ಬಿಗ್ ಬಾಸ್ ಮನೆಗೆ ಎಂಟ್ರಿ ಕೊಡ್ತಾರ ರೇಪ್ ಆರೋಪಿ ಬಕೆಟ್ ಭಾರ್ಗವ..? ಈ ಬಗ್ಗೆ ಆಯೋಜಕರು ಹೇಳಿದ್ದೇನು..?

 ಹೈದರಾಬಾದ್​: ತೆಲುಗಿನಲ್ಲಿ ಬಿಗ್​​ಬಾಸ್​ 5ನೇ ಸೀಸನ್ ಆರಂಭವಾಗಲಿದೆ. ಸೆಪ್ಟೆಂಬರ್ ತಿಂಗಳಲ್ಲಿ ಈ ಸೀಸನ್ ಆರಂಭವಾಗಲಿದೆ ಎಂದು ಹೇಳಲಾಗುತ್ತಿದೆ ಬಾರಿ ಕೂಡ

 ಅಕ್ಕಿನೇನಿ ನಾಗಾರ್ಜುನ ಅವರು ಕಾರ್ಯಕ್ರಮ ನಡೆಸಿಕೊಡಲಿದ್ದಾರೆ. 

ಇದರ ಪ್ರೊಮೋ ಶೂಟ್ ಪೂರ್ಣಗೊಂಡಿದ್ದು ಆಗಸ್ಟ್​ 15ರಿಂದ ಪ್ರೋಮೋ ಸ್ಟಾರ್​ ಮಾ ಚಾನೆಲ್​ನಲ್ಲಿ ಬಿಡುಗಡೆ ಆಗುವ ಸಾಧ್ಯತೆ ಇದೆ. ಈಗಾಗಲೇ ಯಾವೆಲ್ಲ ಸ್ಪರ್ಧಿಗಳು ಶೋನಲ್ಲಿ ಭಾಗವಹಿಸಲಿದ್ದಾರೆ ಎಂಬ ಚರ್ಚೆಗಳು ಆರಂಭವಾಗಿವೆ. ಟಿಕ್​ಟಾಕ್​​ ಸ್ಟಾರ್​ ಫನ್​ ಬಕೆಟ್​ ಭಾರ್ಗವ ಬಿಗ್​ಬಾಸ್​ ಮನೆ ಸೇರಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ. 

ಶೋನಲ್ಲಿ ಭಾರ್ಗವನ ಭಾಗವಹಿಸುವಿಕೆ ಆಯೋಜಕರಿಗೆ ಸ್ವಲ್ಪವು ಇಷ್ಟವಿಲ್ಲ. ಏಕೆಂದರೆ, ಅಪ್ರಾಪ್ತೆಯನ್ನು ಲೈಂಗಿಕವಾಗಿ ಬಳಸಿಕೊಂಡು ಗರ್ಭಿಣಿ ಮಾಡಿದ ಆರೋಪದಲ್ಲಿ ಈಗಾಗಲೇ ಜೈಲು ಸೇರಿ ಜಾಮೀನಿನ ಮೇಲೆ ಭಾರ್ಗವ ಬಿಡುಗಡೆ ಆಗಿದ್ದಾನೆ. ಈ ಪ್ರಕರಣ ತೆಲುಗು ರಾಜ್ಯಗಳಲ್ಲಿ ಭಾರಿ ಸುದ್ದಿಯಾಗಿದೆ. ಹೀಗಾಗಿ ಭಾರ್ಗವನನ್ನು ಶೋಗೆ ಆಹ್ವಾನಿಸಿ ಕಾರ್ಯಕ್ರಮದ ಮಾನ ಹರಾಜು ಹಾಕಿಕೊಳ್ಳಲು ಯಾರಿಗೂ ಇಷ್ಟವಿಲ್ಲ. ಹೀಗಾಗಿ ಆತನನ್ನು ತಿರಸ್ಕರಿಸಿದ್ದಾರೆ ಎಂಬ ಮಾಹಿತಿ ತಿಳಿದುಬಂದಿದೆ.