ನಿಮ್ಮ ಮನೆಯ ವಿದ್ಯುತ್ ದೀಪಗಳನ್ನು ನಿಮ್ಮ ಮೂತ್ರದಿಂದಲೇ ಬೆಳಗಬಹುದು!
Sunday, October 31, 2021
ಬ್ರಿಸ್ಟಲ್‌/ ಬ್ರಿಟನ್: ಇನ್ಮುಂದೆ ನಿಮ್ಮ ಮನೆಗಳಿಗೆ ಬೇಕಾದ ವಿದ್ಯುತ್ ಅನ್ನು ನಿಮ್ಮ ಮಾತ್ರದಿಂದಲೇ ತಯಾರಿಸಬಹುದು.
ಡೈಲಿ ಸ್ಟಾರ್ ಪತ್ರಿಕೆ ಈ ಅಚ್ಚರಿಯ ವರದಿಯನ್ನು ಪ್ರಕಟಿಸಿದೆ. ಈ ವರದಿ ಪ್ರಕಾರ ಮೂತ್ರದಿಂದ ಉತ್ಪತ್ತಿಯಾಗುವ ವಿದ್ಯುತ್ ಮೇಲೆ ವಿಜ್ಞಾನಿಗಳು ನಡೆಸುತ್ತಿರುವ ಸಂಶೋಧನೆ ಯಶಸ್ವಿಯಾಗಿದೆ ಎಂದು ಹೇಳಲಾಗಿದೆ. ಇದು ಭವಿಷ್ಯದಲ್ಲಿ ವಿದ್ಯುತ್ ಶಕ್ತಿಗೆ ಶುದ್ಧ ಪರ್ಯಾಯ ಆಯ್ಕೆಯ ಜೊತೆಗೆ ಅಗ್ಗದ ಆಯ್ಕೆ ಕೂಡ ಆಗಲಿದೆ ಎಂದು ಡೈಲಿ ಸ್ಟಾರ್ ವರದಿ ಮಾಡಿದೆ.
ಬ್ರಿಟನ್ ನ ಬ್ರಿಸ್ಟಲ್‌ನಲ್ಲಿರುವ ಸಂಶೋಧಕರ ತಂಡವು ಎರಡು ವರ್ಷಗಳ ಹಿಂದೆಯೇ ಮಾನವ ಮಲ ಮತ್ತು ಮೂತ್ರದಿಂದ ಹೊಸ ಶುದ್ಧ ಶಕ್ತಿ ಇಂಧನ ಕೋಶವನ್ನು ಅಭಿವೃದ್ಧಿಪಡಿಸಿದ್ದಾರೆ. ಈ ಕೋಶವು ಮಾನವ ತ್ಯಾಜ್ಯವನ್ನು ವಿದ್ಯುತ್ ಶಕ್ತಿಯಾಗಿ ಆಗಿ ಪರಿವರ್ತಿಸಲಿದೆ. ಈ ಶಕ್ತಿಯಿಂದ ಇಡೀ ಮನೆಯನ್ನು ಬೆಳಗಬಹುದು ಎಂದು ಸಂಶೋಧನೆ ತಿಳಿಸಿದೆ.
ಈ ಯೋಜನೆಗೆ ವಿಜ್ಞಾನಿಗಳು Pee Power Project ಎಂದು ಹೆಸರಿಸಿದ್ದು, 2 ವರ್ಷಗಳ ಹಿಂದೆ ಗ್ಲಾಸ್ಟನ್‌ಬರಿ ಉತ್ಸವದಲ್ಲಿ ಎಲ್ಲರ ಮುಂದೆ ಪ್ರದರ್ಶಿಸಲಾಗಿತ್ತು. ಅಲ್ಲಿ ಮೂತ್ರದಿಂದ ವಿದ್ಯುತ್ ಉತ್ಪಾದಿಸಬಹುದು ಎಂದು ವಿಜ್ಞಾನಿಗಳು ಸಾಬೀತುಪಡಿಸಿದ್ದರು.
ಈ ಸಂಶೋಧನಾ ವಿಜ್ಞಾನಿಗಳ ಪ್ರಕಾರ, 5 ದಿನಗಳ ಕಾಲ ನಡೆದ ಉತ್ಸವಕ್ಕೆ ಬಂದ ಜನರ ಮೂತ್ರದ ಪ್ರಮಾಣದಿಂದ ಗಂಟೆಗೆ 300 ವ್ಯಾಟ್ ವಿದ್ಯುತ್ ಉತ್ಪಾದಿಸಿದ್ದಾರೆ. ಮೂತ್ರದಿಂದ ತಯಾರಿಸಿದ ಈ ವಿದ್ಯುತ್‌ನಿಂದ 10 ವ್ಯಾಟ್ ಸಾಮರ್ಥ್ಯದ ಬಲ್ಬ್ ಅನ್ನು 30 ಗಂಟೆಗಳ ಕಾಲ ಉರಿಸಬಹುದು.
