ಪ್ರೀತಿ ಮಾಡೋಲ್ಲ ಎಂದದ್ದಕ್ಕೆ ಕಪಾಳಕ್ಕೆ ಬಿಗಿದ ಮ್ಯಾನೇಜರ್: ಕುಸಿದು ಬಿದ್ದ ಯುವತಿ

ಬೆಂಗಳೂರು: ಪ್ರೀತಿಸೋಲ್ಲ ಎಂದು ಸಿಟ್ಟಿಗೆದ್ದ ಯುವಕನೊಬ್ಬ ಯುವತಿಯ ಕಪಾಳಕ್ಕೆ ಬಾರಿಸಿದ್ದು, ಹೊಡೆತದ ರಭಸಕ್ಕೆ ಯುವತಿ ದಿಢೀರ್ ಎಂದು ನೆಲಕ್ಕೆ ಕುಸಿದು ಬಿದ್ದಿದ್ದಾಳೆ. ಈ ಘಟನೆ ಬೆಂಗಳೂರಿನ ಬಸವನಗುಡಿಯ ರಾಮಕೃಷ್ಣ ಆಶ್ರಮದ ರಸ್ತೆಯಲ್ಲಿರುವ ಡೊಮಿನೊಸ್​ ಪಿಜ್ಜಾ ಹಟ್​ನಲ್ಲಿ ಘಟನೆ ನಡೆದಿದೆ.

ಡೊಮಿನೊಸ್​ ಪಿಜ್ಜಾ ಹಟ್​ನ ಮ್ಯಾನೇಜರ್​, ಅಲ್ಲಿಯೇ ಕೆಲಸಕ್ಕಿದ್ದ ಯುವತಿಯನ್ನು ಪ್ರೀತಿಸುವಂತೆ ಪೀಡಿಸುತ್ತಿದ್ದ. ಆದರೆ ಆಕೆ ಬೇರೊಬ್ಬನನ್ನು ಪ್ರೀತಿಸುತ್ತಿದ್ದಳು. ಆಕೆ ತನ್ನನ್ನು ಪ್ರೀತಿಸದೆ ಬೇರೊಬ್ಬನನ್ನು ಪ್ರೀತಿಸುತ್ತಿದ್ದಾಳೆ ಎಂದು ತಿಳಿದು ಸಿಟ್ಟಾದ ಮ್ಯಾನೇಜರ್​, ಯುವತಿಯ ಕಪಾಳಕ್ಕೆ ಬಾರಿಸಿದ್ದಾನೆ.

ಆತ ಹೊಡೆದ ರಭಸಕ್ಕೆ ಆಕೆ ಧೊಪ್ಪೆಂದು ಕೆಳಕ್ಕೆ ಬಿದ್ದಿದ್ದಾಳೆ. ಆಕೆ ಬೀಳುವ ದೃಶ್ಯ ವೀಡಿಯೋದಲ್ಲಿ ಸೆರೆಯಾಗಿದೆ. ಆದರೆ ಆಕೆ ಕೆಲಸ ಹೋಗುತ್ತದೆ ಎಂಬ ಭಯಕ್ಕೆ ಪೊಲೀಸರಿಗೆ ದೂರು ಕೊಟ್ಟಿಲ್ಲ ಎಂಬುದು ತಿಳಿದುಬಂದಿದೆ.