29 ಗಂಟೆಯಲ್ಲಿ ಸಿದ್ದವಾಯಿತು 10 ಮಹಡಿ ಕಟ್ಟಡ- ಎಲ್ಲಿ ಗೊತ್ತಾ?

 ಬೀಜಿಂಗ್: ಕೇವಲ 28 ಗಂಟೆ 45 ನಿಮಿಷಗಳಲ್ಲಿ 10 ಮಹಡಿಯ ಬಿಲ್ಡಿಂಗ್​ ನಿರ್ಮಿಸಿ ಚೀನಾ ಇದೀಗ  ಸಾಧನೆಯೊಂದನ್ನು ಮಾಡಿದೆ. ಈ ದಾಖಲೆಯ  ಬಿಲ್ಡಿಂಗ್​ ನಿರ್ಮಾಣದ ಅನೇಕ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ. 

ಚಾಂಗ್‌ಶಾದಲ್ಲಿರುವ ಬ್ರಾಡ್ ಗ್ರೂಪ್ ಎಂಬ ಸಂಸ್ಥೆ ಈ ಸಾಧನೆಯನ್ನು ಮಾಡಿದ್ದು ಮಹಡಿಯ ಎಲ್ಲ ವಿನ್ಯಾಸಗಳನ್ನು ಮೊದಲೇ ಇಂಡಸ್ಟ್ರಿಯಲ್ಲಿ ತಯಾರಿಸಿಟ್ಟುಕೊಂಡಿತ್ತು. ನಂತರ ಅದನ್ನು ಬಿಲ್ಡಿಂಗ್​ ನಿರ್ಮಿಸಬೇಕಾಗಿದ್ದ ಜಾಗಕ್ಕೆ ತಂದು ಒಂದರ ಮೇಲೆ ಒಂದರಂತೆ ಇಟ್ಟು ಬೋಲ್ಟ್​ ಮತ್ತು ನಟ್​ಗಳಿಂದ ಕನೆಕ್ಟ್​ ಮಾಡಲಾಗಿದೆ. ಪೂರ್ತಿ ವಿನ್ಯಾಸವಾದ ನಂತರ ಅದಕ್ಕೆ ವಿದ್ಯುತ್ ಮತ್ತು ನೀರು ಸರಬರಾಜಿನ ವ್ಯವಸ್ಥೆ ಮಾಡಲಾಗಿದೆ. ಈ ರೀತಿ ಒಂದೇ ಸ್ಥಳದಲ್ಲಿ ಬಿಲ್ಡಿಂಗ್​ ನಿರ್ಮಿಸಲು ತಗುಲಿದ ಸಮಯ 28 ಗಂಟೆ 45 ನಿಮಿಷ. 

ಬಿಲ್ಡಿಂಗ್​ ನಿರ್ಮಾಣ ಅತ್ಯಂತ ಸುಲಭವಾಗಿತ್ತು ಎಂದು ಬಿಲ್ಡಿಂಗ್​ ನಿರ್ಮಾಣದಲ್ಲಿ ತೊಡಗಿಸಿಕೊಂಡವರು ಹೇಳಿದ್ದಾರೆ.