MANGALORE: ಐಸಿಸ್ ಸಂಪರ್ಕದ ಶಂಕೆ- ದೇಶದ ವಿವಿಧೆಡೆ ನಾಲ್ವರನ್ನು ವಶಕ್ಕೆ ಪಡೆದ ಎನ್ ಐ ಎ- ಮಂಗಳೂರಿನ ಮಾಜಿ ಶಾಸಕರ ಕುಟುಂಬದ ವ್ಯಕ್ತಿಯೂ ವಶಕ್ಕೆ

ಮಂಗಳೂರು:  ಐಸಿಸ್ ಸಂಪರ್ಕದ ಶಂಕೆಯ ಹಿನ್ನೆಲೆಯಲ್ಲಿ  ಇಂದು ದೇಶದ ವಿವಿಧೆಡೆ ದಾಳಿ ನಡೆಸಿದ ಎನ್ ಐ ಎ  ನಾಲ್ವರನ್ನು ವಿಚಾರಣೆಗಾಗಿ ವಶಕ್ಕೆ ಪಡೆದಿದೆ ಎಂದು ಎಎನ್ಐ ಸುದ್ದಿ ಸಂಸ್ಥೆ ಟ್ವೀಟ್ ಮಾಡಿದೆ.

 NATIONAL INVESTIGATION AGENCY (NIA)  ಅಧಿಕಾರಿಗಳು  ಜಮ್ಮುಕಾಶ್ಮೀರದ ಬಂಡೀಪೊರ ಮತ್ತು ಶ್ರೀಗರ , ಕರ್ನಾಟಕದ ಮಂಗಳೂರು  ಮತ್ತು ಬೆಂಗಳೂರಿನಲ್ಲಿ  ಒಟ್ಟು ನಾಲ್ವರನ್ನು ವಶಕ್ಕೆ ಪಡೆದಿದೆ.

 ಮಂಗಳೂರಿನಲ್ಲಿ ಮಾಜಿ ಶಾಸಕರ ಕುಟುಂಬದ ವ್ಯಕ್ತಿ ವಶಕ್ಕೆ

ಮಂಗಳೂರಿನಲ್ಲಿ ಉಳ್ಳಾಲದ ಮಾಜಿ ಶಾಸಕ ಬಿ ಎಂ ಇದಿನಬ್ಬ ಅವರ ಪುತ್ರ ಬಿ ಎಂ ಬಾಷಾ ಅವರ ಮನೆಗೆ ಎನ್ ಐ ಎ ಅಧಿಕಾರಿಗಳು ಇಂದು ಬೆಳಿಗ್ಗೆ ದಾಳಿ ನಡೆಸಿದ್ದರು. ಮನೆಯ ಸದಸ್ಯರ ತಪಾಸಣೆ ನಡೆಸಿದ ಬಳಿಕ ವಿಚಾರಣೆಗಾಗಿ ಕುಟುಂಬದ ಸದಸ್ಯನೋರ್ವನನ್ನು  ವಶಕ್ಕೆ ಪಡೆದಿದೆ.