ರಸ್ತೆ ಬದಿ ಕ್ವಿಂಟಾಲ್ಗಟ್ಟಲೆ ಚಾಕೋಲೇಟ್ ಗಳನ್ನು ಎಸೆದು ಹೋದ ಡೀಲರ್..!

ಉತ್ತರ ಕನ್ನಡ: ಮಾರುಕಟ್ಟೆಯಲ್ಲಿ ಮಾರಾಟ ಆಗದ ಡೇಟ್ ಬಾರ್ ಆಗಿರುವ ಕ್ವಿಂಟಾಲ್​ಗಟ್ಟಲೆ ಚಾಕಲೇಟ್ ರಸ್ತೆ ಬದಿ ಬಿದ್ದಿದ್ದು, ಅನೇಕ ಮಕ್ಕಳು ಕೈತುಂಬ ಬಾಚಿಕೊಂಡು ಹೋಗಿದ್ದಾರೆ.

ಕ್ಯಾಂಡಿ ಕಂಪನಿಯ ಡೀಲರ್​ ಈ ರೀತಿ ಚಾಕಲೇಟ್​ ಅನ್ನು ರಸ್ತೆ ಬದಿ ರಾಶಿ ಹಾಕಿ ಹೋಗಿದ್ದಾನೆ ಎನ್ನಲಾಗಿದೆ. 

ಈ ರೀತಿ ಚಾಕಲೇಟ್​ ಅನ್ನು ರಸ್ತೆ ಬದಿ ರಾಶಿ ಹಾಕಿರುವುದರಿಂದ ಸಾಕಷ್ಟು ಸಮಸ್ಯೆ ಎದುರಾಗುತ್ತಿದೆ. ದನಗಳು ಚಾಕಲೇಟ್ ತಿನ್ನುತ್ತಿವೆ. ಕೆಲ ಮಕ್ಕಳೂ ಚಾಕಲೇಟ್ ತೆಗೆದುಕೊಂಡು ಹೋಗಿದ್ದಾರೆ. ಚಾಕಲೇಟ್ ನೀರಿನೊಂದಿಗೆ ಸೇರಿಕೊಂಡು ಹೋಗಿ ಹತ್ತಿರದ ಕೆರೆಯ ನೀರೂ ಮಲಿನವಾಗುವ ಸಾಧ್ಯತೆಯಿದೆ ಎಂದು ಸ್ಥಳೀಯರು ನಗರಸಭೆಗೆ ದೂರು ನೀಡಿದ್ದಾರೆ.