ಪ್ರೀತಿಸಿ, ಓಡಿಹೋಗುತ್ತಿದ್ದ ಅಪ್ರಾಪ್ತ ಜೋಡಿಗೆ ಮದುವೆ ಮಾಡಿಸಿದ ಗ್ರಾಮಸ್ಥರು...

ಬಿಹಾರ:  ಬಿಹಾರದ ಬಾಂಕಾದಲ್ಲಿ ಪರಸ್ಪರ ಪ್ರೀತಿಸಿ, ಮನೆಯಿಂದ ಓಡಿ ಹೋಗುತ್ತಿದ್ದ ಅಪ್ರಾಪ್ತ ಜೋಡಿಗೆ ಕುಟುಂಬಸ್ಥರು ಬಲವಂತವಾಗಿ ಮದುವೆ ಮಾಡಿಸಿರುವ ಘಟನೆ ನಡೆದಿದೆ. 

ಕಳೆದ ಮೂರು ವರ್ಷಗಳಿಂದ 15 ವರ್ಷದ ಹುಡುಗಿ ಹಾಗೂ 18 ವರ್ಷದ ಅಜಿತ್​ ಕುಮಾರ್​​ ಪರಸ್ಪರ ಪ್ರೀತಿಸುತ್ತಿದ್ದರು. ಆದರೆ ಹುಡುಗನಿಗೆ ಉದ್ಯೋಗವಿಲ್ಲ ಎಂದು ಹುಡುಗಿಯ ಮನೆಯವರು ಆತನನ್ನು ತಿರಸ್ಕರಿಸಿದ್ದರು.ಆದರೆ ಅಜಿತ್ ತನ್ನ ಗೆಳತಿಯನ್ನು ಬೇರೆಯವರೊಂದಿಗೆ ಮದುವೆ ಮಾಡಿಕೊಳ್ಳಲು ಬಿಡುವುದಿಲ್ಲ ಎಂದು ನಿರ್ಧಾರ ಮಾಡಿ ಈ ಬಗ್ಗೆ ಸ್ನೇಹಿತರೊಂದಿಗೆ ಚರ್ಚಿಸಿ ಓಡಿಹೋಗಲು ನಿರ್ಧಾರ ಮಾಡಿದ್ದಾರೆ. ಅದರಂತೆ ಕಳೆದ ಶನಿವಾರ ಸಂಜೆ, ಅಜಿತ್​ ತನ್ನ ಕೆಲವು ಸ್ನೇಹಿತರೊಂದಿಗೆ ಮೋಟಾರ್​ ಸೈಕಲ್​ನಲ್ಲಿ ಹುಡುಗಿಯನ್ನ ಕರೆದುಕೊಂಡು ಮನೆ ಬಿಡಲು ನಿರ್ಧರಿಸಿದ್ದಾನೆ. 

ಈ ಸಂದರ್ಭದಲ್ಲಿ ಈ ಜೋಡಿ ಚಿಕ್ಕಪ್ಪನ ಕೈಯಲ್ಲಿ ಸಿಕ್ಕಿಬಿದ್ದಿದೆ.ಬಳಿಕ ಗ್ರಾಮಸ್ಥರು ಇವರಿಬ್ಬರ ಮದುವೆ ಮಾಡಿಸುವ ನಿರ್ಧಾರ ಮಾಡಿದ್ದಾರೆ. ಜತೆಗೆ ಗ್ರಾಮದ ಹನುಮಾನ್​ ದೇವಸ್ಥಾನದಲ್ಲಿ ಮದುವೆ ಸಹ ಮಾಡಿಸಿದ್ದಾರೆ.