'ಫ್ಯಾಮಿಲಿ ಮ್ಯಾನ್' ವೆಬ್ ಸೀರಿಸ್ ನಿಂದಾಗಿ ಸಾಕಷ್ಟು ಪ್ರಪೋಸಲ್ ಬರ್ತೀವೆ - ನಟಿ ಆಶ್ಲೇಷಾ ಠಾಕೂರ್

 ಮುಂಬೈ: ಫ್ಯಾಮಿಲಿ ಮ್ಯಾನ್ ವೆಬ್ ಸೀರಿಸ್ ನಲ್ಲಿ ಹದಿಹರೆಯದ ತರುಣಿ ಧೃತಿ ಪಾತ್ರದಲ್ಲಿ ಕಾಣಿಸಿಕೊಂಡ ನಟಿ ಆಶ್ಲೇಷಾ ಠಾಕೂರ್ ಎಲ್ಲರ ಮನಸ್ಸನ್ನು ಗೆದ್ದಿದ್ದಾರೆ.

ಈ ಬಗ್ಗೆ ತಮ್ಮ ಅನುಭವ ಹಂಚಿಕೊಂಡ ಆಶ್ಲೇಷಾ ಠಾಕೂರ್ ಸೀರಿಸ್ ನಲ್ಲಿ  ಬರುವ ಕಿಡ್ನ್ಯಾಪ್ ಸೀನ್ ಆಕೆಗೆ ಮಾನಸಿಕವಾಗಿ ಸಾಕಷ್ಟು ನೋವುಂಟು ಮಾಡಿತ್ತಂತೆ. ಈ ಸೀನ್ ಅನ್ನು ಬೇರೆ ರೀತಿಯಲ್ಲಿ ಬದಲಾಯಿಸಿ ಎಂದು ನಿರ್ದೇಶಕರಿಗೆ ಮನವಿ ಮಾಡಿದ್ದಳಂತೆ. ಆದರೆ ಅದಕ್ಕೆ ಅವರು ಒಪ್ಪದಿದ್ದಾಗ, ಧೈರ್ಯ ತೆಗೆದುಕೊಂಡು ನಟಿಸಿದೆ ಎನ್ನುತ್ತಾರೆ ನಟಿ ಆಶ್ಲೇಷಾ ಠಾಕೂರ್. 

ಆ ರೀತಿಯ ಪಾತ್ರದಲ್ಲಿ ನಟಿಸಿದ್ದರಿಂದಾಗಿ ಇಂದು ನನ್ನನ್ನು ಜನರು ಒಬ್ಬ ನಟಿಯಾಗಿ ಗುರುತಿಸುತ್ತಿದ್ದಾರೆ. ಸೀಸನ್​ ಹಿಟ್ ಆದ ನಂತರ ಸಾಕಷ್ಟು ಜನರು ನನಗೆ ನೇರವಾಗಿ ಮದುವೆ ಪ್ರಪೋಸ್ ತಂದಿದ್ದಾರೆ. ಇನ್​ಸ್ಟಾಗ್ರಾಂನಲ್ಲಿ ಸಾಕಷ್ಟು ಮೆಸೇಜ್​ಗಳು ಪ್ರೀತಿ ನಿವೇದನೆಯೇ ಆಗಿದೆ ಎಂದು ಆಶ್ಲೇಷಾ ತಮ್ಮ ಅನುಭವವನ್ನು ಹಂಚಿಕೊಂಡಿದ್ದಾರೆ.