ಸಿವಿಲ್ ಕೋರ್ಟ್ ಚಳಿಗಾಲದ ರಜೆ ಕಡಿತ: ಹೈಕೋರ್ಟ್ ಅಧಿಸೂಚನೆ

ರಾಜ್ಯಾದ್ಯಂತ ಸಿವಿಲ್  ನ್ಯಾಯಾಲಯಗಳ ಚಳಿಗಾಲದ ರಜೆಯನ್ನು  ಕಡಿತಗೊಳಿಸಿ ಮಾನ್ಯ ಕನಾ೯ಟಕ  ಹೈಕೋರ್ಟ್  ಅಧಿಸೂಚನೆ ಹೊರಡಿಸಿದೆ

2020 ರ ಹೈಕೋರ್ಟ್ ಕ್ಯಾಲೆಂಡರ್ ಪ್ರಕಾರ ನ್ಯಾಯಾಲಯಗಳ  ಚಳಿಗಾಲದ ರಜೆಯು ದಿನಾಂಕ 21.12.2020 ರಿಂದ 1.1.2021 ರ ವರೆಗೆ ನಿಗದಿಯಾಗಿತ್ತು. ಆದರೆ ಕೋವಿಡ್‌ -19 ಮಹಾಮಾರಿಯಿಂದ ನ್ಯಾಯಾಲಯದ ಬಹಳಷ್ಟು ಕೆಲಸದ  ದಿನಗಳು ನಷ್ಟವಾಗಿವೆ. ಮಾನ್ಯ ಕರ್ನಾಟಕ  ಹೈಕೋರ್ಟ್ ನ ಪೂರ್ಣ ನ್ಯಾಯಾಲಯ ಸಭೆಯು ದಿನಾಂಕ 19.10.2020 ರಂದು ಕೈಗೊಂಡ ನಿರ್ಣಯ ಈ ಕೆಳಗಿನಂತಿದೆ.

 ಕೋವಿಡ್‌ -19 ಮಹಾಮಾರಿಯಿಂದ ನ್ಯಾಯಾಲಯದ ಬಹಳಷ್ಟು ಕೆಲಸ ದಿನಗಳು ನಷ್ಟವಾಗಿವೆ. ಪೂರ್ಣ ನ್ಯಾಯಾಲಯ ಸಭೆಯು ಚಳಿಗಾಲದ ರಜೆಯನ್ನು ಕಡಿತಗೊಳಿಸಲು ನಿರ್ಧರಿಸಿದ್ದು ದಿನಾಂಕ 21.12.2020 ರಿಂದ ಆರಂಭವಾಗುವ ಚಳಿಗಾಲದ ರಜೆಯು ದಿನಾಂಕ 24.12.2020 ರ೦ದು ಆರಂಭವಾಗಲಿದ್ದು ದಿನಾಂಕ 1.1.2021 ರಂದು ಕೊನೆಗೊಳ್ಳಲಿದೆ. ಈ ನಿರ್ಣಯವನ್ನು ಬೆಂಗಳೂರು ಕಲ್ಬುರ್ಗಿ ಮತ್ತು ಧಾರವಾಡದ ವಕೀಲರುಗಳ ಸಂಘಗಳೊಂದಿಗೆ ಹಾಗೂ ರಾಜ್ಯ ವಕೀಲರ ಪರಿಷತ್ತಿನ ರೊಂದಿಗೆ ಸಮಾಲೋಚಿಸಿ ಕೈಗೊಳ್ಳಲಾಗಿದೆ.

 ಆದುದರಿಂದ 2020 ನೆಯ  ಕ್ಯಾಲೆಂಡರ್ ವರ್ಷದಲ್ಲಿ ರಾಜ್ಯದ ಸಿವಿಲ್ ವಿಭಾಗದ ಎಲ್ಲಾ ಜಿಲ್ಲಾ ಮತ್ತು ವಿಚಾರಣಾ ನ್ಯಾಯಾಲಯಗಳ ಮತ್ತು  ಮಾನ್ಯ ಹೈಕೋರ್ಟ್ ನ ಚಳಿಗಾಲದ ರಜೆಯನ್ನು 3 ದಿನ ಕಡಿತಗೊಳಿಸಲಾಗಿದೆ.

 ದಿನಾಂಕ 21.12.2020 ರಿಂದ 1.1.2021ರ ರ ವರೆಗೆ ನೀಡಲಾಗಿದ್ದ ಚಳಿಗಾಲದ ರಜೆಯನ್ನು ಕಡಿತಗೊಳಿಸಿ ದಿನಾಂಕ 24.12.2020 ರಿಂದ 1.1.2020 ರ ವರೆಗೆ 9 ದಿನಗಳ ರಜೆ  ಘೋಷಿಸಿ ಮಾನ್ಯ ಕನಾ೯ಟಕ  ಹೈಕೋರ್ಟ್ ದಿನಾಂಕ 11.11.2020 ರ೦ದು ಅಧಿಸೂಚನೆ ಹೊರಡಿಸಿದೆ.

ಮಾಹಿತಿ: ಪ್ರಕಾಶ್ ನಾಯಕ್; ಶಿರಸ್ತೆದಾರರು; ಜುಡಿಶಿಯಲ್ ಸವಿ೯ಸ್  ಸೆಂಟರ್; ಮಂಗಳೂರು