Mangalore; ಮೊಬೈಲ್ ಗೆ ಬಂದ ಆ ಒಂದು SMS ನಂಬಿ ಕುಡ್ಲದ ವ್ಯಕ್ತಿ ಕಳೆದುಕೊಂಡದ್ದು 65 ಸಾವಿರ!
Wednesday, June 16, 2021
ಮಂಗಳೂರು; ಮಂಗಳೂರಿನ ವ್ಯಕ್ತಿಯೊಬ್ಬರ ಮೊಬೈಲ್ ಗೆ ಬಂದ SMS ನ್ನು ನಂಬಿ 65 ಸಾವಿರ ರೂಪಾಯಿ ಕಳೆದುಕೊಂಡ ಘಟನೆ ಮಂಗಳೂರಿನಲ್ಲಿ ನಡೆದಿದೆ.
ಈ ವ್ಯಕ್ತಿಗೆ ಜೂನ್ 13 ರಂದು ರಾತ್ರಿ ಮೊಬೈಲ್ಗೆ SMS ಬಂದಿತ್ತು. ಇದರಲ್ಲಿ "verify important message from SBI" ಎಂದು ಬರೆಯಲಾಗಿತ್ತು. ಜೊತೆಗೆ ಅದರಲ್ಲಿ ಒಂದು ಲಿಂಕ್ ಕೂಡ ಕಳುಹಿಸಲಾಗಿತ್ತು.ಈ ಲಿಂಕ್ ಕ್ಲಿಕ್ ಮಾಡಿದಾಗ ಎಸ್ಬಿಐ ಬ್ಯಾಂಕ್ನ ನಕಲಿ ವೆಬ್ ಪೇಜ್ ಓಪನ್ ಆಗಿತ್ತು. ಅರ್ಜಿದಾರರಿಗೆ ಯೂಸರ್ ನೇಮ್, ಪಾಸ್ ವರ್ಡ್ ತುಂಬಲು ತಿಳಿಸಿದ ನಂತರ ಓಟಿಪಿ ವಿವರ ಪಡೆದುಕೊಂಡು ಅವರ ಖಾತೆಯಲ್ಲಿ ಇದ್ದ ರೂ 65 ಸಾವಿರ ಹಣ ವರ್ಗಾಯಿಸಲಾಗಿದೆ.
ಬ್ಯಾಂಕ್ನ ಹೆಸರಿನಲ್ಲಿ ಬಂದ ಸಂದೇಶವನ್ನು ಕ್ಲಿಕ್ ಮಾಡಿದಕ್ಕೆ ಈ ವ್ಯಕ್ತಿ 65 ಸಾವಿರ ರೂಪಾಯಿ ಕಳೆದುಕೊಂಡಿದ್ದಾರೆ.ಇವರು ಆರ್ಯ ಸಮಾಜ ರಸ್ತೆಯಲ್ಲಿ ಇರುವ ಎಸ್ಬಿಐ ಶಾಖೆಯಲ್ಲಿ ಬ್ಯಾಂಕ್ ಖಾತೆ ಹೊಂದಿದ್ದು‌ಈ ಖಾತೆಗೆ ಸಂಬಂಧಿಸಿದಂತೆ ಮೆಸೆಜ್ ಬಂದಿದೆ ಎಂದು ನಂಬಿದ್ದರು. ಆದರೆ ಅವರು ನಕಲಿ ವೆಬ್ ಪೇಜ್ ಗೆ ಭೇಟಿ ನೀಡಿ ಹಣ ಕಳೆದುಕೊಂಡಿದ್ದಾರೆ.
ಇದೀಗ ಈ ವ್ಯಕ್ತಿ ಮಂಗಳೂರು ಸೈಬರ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
