ಗುಪ್ತಾಂಗಕ್ಕೆ ಗಮ್ ಅಂಟಿಸಿ ಪ್ರೇಯಸಿ ಜೊತೆಗೆ ಸಂಭೋಗ: ಮುಂದಾಗಿದ್ದೇ ದುರಂತ

ಗುಜರಾತ್​: ಪ್ರೇಯಸಿ ಗರ್ಭಿಣಿಯಾಗುವುದನ್ನು ತಡೆಯಲೆಂದು ಪ್ರಿಯಕರ ತನ್ನ ಗುಪ್ತಾಂಗಕ್ಕೆ ಗಮ್​ ಅಂಟಿಸಿಕೊಂಡು ಸಂಭೋಗ ನಡೆಸಿ ಮೃತಪಟ್ಟಿರುವ ವಿಚಿತ್ರ ಘಟನೆಯೊಂದು ಗುಜರಾತಿನ ಅಹಮದಾಬಾದ್​ನಲ್ಲಿ ನಡೆದಿದೆ. 

ಫತೇಹವಾಡಿ ಏರಿಯಾದ ಸಲ್ಮಾನ್​ ಮಿರ್ಜಾ (25) ಮೃತಪಟ್ಟ ಯುವಕ. ಈತ ತನ್ನ ಪ್ರೇಯಸಿಯೊಂದಿಗೆ ಜೂನ್​ 22ರಂದು ಜುಹಾಪುರಾದ ಏರಿಯಾದಲ್ಲಿರುವ ಹೋಟೆಲ್​ ಗೆ ತೆರಳಿದ್ದಾನೆ. ಡ್ರಗ್ಸ್​ ವ್ಯಸನಿಯಾಗಿದ್ದ ಇಬ್ಬರು ಅದೇ ಅಮಲಿನಲ್ಲಿ  ದೈಹಿಕ ಸಂಪರ್ಕ ನಡೆಸಲು ಬಯಸಿದ್ದರು. ಆದರೆ, ಕಾಂಡೋಮ್​ ಇರದ ಪರಿಣಾಮ ಸಲ್ಮಾನ್​ ಮಿರ್ಜಾ​ ತನ್ನ ಗುಪ್ತಾಂಗಕ್ಕೆ ಗಮ್​ ಅಂಟಿಸಿಕೊಂಡು ಸಂಭೋಗ ನಡೆಸಿದ್ದಾನೆ. 

ಆದರೆ ಮರುದಿನ ಬೆಳಗ್ಗೆ ಮಿರ್ಜಾ ಪ್ರಜ್ಞಾಹೀನ ಸ್ಥಿತಿಯಲ್ಲಿದ್ದು, ಪೂರ್ತಿ ಆರೋಗ್ಯ ಹದಗೆಟ್ಟಿತ್ತು. ಗಾಬರಿಗೊಂಡ ಆತನ ಗರ್ಲ್​ಫ್ರೆಂಡ್​ ತಕ್ಷಣ ಆತನನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿದ್ದಾಳೆ. ಆದರೆ, ಚಿಕಿತ್ಸೆ ಫಲಕಾರಿಯಾಗದೇ ಆತ ಮೃತಪಟ್ಟಿದ್ದಾನೆ.

ಈ ಬಗ್ಗೆ ಆತನ ಸಂಬಂಧಿ ಜೂನ್​ 25ರಂದು ಠಾಣೆಗೆ ತೆರಳಿ ದೂರು ನೀಡಿದ್ದಾರೆ. ಬಳಿಕ ಆಕಸ್ಮಿಕ ಸಾವು ಎಂದು ಪ್ರಕರಣ ದಾಖಲಿಸಿರುವ ಪೊಲೀಸರು ತನಿಖೆ ಆರಂಭಿಸಿದ್ದಾರೆ. ಮರಣೋತ್ತರ ಪರೀಕ್ಷೆಗಾಗಿ ಪೊಲೀಸರು ಎದುರು ನೋಡುತ್ತಿದ್ದಾರೆ. ಪ್ರಾಥಮಿಕ ವರದಿಯ ಪ್ರಕಾರ ಗುಪ್ತಾಂಗಕ್ಕೆ ಗಮ್​ ಅಂಟಿಸಿಕೊಂಡಿದ್ದರಿಂದ ಆತ ಮೃತಪಟ್ಟಿದ್ದಾನೆಂದು ಹೇಳಲಾಗಿದೆ.