ಟ್ರ್ಯಾಕ್ಟರ್​ ಡ್ರೈವ್​ ಮಾಡಿಕೊಂಡು ಬಂದು ಕಲ್ಯಾಣಮಂಟಪಕ್ಕೆ ಎಂಟ್ರಿ ಕೊಟ್ಟ ವಧು...

ಪುಣೆ(ಮಹಾರಾಷ್ಟ್ರ): ವಧು ತಾನೇ ಟ್ರ್ಯಾಕ್ಟರ್​ ಡ್ರೈವ್​ ಮಾಡಿಕೊಂಡು ಬಂದು ಕಲ್ಯಾಣಮಂಟಪಕ್ಕೆ ಬಂದಿದ್ದಾಳೆ. ಮಹಾರಾಷ್ಟ್ರದ ಪುಣೆಯ ದೌಂಡ್ ಪ್ರದೇಶದಲ್ಲಿ ಈ ಘಟನೆ ನಡೆದಿದೆ.

ಸುಮಾರು ಎರಡು ಕಿಲೋ ಮೀಟರ್​ ದೂರದಿಂದ ಟ್ರ್ಯಾಕ್ಟರ್​ ಡ್ರೈವ್​ ಮಾಡಿಕೊಂಡು ಬಂದ ವಧು ಪೂಜಾ ರಾಜಾರಾಮ್​ ಗಾಯ್ಕವಾಡ್  ಕಲ್ಯಾಣ ಮಂಟಪ ಏರಿದ್ದಾಳೆ. ಇದಕ್ಕೆ ಸಂಬಂಧಿಸಿದಂತೆ ಮಾತನಾಡಿರುವ ಪೂಜಾ, ನಮ್ಮ ತಂದೆ ಒಬ್ಬ ರೈತ.ಮದುವೆ ಮಾಡಿಕೊಳ್ಳುವ ವೇಳೆ ಟ್ರ್ಯಾಕ್ಟರ್ ಡ್ರೈವ್ ಮಾಡಿಕೊಂಡು ಹೋಗಬೇಕು ಎಂಬ ಆಸೆ ಇತ್ತು. ಹೀಗಾಗಿ ಈ ನಿರ್ಧಾರ ಕೈಗೊಂಡಿದ್ದೇನೆ ಎಂದಿದ್ದಾರೆ. 

ಯುವತಿಯ ಈ ನಿರ್ಧಾರ ಸದ್ಯ ಗ್ರಾಮದಲ್ಲಿ ಹೆಚ್ಚು ಚರ್ಚೆಗೊಳಗಾಗಿದ್ದು, ಕೆಲವರು ಮೆಚ್ಚುಗೆ ವ್ಯಕ್ತಪಡಿದ್ದಾರೆ.