಾಕಿರಲಿಲ್ಲ. ಈ ಸಮಯದಲ್ಲಿ ಅನೇಕರು ಇಂತಹ ಸಮಾಜಘಾತುಕ ವೀಡಿಯೋಗಳನ್ನು ಡೌನ್ಲೋಡ್ ಮಾಡಿದ್ದಾರೆ.
ಫೋರ್ನ್ ಹಬ್ ವಿರುದ್ಧ ಆರೋಪ ಮಾಡಿರುವ ಸೆರೆನಾ ಪ್ಲಾಯಿಟಿಸ್ ಎಂಬವರು 2014ರಲ್ಲಿ ಈ ಫೋರ್ನ್ ಹಬ್ನಲ್ಲಿ ತಮ್ಮ ಅನುಮತಿಯಿಲ್ಲದೆಯೇ ತಾವು ಬಾಯ್ಫ್ರೆಂಡ್ ಜೊತೆ ಬೆತ್ತಲೆಯಾಗಿದ್ದ ವೀಡಿಯೋವನ್ನು ಹರಿಯಬಿಟ್ಟಿದೆ ಎಂದು ಆರೋಪಿಸಿದ್ದಾರೆ. ಸೆರೆನಾ ಈ ಬಗ್ಗೆ ಆರೋಪ ಮಾಡಿದ ಹಲವು ವಾರಗಳ ಬಳಿಕ ಫೋರ್ನ್ ಹಬ್ ವೀಡಿಯೋ ಡಿಲೀಟ್ ಮಾಡಿತ್ತು ಎಂದು ಹೇಳಿದ್ದಾರೆ. ಮತ್ತೊಬ್ಬ ಮಹಿಳೆ, ಫೋರ್ನ್ ಹಬ್ ಮಕ್ಕಳ ಅಶ್ಲೀಲ ವೀಡಿಯೋ ಪೋಸ್ಟ್ ಮಾಡೋದು ಹಾಗೂ ಅನುಮತಿಯನ್ನು ಪಡೆಯದೆ ವ್ಯಕ್ತಿಗಳ ಖಾಸಗಿ ಕ್ಷಣಗಳ ವೀಡಿಯೋವನ್ನು ಶೇರ್ ಮಾಡುತ್ತಿದೆ ಎಂದು ಹೇಳಿದ್ದಾರೆ. ಹೀಗಾಗಿ ಮೈಂಡ್ಗೀಕ್ ಕಂಪನಿಯು ಈ ನಷ್ಟವನ್ನು ಭರಿಸಿಕೊಡಬೇಕು. ವೈಯಕ್ತಿಕ ಮನರಂಜನೆಯ ಹೆಸರಿನಲ್ಲಿ ಫೋರ್ನ್ಹಬ್ ಅಪರಾಧ ಕೃತ್ಯ ಎಸಗುತ್ತಿದೆ ಎಂದು ಆಕ್ರೋಶ ಹೊರಹಾಕಿದ್ದಾರೆ.
