ಎಸ್ಐ - ಮಹಿಳಾ ಕಾನ್ಸ್ಟೇಬಲ್ ನಡುವೆ ಅನೈತಿಕ ಸಂಬಂಧ: ಬಲಿಯಾಯಿತು ಬಡಜೀವ
Sunday, June 13, 2021
ತೆಲಂಗಾಣದ ನಿಜಾಮಾಬಾದ್ ಜಿಲ್ಲೆಯ ಇಂದಾಲ್ವೈ ಪೊಲೀಸ್ ಠಾಣೆಯ ಶಿವಪ್ರಸಾದ್ ರೆಡ್ಡಿ ಅಮಾನಯುಗೊಂಡ ಎಸ್ಐ.ಶಿವಪ್ರಸಾದ್ ರೆಡ್ಡಿ ಕರೀಮ್ನಗರ ಜಿಲ್ಲೆಯ ವೀಣವಂಕ ಮಂಡಲದ ನರ್ಸಿಂಗಪಲ್ಲಿ ಗ್ರಾಮದವರು. 2019ರ ಡಿಸೆಂಬರ್ನಲ್ಲಿ ಇಂದಾಲ್ವೈ ಪೊಲೀಸ್ ಠಾಣೆಗೆ ಪ್ರೊಬೆಷನರಿ ಸಬ್ ಇನ್ಸ್ಪೆಕ್ಟರ್ ನೇಮಕವಾಗಿದ್ದರು. ಶಿವಪ್ರಸಾದ್ ರೆಡ್ಡಿ ವಿರುದ್ಧ ಅನೇಕ ಅಕ್ರಮ ಪ್ರಕರಣಗಳಿವೆ.
ಶಿವಪ್ರಸಾದ್ ರೆಡ್ಡಿ ಮಹಿಳಾ ಕಾನ್ಸ್ಟೇಬಲ್ ಜತೆ ಅನೈತಿಕ ಸಂಬಂಧ ಇಟ್ಟುಕೊಂಡಿದ್ದ ವಿಚಾರ ಜಿಲ್ಲೆಯಲ್ಲಿ ಭಾರಿ ಸಂಚಲನ ಸೃಷ್ಟಿ ಮಾಡಿತ್ತು. ಮಹಿಳಾ ಕಾನ್ಸ್ಟೇಬಲ್ ಪತಿ ಶಿವಾಜಿರಾವ್ಗೆ ಈ ವಿಚಾರ ತಿಳಿದು ಮನನೊಂದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಕಾಮರೆಡ್ಡಿ ಜಿಲ್ಲೆಯ ಗಾಂಧಾರಿ ಪೊಲೀಸ್ ಠಾಣೆಯಲ್ಲಿ ಐಪಿಸಿ ಸೆಕ್ಷನ್ 306ರ ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.
ಮಹಿಳಾ ಕಾನ್ಸ್ಟೇಬಲ್ ಎ1 ಮತ್ತು ಎಸ್ಐ ಶಿವಪ್ರಸಾದ್ ರೆಡ್ಡಿ ಎ2 ಆರೋಪಿಗಳು. ಶಿವಾಜಿರಾವ್ ಸಾವಿಗೆ ಆಕೆಯ ಪತ್ನಿ ಮತ್ತು ಎಸ್ಐ ಕಾರಣವೆಂದು ಗ್ರಾಮಸ್ಥರು ಭಾರೀ ಆಕ್ರೋಶ ಹೊರಹಾಕಿದ್ದು, ಅವರ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳಲು ಆಗ್ರಹಿಸಿದ್ದಾರೆ. ಇದರ ನಡುವೆ ಎಸ್ಐ ಶಿವಪ್ರಸಾದ್ರನ್ನು ಅಮಾನತು ಮಾಡಿ ಪೊಲೀಸ್ ಆಯುಕ್ತ ಕಾರ್ತಿಕೇಯ ಆದೇಶಿಸಿದ್ದಾರೆ. ಆರೋಪಿಗಳ ಮೇಲಿರುವ ಆರೋಪ ಸಾಬೀತಾದರೆ ಇಬ್ಬರು 10 ವರ್ಷಗಳ ಕಠಿಣ ಕಾರಾಗೃಹ ಶಿಕ್ಷೆಗೆ ಗುರಿಯಾಗಲಿದ್ದಾರೆ.
