ಈ ಮಗುವಿಗೆ ಬೇಕಿತ್ತು16 ಕೋಟಿ ರೂ. ಬೆಲೆಯ ಇಂಜೆಕ್ಷನ್ : ಪ್ರಾಣಬಿಟ್ಟ ಕಂದಮ್ಮ

ಜೈಪುರ (ರಾಜಸ್ಥಾನ): ಸ್ಪೈನಲ್ ಮಸ್ಕ್ಯುಲರ್ ಅಟ್ರೋಫಿ (ಎಸ್‌ಎಂಎ) ಎಂಬ ಅಪರೂಪದ ಕಾಯಿಲೆಯಿಂದ ಬಳಲುತ್ತಿದ್ದ ಆರು ತಿಂಗಳ ಮಗು ಚಿಕಿತ್ಸೆಗೆ ಬೇಕಿದ್ದ 16 ಕೋಟಿ ರೂ. ಬೆಲೆಯ ಚುಚ್ಚುಮದ್ದು ಸಿಗದೆ ಉಸಿರು ನಿಲ್ಲಿಸಿದ ಘಟನೆ ರಾಜಸ್ಥಾನದ ಬಿಕಾನೆರ್ ಜಿಲ್ಲೆಯಲ್ಲಿ ನಡೆದಿದೆ.

ನೂರ್ ಫಾತಿಮಾ ಎಂಬ 6 ತಿಂಗಳ ಮಗು ಸ್ಪೈನಲ್ ಮಸ್ಕ್ಯುಲರ್ ಅಟ್ರೋಫಿ (ಎಸ್‌ಎಂಎ) ಎಂಬ ಅಪರೂಪದ ಕಾಯಿಲೆಯಿಂದ ಬಳಲುತ್ತಿತ್ತು. 'ಝೊಲ್ಗೆನ್​​ಸ್ಮಾ' ಎಂಬ ಅತ್ಯಂತ ದುಬಾರಿ ಚುಚ್ಚುಮದ್ದಿನ ಅವಶ್ಯಕತೆ ಇದ್ದು, ಇದರ ಬೆಲೆ ಬರೋಬ್ಬರಿ 16 ಕೋಟಿ ರೂಪಾಯಿ ಆಗಿತ್ತು.

ಮಗುವಿನ ಸ್ಥಿತಿ ಚಿಂತಾಜನಕವಾಗಿದ್ದಾಗ ಮಾಧ್ಯಮದ ಮುಂದೆ ಪ್ರಧಾನಿ ನರೇಂದ್ರ ಮೋದಿಯನ್ನುದ್ದೇಶಿಸಿ ಅಳಲು ತೋಡಿಕೊಂಡಿದ್ದ ಮಗುವಿನ ತಂದೆ ಝೀಶಮ್​ ಅಹ್ಮದ್, ತಕ್ಷಣವೇ ಇಂಜೆಕ್ಷನ್ ವ್ಯವಸ್ಥೆಯಾಗಿಲ್ಲವೆಂದರೆ ನನ್ನ ಮಗಳು ಬದುಕುಳಿಯುವುದಿಲ್ಲ, ಅವಳ ಜೀವ ಉಳಿಸಿ ಎಂದು ಮನವಿ ಮಾಡಿಕೊಂಡಿದ್ದರು

 ಅನೇಕ ಸಂಘ-ಸಂಸ್ಥೆಗಳು ಧನ ಸಹಾಯ ಮಾಡಿದ್ದರೂ ಸರಿಯಾದ ಸಮಯಕ್ಕೆ 16 ಕೋಟಿ ರೂ. ಹೊಂದಿಕೆಯಾಗಲಿಲ್ಲ. ಹೀಗಾಗಿ ನೂರ್ ಫಾತಿಮಾ  ಇಂದು ತನ್ನ ಉಸಿರು ನಿಲ್ಲಿಸಿದ್ದಾಳೆ.