ಪತ್ನಿಯನ್ನ ಆಕೆಯ ಪ್ರಿಯಕರನ ಜೊತೆ ಮದುವೆ ಮಾಡಿಸಿದ ಪತಿರಾಯ..!!
Thursday, July 1, 2021
ಸರಣ್(ಬಿಹಾರ) : ಪತ್ನಿಯನ್ನ ಆಕೆಯ ಪ್ರಿಯಕರನ ಜೊತೆ ಪತಿಯೇ ವಿವಾಹ ಮಾಡಿಸಿರುವ ಘಟನೆೆ ಬಿಹಾರದ ಸರಣ್ ಜಿಲ್ಲೆಯ ಛಾಪ್ರಾ ಗ್ರಾಮದಲ್ಲಿ ನಡೆದಿದೆ.
ಈ ಜೋಡಿಯ ವಿವಾಹದ ವಿಡಿಯೋ ಈಗ ವೈರಲ್ ಆಗುತ್ತಿದೆ. ವಿವಾಹವಾಗಿ ಒಂದು ಮಗು ಪಡೆದಿದ್ದ ಜೋಡಿಯು ಈಗ ಬೇರೆಯಾಗುವ ನಿರ್ಧಾರ ಮಾಡಿದ್ದಾರೆ.
ವಿವಾಹವಾದ 6 ತಿಂಗಳಿನಿಂದ ಪತ್ನಿ ಬೇರೆ ಯುವಕನ್ನು ಪ್ರೀತಿಸುತ್ತಿದ್ದಳು. ಆತನಿಗೂ ಕೂಡ ಬೇರೆಂದು ಮದುವೆಯಾಗಿದ್ದರೂ ಈಕೆಯ ಹಿಂದೆ ಬಿದ್ದಿದ್ದ ಇದನ್ನು ತಿಳಿದ ಪತಿ ಇವರಿಬ್ಬರಿಗೂ ಮದುವೆ ಮಾಡಿಸಿದ್ದಾನೆ.
ಈ ವಿವಾಹಕ್ಕೆ ಇಬ್ಬರ ಕಡೆಯಿಂದಲೂ ಸಮ್ಮತಿ ಇದ್ದು, ಸಂತೋಷದಿಂದಲೇ ಆತನ ಕೈಹಿಡಿಯುತ್ತಿರುವುದಾಗಿ ಪತ್ನಿ ಹೇಳಿದ್ದಾಳೆ. ಆದರೆ, ಪತಿ ವಿರುದ್ಧ ಕಿರುಕುಳ ಆರೋಪ ಮಾಡಿರುವ ಪತ್ನಿ, ನನಗೆ ನಿತ್ಯ ಕಿರುಕುಳ ನೀಡುತ್ತಿದ್ದ. ಹೀಗಾಗಿ, ಬೇರೆಯಾಗುತ್ತಿದ್ದೇನೆ ಎಂದಿದ್ದಾಳೆ. ಈ ನಡುವೆ ಮಗುವನ್ನು ತಾನೇ ನೋಡಿಕೊಳ್ಳುವುದಾಗಿ ಪತಿ ಹೇಳಿದ್ದು, ನಾನು ಸಹ ಬೇರೊಂದು ಮಹಿಳೆಯನ್ನು ಮದುವೆಯಾಗುವುದಾಗಿ ತಿಳಿಸಿದ್ದಾನೆ.
