-->
ads hereindex.jpg
ಸೆಕ್ಸ್ ಬಗ್ಗೆ ಏನಾದರೂ ತಿಳಿದಿದೆಯ? - 13 ವರ್ಷದ ಬಾಲಕಿಗೆ ಪ್ರಶ್ನೆ ಕೇಳಿದ್ದ ಕಂಡಕ್ಟರ್ ಗೆ 1 ವರ್ಷ ಶಿಕ್ಷೆ..

ಸೆಕ್ಸ್ ಬಗ್ಗೆ ಏನಾದರೂ ತಿಳಿದಿದೆಯ? - 13 ವರ್ಷದ ಬಾಲಕಿಗೆ ಪ್ರಶ್ನೆ ಕೇಳಿದ್ದ ಕಂಡಕ್ಟರ್ ಗೆ 1 ವರ್ಷ ಶಿಕ್ಷೆ..

ಮುಂಬೈ : ಬಸ್ಸಿನಲ್ಲಿ ಪ್ರಯಾಣಿಸುತ್ತಿದ್ದ 13 ವರ್ಷದ ಬಾಲಕಿಗೆ ‘ಸೆಕ್ಸ್​ ಬಗ್ಗೆ ಏನಾದರೂ ತಿಳಿದಿದೆಯೆ?’ ಎಂದು ಪ್ರಶ್ನಿಸಿದ್ದ ಬಸ್​ ಕಂಡಕ್ಟರ್​ಗೆ ಮುಂಬೈನ ವಿಶೇಷ ಕೋರ್ಟ್ 1 ವರ್ಷ ಜೈಲು ಶಿಕ್ಷೆ ವಿಧಿಸಿದೆ.
 ಸಂತ್ರಸ್ತ ಬಾಲಕಿ ಸರ್ಕಾರಿ ಬಸ್​ನಲ್ಲಿ ಪ್ರತಿದಿನ ಬೆಳಿಗ್ಗೆ ಶಾಲೆಗೆ ಪ್ರಯಾಣಿಸುತ್ತಿದ್ದಳು. ಒಂದು ದಿನ ಬಸ್ಸಿನ ಹಿಂದಿನ ಸೀಟಿನಲ್ಲಿ ಕೂತಿದ್ದ ಅವಳ ಬಳಿ ಬಂದ ಆರೋಪಿ ಚಂದ್ರಕಾಂತ್ ಅವಳ ಪಕ್ಕದಲ್ಲಿ ಕುಳಿತು ಅವಳಿಗೆ ಸೆಕ್ಸ್ ಬಗ್ಗೆ ಏನು ಗೊತ್ತು ಎಂದು ಕೇಳಿದ್ದ. ಈ ರೀತಿಯ ಪ್ರಶ್ನೆಗಳನ್ನು  ಕೇಳಬೇಡಿ ಎಂದು ಹೇಳಿದಾಗ ಮತ್ತೆ ಮುಂದಕ್ಕೆ ಹೋದ ಆತ, ಕೆಲವು ನಿಮಿಷ ಬಿಟ್ಟು ವಾಪಸ್ ಬಂದು ಮತ್ತೆ ಅದೇ ರೀತಿ ಪಕ್ಕದಲ್ಲಿ ಕುಳಿತು ಪ್ರಶ್ನಿಸಿದ್ದ. ಆಕೆ ಏನೂ ಉತ್ತರಿಸದೆ, ತನ್ನ ಸ್ಟಾಪ್​ ಬಂದಾಗ ಬಸ್ಸಿನಿಂದಿಳಿದು ಹೋದಳು ಎನ್ನಲಾಗಿದೆ.

 ಬಾಲಕಿಯು ತನ್ನ ಸ್ನೇಹಿತೆಯೊಂದಿಗೆ ಬಸ್​ ಕಂಡಕ್ಟರ್​ನ ವರ್ತನೆ ಬಗ್ಗೆ ಹೇಳಿಕೊಂಡಳು.ನಂತರ ಸ್ನೇಹಿತೆಯಿಂದ ವಿಷಯ ತಿಳಿದ ತಾಯಿ, ಬಸ್​ ಡಿಪೋಗೆ ಹೋಗಿ ಕಂಡಕ್ಟರ್ ಯಾರೆಂದು ಗುರುತಿಸಿ ಪೊಲೀಸರಿಗೆ ದೂರು ನೀಡಿದ್ದಳು ಎನ್ನಲಾಗಿದೆ. ಮುಂಬೈನ ನೆಹರೂ ಪೊಲೀಸ್ ಠಾಣೆಯಲ್ಲಿ ಕೇಸು ದಾಖಲಿಸಲಾಗಿತ್ತು. ಆರೋಪಿ ಚಂದ್ರಕಾಂತ್ ಸುದಾಮ್ ಕೋಲಿ ಎಂಬಾತನನ್ನು ಪೋಕ್ಸೋ ಕಾಯ್ದೆಯ ಸೆಕ್ಷನ್ 12 ರಡಿ ಅಪರಾಧಿ ಎಂದು ತೀರ್ಮಾನಿಸಿರುವ ಕೋರ್ಟ್​, ಆತನ ಮೇಲೆ 15,000 ರೂ.ಗಳ ದಂಡವನ್ನು ಕೂಡ ವಿಧಿಸಿದೆ. 

Ads on article

Advertise in articles 1

advertising articles 2