ಅಚ್ಚರಿ- ಬೆಳ್ತಂಗಡಿಯ ಗರ್ಡಾಡಿ ಯಲ್ಲಿ ನೀರು ನಾಯಿಗಳ ಗುಂಪು ಪತ್ತೆ ;ವಿಡಿಯೋ

ಮಂಗಳೂರು;ಬೆಳ್ತಂಗಡಿ ತಾಲೂಕಿನ ಗರ್ಡಾಡಿ ಯಲ್ಲಿ  ನೀರು ನಾಯಿಗಳ ಗುಂಪು ಕಂಡು ಬಂದಿದೆ.

ಗರ್ಡಾಡಿ ಸಮೀಪದ ಹಳ್ಳದಲ್ಲಿ ಈ ಅಪರೂಪದ ನೀರುನಾಯಿಗಳು ಕಾಣಿಸಿಕೊಂಡಿರುವುದು ಅಚ್ಚರಿಗೆ ಕಾರಣವಾಗಿದೆ. ಗರ್ಡಾಡಿ ಸಮೀಪದ ಕುಂಡದಬೆಟ್ಟು ಕುಬಳಬೆಟ್ಟು ಸಮೀಪ ಶನಿವಾರದಂದು ಸಂಜೆ 4 ಗಂಟೆಯ ಸುಮಾರಿಗೆ ನಾಯಿ ಕೂಗುವ ಶಬ್ದ ಕೇಳಿ  ಸ್ಥಳೀಯರು  ಹೋಗಿ ನೋಡುವಾಗ ಹಳ್ಳದಲ್ಲಿ ಸುಮಾರು25 ಕ್ಕಿಂತಲೂ ಅಧಿಕ ನೀರು ನಾಯಿಗಳು ಕಂಡು ಬಂದಿವೆ . ಈ ಅಪರೂಪದ ನೀರು ನಾಯಿಗಳು   ಕಳೆದ ಆಕ್ಟೋಬರ್ ನಲ್ಲಿಯೂ  ರಾತ್ರಿ ಹೊತ್ತಿನಲ್ಲಿ  ಕಂಡು ಬಂದಿದ್ದವು.  ಅದರೆ ಈ ಬಾರಿ ಹಗಲು ಹೊತ್ತಿನಲ್ಲೂ  ಇಪ್ಪತ್ತೈದಕ್ಕಿಂತಲೂ ಅಧಿಕ ಸಂಖ್ಯೆಯಲ್ಲಿ ಇದು ಕಂಡು ಬಂದಿದೆ. ಪಶ್ಚಿಮ ಘಟ್ಟದ ತಪ್ಪಲಲ್ಲಿರುವ ಗರ್ಡಾಡಿಗೆ ಇದು ಎಲ್ಲಿಂದ ಬಂದಿತೆಂಬುದು ಅಚ್ಚರಿಗೆ ಕಾರಣವಾಗಿದೆ

Beaver