ಪೊಲೀಸರ ಕೈಗೆ ಕಚ್ಚಿದ ಯುವತಿ- ಮುಂದಾಗಿದ್ದು ಅನಾಹುತ

 ಬೆಂಗಳೂರು: ಪೊಲೀಸರೊಂದಿಗೆ ಯುವತಿಯೊಬ್ಬಳು ವಾಗ್ವಾದಕ್ಕೆ ಹೇಳಿದ್ದು ಕೊನೆಗೆ ಪೊಲೀಸರ ಕೈಗೆ ಕಚ್ಚಿ ದೊಡ್ಡ ರಾದ್ಧಾಂತ ಮಾಡಿದ ಪ್ರಸಂಗವೊಂದು ಬೆಂಗಳೂರಿನಲ್ಲಿ ನಡೆದಿದೆ.

ಚಿಕ್ಕಪೇಟೆಗೆ ಶಾಪಿಂಗ್​ಗೆಂದು ಬಂದಿದ್ದ ಯುವತಿ, ಈ ರೀತಿ ರಾದ್ಧಾಂತ ನಡೆಸಿದ್ದಾಳೆ. ಪೊಲೀಸರು ಫುಟ್​ಪಾತ್ ಮೇಲಿದ್ದ ಅಂಗಡಿಗಳನ್ನು ತೆರವುಗೊಳಿಸುತ್ತಿದ್ದರು. ಇದಕ್ಕೆ ಮಹಿಳೆ ಯಾಕೆ ನೀವು ಜನರಿಗೆ ಕಷ್ಟ ಕೊಡುತ್ತೀರಿ ಎಂದು ಪೊಲೀಸರನ್ನು ಪ್ರಶ್ನಿಸಿದ್ದಾ ಳೆ. ನಂತರ ಪೊಲೀಸ್ ಮತ್ತೆ ಮಹಿಳೆಯ ನಡುವೆ ವಾಗ್ವಾದ ನಡೆದಿದೆ. 

ಈ ಸಂದರ್ಭ ಮಹಿಳೆ ಪೋಲಿಸರು ಮಾಡುವ ಕೆಲಸವನ್ನು ಮೊಬೈಲ್ನಲ್ಲಿ ಸೆರೆಹಿಡಿಯಲು ಮುಂದಾಗಿದ್ದಾಳೆ. ಪೊಲೀಸರು ಆಕೆಯ ಮೊಬೈಲನ್ನು ಕಿತ್ತುಕೊಂಡಿದ್ದು ಆಕೆ ನನ್ನ ಮೊಬೈಲ್ ಕೊಡಿ ಎಂದು ಹಟ ಹಿಡಿದಿದ್ದಾಳೆ.  ಪೊಲೀಸರು ಕೊಡದಿದ್ದಾಗ ಅವರನ್ನು ಅಡ್ಡಗಟ್ಟಿದ ಯುವತಿ, ಕೊನೆಗೆ ಪೊಲೀಸ್​ ಕೈಗೆ ಕಚ್ಚಿದ್ದಾಳೆ. ಬಳಿಕ ಆಕೆಯನ್ನು ಕೆ.ಆರ್​.

ಮಾರುಕಟ್ಟೆ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.