ಸಂಪ್ ನೊಳಗೆ ಪತ್ತೆಯಾಯಿತು ತಾಯಿ‌ - ಮಗುವಿನ ಮೃತದೇಹ!

ಚಿಕ್ಕಬಳ್ಳಾಪುರ: ಮನೆಯಿಂದ ನಾಪತ್ತೆಯಾಗಿದ್ದ ತಾಯಿ - ಮಗು  ಇಂದು ತೋಟದಲ್ಲಿನ ಸಂಪಿನಲ್ಲಿ ಮೃತದೇಹವಾಗಿ ಪತ್ತೆ ಆಗಿರುವ ಘಟನೆ ಚಿಕ್ಕಬಳ್ಳಾಪುರ ಜಿಲ್ಲೆಯಲ್ಲಿ ನಡೆದಿದೆ. 

ಚಿಕ್ಕಬಳ್ಳಾಪುರ ಜಿಲ್ಲೆಯ ಶಿಡ್ಲಘಟ್ಟ ತಾಲೂಕಿನ ಹರಳಹಳ್ಳಿ ಗ್ರಾಮದ ನವಲತಾ (26) ಹಾಗೂ ಪುತ್ರ ಅಂಜನ್​ಕುಮಾರ್ (5) ಮೃತಪಟ್ಟವರು. 

ನವಲತಾ ಹಾಗೂ ಅಂಜನ್ ಕುಮಾರ್ ನಿನ್ನೆ ಸಂಜೆ ಮನೆಯಿಂದ ತೋಟದ ಕಡೆಗೆ ಹೋಗಿದ್ದವರು ಮರಳಿ ಬಂದಿರಲಿಲ್ಲ. ಹೀಗಾಗಿ ತೋಟಕ್ಕೆ ಹೋಗಿ ಹುಡುಕಾಡಿದಾಗ ಅಲ್ಲಿನ ಸಂಪ್​ನಲ್ಲಿ ತಾಯಿ-ಮಗನ ಮೃತದೇಹ ಪತ್ತೆಯಾಗಿವೆ.

ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ನವಲತಾ ಪೋಷಕರು ವರದಕ್ಷಿಣೆ ಕಿರುಕುಳ ಆರೋಪ ಹೊರಿಸಿದ್ದಾರೆ. ನವಲತಾ ಪತಿ ಸೊಣ್ಣೇ ಗೌಡ, ಆತನ ತಂದೆ ರಾಮಣ್ಣ, ತಾಯಿ ಪಿಳ್ಳಮ್ಮ, ಸೋದರರಾದ ಮುರಳಿ, ಚಂದ್ರು, ಗಾಯತ್ರಿ ಅವರ ಕಿರುಕುಳವೇ ಈ ಸಾವಿಗೆ ಕಾರಣ ಎಂದು ಶಿಡ್ಲಘಟ್ಟ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.