ಹೊಸ ವರ್ಷ ಸಂಭ್ರಮ ಮುಗಿಸಿ ವಾಪಾಸು ಬರುತ್ತಿದ್ದ ಯುವತಿಯರ ಅತ್ಯಾಚಾರ- video ಮಾಡಿ ಬೆದರಿಕೆ

ಆಂಧ್ರಪ್ರದೇಶ: ಹೊಸ ವರ್ಷದ ಸಂಭ್ರಮ ಮುಗಿಸಿ  ವಾಪಾಸಾಗುತ್ತಿದ್ದ ಇಬ್ಬರು ಅಪ್ರಾಪ್ತ ವಯಸ್ಕ ಯುವತಿಯರನ್ನು  ತಾನು ಪೊಲೀಸ್​ ಅಧಿಕಾರಿ ಎಂದು ಬೆದರಿಸಿ ಕಾಮುಕನೊಬ್ಬ ಅತ್ಯಾಚಾರವೆಸಗಿದ  ಘಟನೆ ಆಂಧ್ರಪ್ರದೇಶದ ವಿಜಯನಗರಂನಲ್ಲಿ ನಡೆದಿದೆ.

ಪ್ರಕರಣ ಸಂಬಂಧ 35 ವರ್ಷದ ರಾಮ್​ಬಾಬು ಎಂಬ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಹೊಸ ವರ್ಷದ  ದಿನ ಇಬ್ಬರು ಅಪ್ರಾಪ್ತ ವಯಸ್ಕಬಾಲಕಿಯರು  ಹೊಸ ವರ್ಷದ ಸಂಭ್ರಮದಲ್ಲಿ ಭಾಗಿಯಾಗಿ  ವಾಪಸ್​ ಬರುತ್ತಿದ್ದ ಸಂದರ್ಭದಲ್ಲಿ ವ್ಯಕ್ತಿಯೊಬ್ಬ ಈ  ದುಷ್ಕೃತ್ಯವೆಸಗಿದ್ದಾನೆ.

ಇಬ್ಬರು ಬಾಲಕಿಯರು ತಮ್ಮ ಸ್ನೇಹಿತರೊಂದಿಗೆ ಹೊಸ ವರ್ಷದಂದು ಪಿಕ್ನಿಕ್​​​ಗಾಗಿ ವಟ್ಟಿಗೆದ್ದ ಜಲಾಶಯಕ್ಕೆ ತೆರಳಿ, ಅಲ್ಲಿಂದ ಹಾಸ್ಟೆಲ್​ಗೆ ಹಿಂತಿರುಗುತ್ತಿದ್ದ  ವೇಳೆ ಆರೋಪಿ  ತಾನು ಪೊಲೀಸ್​​ ಅಧಿಕಾರಿಯೆಂದು ನಂಬಿಸಿ ಇಬ್ಬರನ್ನು ಬೇರೆಡೆ ಕರೆದೊಯ್ದು ಅತ್ಯಾಚಾರವೆಸಗಿದ್ದಾನೆ.

ಅತ್ಯಾಚಾರ ಮಾಡಿದ ಬಳಿಕ ತನ್ನ ವಿರುದ್ಧ ದೂರು ನೀಡಿದರೆ  ವಿಡಿಯೋವನ್ನು  ಸೋಷಿಯಲ್ ಮೀಡಿಯಾದಲ್ಲಿ ಹರಿಬಿಡುವುದಾಗಿ ಬೆದರಿಸಿದ್ದಾನೆ. ಈ ಬಗ್ಗೆ ಬಾಲಕಿಯರು  ದೂರು ನೀಡಿದ ಬಳಿಕ ಆರೋಪಿಯನ್ನು ಬಂಧನ ಮಾಡಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.