ಇವ physiotherapist ಅಲ್ಲ; physio THE RAPIST: ಕ್ಲಿನಿಕ್‌ಗೆ ಬಂದಿದ್ದ ಅಪ್ರಾಪ್ತ, ಮಾತು ಬಾರದ ಬಾಲಕಿಗೆ ಈ ಡಾಕ್ಟರ್ ಮಾಡಿದ್ದು ಹೀನ ಕೃತ್ಯ?
ಮುಂಬೈ: ತನ್ನ ಕ್ಲಿನಿಕ್‌ಗೆ ಚಿಕಿತ್ಸೆಗೆಂದು ಬಂದಿದ್ದ 16 ವರ್ಷದ ಬಾಲಕಿಯನ್ನು ವೈದ್ಯನೇ ಅತ್ಯಾಚಾರ ಮಾಡಿರುವ ಹೀನ ಕೃತ್ಯ ಮುಂಬೈಯ ಕ್ಲಿನಿಕ್ ಒಂದರಲ್ಲಿ ನಡೆದಿದೆ.
ದೈಹಿಕ ನ್ಯೂನತೆ ಮತ್ತು ಮಾತುಗಾರಿಕೆಯಲ್ಲಿ ಸಮಸ್ಯೆ ಇದ್ದ 16 ವರ್ಷದ ಬಾಲಕಿಯನ್ನು ಈ ಫಿಸಿಯೋಥೆರಪಿಸ್ಟ್ ಬಳಿ ಚಿಕಿತ್ಸೆಗೆಂದು ಪೋಷಕರು ಕರೆತಂದಿದ್ದರು.
ಬಾಲಕಿಗೆ ನಿರಂತರ ಚಿಕಿತ್ಸೆಯ ಭಾಗವಾಗಿ ಈ ಫಿಸಿಯೋಥೆರಪಿಸ್ಟ್ ಬಳಿ ಪೋಷಕರು ಕರೆತರುತ್ತಿದ್ದರು. ಬಾಲಕಿ ಚಿಕಿತ್ಸೆಗೆಂದು ಬಂದ ಪ್ರತೀ ಬಾರಿಯೂ ಈ ವೈದ್ಯ ಆಕೆಗೆ ಲೈಂಗಿಕ ಕಿರುಕುಳ ನೀಡಿದ್ದಾನೆ.
ಬಾಲಕಿಗೆ ಮಾತನಾಡಲು ಸಮಸ್ಯೆ ಇದ್ದುದರಿಂದ ಈ ವಿಚಾರ ಹೊರಬಂದಿರಲಿಲ್ಲ. ಅಷ್ಟೇ ಅಲ್ಲದೆ ನಿನ್ನ ಎಲ್ಲ ಸಮಸ್ಯೆಗಳನ್ನು ಪರಿಹರಿಸುವುದಾಗಿ ಭರವಸೆ ನೀಡಿ ಈ ವೈದ್ಯ ಆಕೆಯನ್ನು ಅತ್ಯಾಚಾರ ಮಾಡಿದ್ದಾನೆ.
ಬಾಲಕಿಯನ್ನು ಚಿಕಿತ್ಸೆಗೆಂದು ಒಳಕಳಿಸಿದ ಬಾಲಕ ಪೋಷಕರು ಹೊರಗೇ ಕೂರುತ್ತಿದ್ದರು. ಹಾಗಾಗಿ ಈ ವಿಚಾರ ಪೋಷಕರ ಗಮನಕ್ಕೂ ಬಂದಿರಲಿಲ್ಲ.
ಮಿತಿಮೀರಿದ ವೈದ್ಯನ ವರ್ತನೆಯಿಂದ ರೋಸಿಹೋದ ಬಾಲಕಿ ಕೊನೆಗೂ ಈ ವಿಚಾರವನ್ನು ಪೋಷಕರಿಗೆ ಬರವಣಿಗೆ ಮೂಲಕ ತಿಳಿಸಿದ್ದು, ಪೋಷಕರು ಕೂಡಲೇ ಪೊಲೀಸರಿಗೆ ದೂರು ನೀಡಿದ್ದಾರೆ. ಪೊಲೀಸರು ವೈದ್ಯನನ್ನು ಬಂಧಿಸಿದ್ದಾರೆ.
