![ದಿಲ್ಲಿ ಸಾರಿಗೆ ಬಸ್ನಲ್ಲಿ ಇನ್ನು ಮಹಿಳಾ ಚಾಲಕರು: ಶೇ 33ರಷ್ಟು ಮಹಿಳಾ ಮೀಸಲಾತಿಗೆ ನಿರ್ಧಾರ ದಿಲ್ಲಿ ಸಾರಿಗೆ ಬಸ್ನಲ್ಲಿ ಇನ್ನು ಮಹಿಳಾ ಚಾಲಕರು: ಶೇ 33ರಷ್ಟು ಮಹಿಳಾ ಮೀಸಲಾತಿಗೆ ನಿರ್ಧಾರ](https://lh3.googleusercontent.com/-km36ty7o7D0/YX4884ov4wI/AAAAAAAAGvI/Wi1zDDFDcs0byPS9MwLT8msuYA_brq28ACLcBGAsYHQ/s1600/1635663082954860-0.png)
ದಿಲ್ಲಿ ಸಾರಿಗೆ ಬಸ್ನಲ್ಲಿ ಇನ್ನು ಮಹಿಳಾ ಚಾಲಕರು: ಶೇ 33ರಷ್ಟು ಮಹಿಳಾ ಮೀಸಲಾತಿಗೆ ನಿರ್ಧಾರ
Sunday, October 31, 2021
ನವದೆಹಲಿ: ದೆಹಲಿಯನ್ನು ಇ -ಸಾರಿಗೆ ಮೂಲಕ ಹಸಿರು ರಾಜಧಾನಿಯನ್ನಾಗಿ ಮಾಡಲುದ್ದೇಶಿಸಿದ್ದು, ಇ ಸಾರಿಗೆ ಬಸ್ನಲ್ಲಿ ಚಾಲಕ ಹುದ್ದೆಗೆ ಶೇ. 33ರಷ್ಟು ಮಹಿಳಾ ಮೀಸಲಾತಿಯನ್ನು ನೀಡಲು ಉದ್ದೇಶಿಸಲಾಗಿದೆ ಎಂದು ಸಾರಿಗೆ ಸಚಿವ ಕೈಲಾಶ್ ಗೆಹ್ಲೋಟ್ ತಿಳಿಸಿದ್ದಾರೆ.
ಅವರು ಸಂಡೇ ಸ್ಟ್ಯಾಂಡರ್ಡ್ ಗೆ ನೀಡಿದ ಸಂದರ್ಶನದಲ್ಲಿ ಈ ವಿಚಾರವನ್ನು ತಿಳಿಸಿದ್ದಾರೆ.
ದಿಲ್ಲಿಯಲ್ಲಿ ವಾಯುಮಾಲಿನ್ಯದ ಮಟ್ಟ ಕೂಡಾ ಹೆಚ್ಚಾಗುತ್ತಿರುವ ನಿಟ್ಟಿನಲ್ಲಿ ಎಲ್ಲಾ ಸಾರಿಗೆ ಬಸ್ಗಳನ್ನು ಎಲೆಕ್ಟ್ರಿಕ್ ಬಸ್ಗಳಾಗಿ ಪರಿವರ್ತಿಸಲಾಗುವುದು ಎಂದು ಅವರು ಮಾಹಿತಿ ನೀಡಿದ್ದಾರೆ.
ಮೊದಲ ಹಂತದಲ್ಲಿ ಇ-ಆಟೋ ಪರ್ಮಿಟ್ ವ್ಯವಸ್ಥೆಯ ಮೂಲಕ ಮಹಿಳೆಯರಿಗೆ ಶೇ. 33ರಷ್ಟು ಚಾಲಕ ಹುದ್ದೆಯಲ್ಲಿ ಮೀಸಲಾತಿ ನೀಡಲಾಗುತ್ತಿದ್ದು, ಮುಂದಿನ ಹಂತದಲ್ಲಿ ಸಂಪೂರ್ಣವಾಗಿ ಚಾಲಕ ಹುದ್ದೆಯನ್ನು ಮಹಿಳೆಯರಿಗೆ ನೀಡಲಾಗುವುದು ಎಂದು ಅವರು ತಿಳಿಸಿದ್ದಾರೆ