ಈ ಹೈಸ್ಕೂಲ್ ಹುಡುಗಿಯ ಮೇಲೆ ನಡೆಯಿತು ಎರಡು ದಿನದಲ್ಲಿ 13 ಬಾರಿ ರೇಪ್: ಗೆಳೆಯ ಸೇರಿದಂತೆ 9 ಕಾಮುಕರ ದುಷ್ಕೃತ್ಯ-ಕಣ್ಣೀರು ತರಿಸುತ್ತದೆ ಈ ಬಾಲಕಿಯ ಕಹಾನಿ
Sunday, January 17, 2021
ಉಮರಿಯಾ: ಹೈಸ್ಕೂಲಿನಲ್ಲಿ ಕಲಿಯುತ್ತಿರುವ 13 ವರ್ಷದ ಬಾಲಕಿ ಮೇಲೆ 48 ಗಂಟೆಗಳಲ್ಲಿ 9 ಕಾಮುಕರು 13 ಬಾರಿ ರೇಪ್ ನಡೆಸಿರುವ ಘಟನೆ ಮಧ್ಯಪ್ರದೇಶದ ಉಮರಿಯಾ ಜಿಲ್ಲೆಯಲ್ಲಿ ನಡೆದಿದೆ.
9ನೇ ತರಗತಿಯಲ್ಲಿ ಕಲಿಯುತ್ತಿರುವ ವಿದ್ಯಾರ್ಥಿನಿಯನ್ನು ಆಕೆಯ ಗೆಳೆಯ ತನ್ನ ಸ್ನೇಹಿತನೊಂದಿಗೆ ಸೇರಿ, ಅಪಹರಿಸಿ ಈ ಕುಕೃತ್ಯ ಎಸಗಿದ್ದಾನೆ.
ಈತ ಸ್ನೇಹಿತರೊಂದಿಗೆ ಸೇರಿ ಗ್ಯಾಂಗ್ರೇಪ್ ಮಾಡಿದ್ದು ಬಳಿಕ ಡಾಭಾದಲ್ಲಿ 5 ಮಂದಿ ಅತ್ಯಾಚಾರವೆಸಗಿದ್ದಾರೆ. ಇದರ ಬಳಿಕ ಟ್ರಕ್ ಚಾಲಕರು ಬಾಲಕಿಯನ್ನು ರೇಪ್ ಮಾಡಿದ್ದಾರೆ. ಇಷ್ಟೆಲ್ಲ ಕುಕೃತ್ಯಗಳು 48 ಗಂಟೆಯಲ್ಲಿ ನಡೆದಿದ್ದು ಬಾಲಕಿ ಅಸ್ವಸ್ಥಳಾಗಿದ್ದಾಳೆ.
ಉಮಾರಿಯಾ ಮೂಲದ 13 ವರ್ಷದ ಬಾಲಕಿ ಜಬಲ್ಪುರದಲ್ಲಿ ನೆಲೆಸಿದ್ದು 9ನೇ ತರಗತಿಯಲ್ಲಿ ಕಲಿಯುತ್ತಿದ್ದಾಳೆ. ಈಕೆ ಜ.11ರಂದು ಮಾರುಕಟ್ಟೆಗೆ ತರಕಾರಿ ತರಲು ಹೋದಾಗ ರಾಹುಲ್ ಕುಸ್ವಾಹ ಮತ್ತು ಆಕಾಶ್ ಸಿಂಗ್ ಎಂಬುವರು ಆಕೆಗೆ ಸಿಕ್ಕಿದ್ದು ಬಳಿಕ ಬೈಕ್ನಲ್ಲಿ ಮನೆಗೆ ಕರೆದೊಯ್ಯುವುದಾಗಿ ಹೇಳಿ ಕರೆದುಕೊಂಡು ಹೋಗಿದ್ದಾರೆ.
ಆದರೆ ಅವರಿಬ್ಬರು ಆಕೆಯನ್ನು ಭರೌಲಾ ಮತ್ತು ಛತನ್ ಪಕ್ಕದ ಕಾಡಿಗೆ ಕರೆದೊಯ್ದು ಅತ್ಯಾಚಾರ ಎಸಗಿದ್ದಾರೆ. ಅದರ ನಂತರ Ns43ನಲ್ಲಿರುವ ಡಾಬಾಗೆ ಕರೆದೊಯ್ದು ಅತ್ಯಾಚಾರವೆಸಗಿದ್ದಾರೆ. ಈ ವೇಳೆ ರಾಹುಲ್ ಮತ್ತು ಆಕಾಶ್ ಜೊತೆಗೆ ಡಾಬಾ ಆಪರೇಟರ್ ಪರಾಸ್ ಸೋನಿ ಮತ್ತು ಸಹೋದ್ಯೋಗಿಗಳಾದ ಮನು ಕಿವಾತ್, ಒಂಕಾರ್ ರೈ, ಈತೇಂದ್ರ ಸಿಂಗ್ ಮತ್ತು ರಾಜನೀಶ್ ಛೌದರಿ ಸಾಮೂಹಿಕ ಅತ್ಯಾಚಾರ ಮಾಡಿದ್ದಾರೆ.
ಮರುದಿನ ಆಕಾಶ್ ಮತ್ತು ರಾಹುಲ್ ವಿದ್ಯಾರ್ಥಿನಿಯನ್ನು ಕರೆದೊಯ್ದು ವಾಪಸ್ಸು ಕಾಡಿನ ಪ್ರದೇಶದ ಬಳಿ ಬಿಟ್ಟು ಹೋಗಿದ್ದಾರೆ. ಆಗ ಬಾಲಕಿ ಅಲ್ಲಿ ಹೋಗುತ್ತಿದ್ದ ಟ್ರಕ್ ಚಾಲಕ ನಲ್ಲಿ ಡ್ರಾಪ್ ಕೇಳಿದ್ದಾಳೆ. ಆಕೆಯನ್ನು ಹತ್ತಿಸಿಕೊಂಡ ಸ್ವಲ್ಪ ದೂರ ಹೋದ ಬಳಿಕ ಚಾಲಕ ಆಕೆಯ ಮೇಲೆ ಅತ್ಯಾಚಾರ ಎಸಗಿದ್ದಾನೆ. ಬಳಿಕ ವಿಲಯತ್ ಕಲಾ ಬರವಾರ ಟೋಲ್ ಬಳಿ ಬಾಲಕಿಯನ್ನು ಬಿಟ್ಟು ಹೋಗಿದ್ದಾನೆ. ಬಾಲಕಿ ಮತ್ತೆ ಮತ್ತೊಂದು ಟ್ರಕ್ ಬಳಿ ಡ್ರಾಪ್ ಕೇಳಿದ್ದಾಳೆ. ಅಷ್ಟರಲ್ಲಾಗಲೇ ಬಾಲಕಿ ನಿರಂತರ ಅತ್ಯಾಚಾರದಿಂದ ಬಹಳ ಸುಸ್ತಾಗಿದ್ದನ್ನು ಕಂಡು ಆ ಚಾಲಕ ಕೂಡ ಬಾಲಕಿಯನ್ನು ಅತ್ಯಾಚಾರ ಮಾಡಿ ಪರಾರಿಯಾಗಿದ್ದಾನೆ.
ಕೊನೆಗೂ ಮನೆಗೆ ಮುಟ್ಟಿದ ಬಾಲಕಿ ನಡೆದ ಘಟನೆಯನ್ನು ತಾಯಿ ಮುಂದೆ ವಿವರಿಸಿದ್ದು ಬಳಿಕ ತಾಯಿ ಪೊಲೀಸ್ ಠಾಣೆಗೆ ತೆರಳಿ ದೂರು ನೀಡಿದ್ದಾರೆ.
ಪೊಲೀಸರು ಒಂಬತ್ತು ಅತ್ಯಾಚಾರಿಗಳ ವಿರುದ್ಧ ಕೋಟ್ವಾಲಿ ಪೊಲೀಸ್ ಠಾಣೆಯಲ್ಲಿ ಐಪಿಸಿ ಸೆಕ್ಷನ್ 376 ಮತ್ತು ಪೋಕ್ಸೋ ಕಾಯ್ದೆ ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.ಆರೋಪಿಗಳಾದ ಆಕಾಶ್ ಸಿಂಗ್, ರಾಹುಲ್ ಕುಸ್ವಾಹ, ಮನು ಕಿವಾತ್, ಓಂಕಾರ್ ರೈ, ರಜನೀಶ್ ಚೌಧರಿ, ಪರಾಸ್ ಸೋನಿ ಮತ್ತು ಟ್ರಕ್ ಡ್ರೈವರ್, ರೋಹಿತ್ ಯಾದವ್ರನ್ನು ಬಂಧಿಸಿರುವ ಪೊಲೀಸರು ಇತೇಂದ್ರ ಮತ್ತು ಇತರೆ ಟ್ರಕ್ ಡ್ರೈವರ್ಗಾಗಿ ಶೋಧ ಕಾರ್ಯಾಚರಣೆ ನಡೆಸುತ್ತಿದ್ದಾರೆ.
