ಖ್ಯಾತ ಮಲಯಾಳಂ ನಟಿ ಅನ್ನಾ ರಾಜನ್ ಅವರು ಸಿಮ್ ಖರೀದಿಸಲು ಶೋ ರೂಂ ಗೆ ತೆರಳಿದ ವೇಳೆ ಉದ್ಯೋಗಿಯೊಬ್ಬರು ಕೂಡಿ ಹಾಕಿದ ಘಟನೆ ಕೇರಳದಲ್ಲಿ ನಡೆದಿದೆ.
ಅಲುವಾದಲ್ಲಿರುವ ಖಾಸಗಿ ಟೆಲಿಕಾಂ ಶೋ ರೂಮ್ ಗೆ ಅನ್ನಾ ರಾಜನ್ (Anna Rajan ) ಅವರು DUPLICATE ಸಿಮ್ ಖರೀದಿಸಲು ತೆರಳಿದಾಗ ಈ ಘಟನೆ ನಡೆದಿದೆ. ಈ ಘಟನೆ ಬಗ್ಗೆ ನಟಿ ದೂರು ದಾಖಲಿಸಿದ್ದಾರೆ.
Duplicate ಸಿಮ್ ಖರೀದಿಸಲು ಶೋ ರೂಮ್ ಗೆ ಹೋಗಿದ್ದ ವೇಳೆ ಅಲ್ಲಿನ ಉದ್ಯೋಗಿಯೊಬ್ಬರು ನನ್ನ ಜೊತೆ ಅನುಚಿತವಾಗಿ ವರ್ತಿಸಿದ್ದಾರೆ. ಅಲ್ಲದೆ ಅವರು ಶೋ ರೂಮ್ ನ ಶಟರ್ ನ್ನು ಎಳೆದು ನನ್ನನ್ನು ಕೂಡಿ ಹಾಕಿದರು. ಇದನ್ನು ನಾನು ಪ್ರಶ್ನಿಸಿದಾಗ ಬೆದರಿಕೆಯೊಡ್ಡಿದ್ದರು ಎಂದು ಅನ್ನಾ ರಾಜನ್ ಹೇಳಿದ್ದಾರೆ.
ಅನ್ನಾ ರಾಜನ್ ಅವರು ನೀಡಿದ ದೂರಿನ ಬಳಿಕ ಅಲುವಾ ಪೊಲೀಸ್ ಠಾಣೆಗೆ ಟೆಲಿಕಾಂ ಸಿಬ್ಬಂದಿಯನ್ನು ಕರೆಸಿಕೊಳ್ಳಲಾಗಿದ್ದು, ಈ ವೇಳೆ ಆತ ಕ್ಷಮೆಯಾಚಿಸಿದ್ದಾನೆ. ಆತನ ಭವಿಷ್ಯವನ್ನು ಗಮನದಲ್ಲಿರಿಸಿ ಈ ಪ್ರಕರಣವನ್ನು ಕೈ ಬಿಟ್ಟಿದ್ದೇನೆ ಎಂದು ಅನ್ನಾ ರಾಜನ್ ತಿಳಿಸಿದ್ದಾರೆ.
ಮಲಯಾಳಂ ನ ಸೂಪರ್ ಡೂಪರ್ ಹಿಟ್ ಸಿನಿಮಾ ಅಂಗಮಾಲಿ ಡೈರೀಸ್ ( angamali dairies) ಚಿತ್ರದ ಮೂಲಕ ಮಲಯಾಳಂ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ ಅನ್ನಾ ರಾಜನ್, ಆ ಬಳಿಕ ಮೋಹನ್ ಲಾಲ್ ಅಭಿನಯದ ವೆಲ್ಲಿಪಡತ್ತಿಂಡೆ ಪುಸ್ತಕಂ, ಮಮ್ಮುಟಿಯ ನಟಿಸಿದ ಮಧುರ ರಾಜ, ಅಯ್ಯಪ್ಪನುಂ ಕೊಶಿಯುಂ ಸೇರಿದಂತೆ ಅನೇಕ ಚಿತ್ರಗಳಲ್ಲಿ ನಟಿಸಿದ್ದಾರೆ. ಇದೀಗ ಇಡುಕ್ಕಿ ಬ್ಲಾಸ್ಟರ್ಸ್ ಹಾಗೂ ತಲನಾರಿಝಾ ಚಿತ್ರಗಳಲ್ಲಿ ಅನ್ನಾ ರಾಜನ್ ನಟನೆ ಮಾಡುತ್ತಿದ್ದಾರೆ.
![ಇರಾನ್ ಯುದ್ಧದಿಂದ ವಿಳಂಬ: ಕುವೈತ್ನಿಂದ ತಾಯ್ನಾಡಿಗೆ ತಲುಪಿದ 20 ಭಾರತೀಯರ ಮೃತದೇಹಗಳು [Kuwait]](https://lh3.googleusercontent.com/blogger_img_proxy/AEn0k_tByDzW51WvBaDUQh1dDFuRFmDkiQTsa-crQFFZxCEKxKiadjUCgN7S4O1Jaf8zYIOYn0T6swFexuWs6OYTWERQnbMb1rEmK0kgaC8qeESFxYO97xW9pxL-r1Ts1WoirOHc3w)
![ಇಂದಿನಿಂದ 2027ರ ಜನಗಣತಿ ಆರಂಭ: ದೇಶದ ಮೊದಲ ಡಿಜಿಟಲ್ ಗಣತಿಯ ಹಂತ-1ರಲ್ಲಿ 33 ಪ್ರಶ್ನೆಗಳು [Census]](https://lh3.googleusercontent.com/blogger_img_proxy/AEn0k_ttTI_wEuu9oT_lRsgz5CRK3voMSJDdAL7bW3ZA3k9iMR3A3QhsX16cmBc4BjS3WlhoBo6_lgrcyn532tD0AsoAhf-NtW2epMH_lAIT5mpuUIrlndHVszggDT3-rT8-Dcun3evp)