ಪಾಕಿಸ್ತಾನದಲ್ಲಿ 2 ಜರ್ಮನ್ ಶಫರ್ಡ್ ನಾಯಿಗಳಿಗೆ ಮರಣದಂದನೆ ಶಿಕ್ಷೆ- ಕಾರಣವೇನು ಗೊತ್ತಾ? (Video)

ಕರಾಚಿ: ವಕೀಲರೊಬ್ಬರ ಮೇಲೆ ದಾಳಿ ಮಾಡಿದ ಜರ್ಮನ್​ ಶಫರ್ಡ್​ ತಳಿಯ ಎರಡು ನಾಯಿಗಳಿಗೆ ಸಾವಿನ ಶಿಕ್ಷೆ ವಿಧಿಸಲಾಗಿದೆ. ಈ ಘಟನೆ ಪಾಕಿಸ್ತಾನದ ಕರಾಚಿಯಲ್ಲಿ ನಡೆದಿದೆ.

ಕರಾಚಿ ಇಲ್ಲಿನ ಪ್ರತಿಷ್ಠಿತ ಡಿಫೆನ್ಸ್​ ಹೌಸಿಂಗ್​ ಸೊಸೈಟಿ ಆವರಣದಲ್ಲಿ ಮುಂಜಾನೆ ವೇಳೆ ವಾಕಿಂಗ್​ ಮಾಡುತ್ತಿದ್ದ ಹಿರಿಯ ವಕೀಲ ಮಿರ್ಜಾ ಅಖ್ತರ್​ ಅಲಿ ಮೇಲೆ ದಾಳಿ ಮಾಡಿದ ಎರಡು ನಾಯಿಗಳು ಕಚ್ಚಿ ಗಾಯಗೊಳಿಸಿದ್ದವು. ದಾಳಿಯಿಂದಾಗಿ ವಕೀಲ ಗಂಭೀರ ಗಾಯಗೊಂಡಿದ್ದರು. ನಾಯಿ ದಾಳಿ ಮಾಡುವ ದೃಶ್ಯ ಸಿಸಿ ಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿತ್ತು. ಈ ವಿಡಿಯೋ ಜಾಲತಾಣದಲ್ಲಿ ವೈರಲ್​ ​ಆಗಿತ್ತು. ಈ ಬಗ್ಗೆ ಮಾಲೀಕನೊಂದಿಗೆ ಮಾತನಾಡಿದ ವಕೀಲರು ನಾಯಿಗಳಿಗೆ ಮರಣದಂಡಣೆ ಕೊಟ್ಟಿದ್ದಾರೆ.  ದಾಳಿ ಮಾಡಿದ ಎರಡೂ ನಾಯಿಗಳನ್ನು ಈಗಾಗಲೇ ಕೊಲ್ಲಲಾಗಿದೆ. 

ಅಲ್ಲದೆ, ಇನ್ಮುಂದೆ ಮಾಲೀಕ ನಾಯಿಗಳನ್ನು ಸಾಕುವಂತಿಲ್ಲ. ಇದೆಲ್ಲವೂ ನ್ಯಾಯಾಲಯದ ಹೊರಗೆ ನಡೆದಿರುವ ಕೃತ್ಯ. 

Violent #Dogattack in #DHA Phase 7, Street number 14. #Karachi.#Pakistan pic.twitter.com/TxFhq6TiQL

— Asad Zaman 🇵🇰 (@asadweb) June 27, 2021