ಆನ್ಲೈನ್ ಗೇಮ್ ನಲ್ಲಿ 40 ಸಾವಿರ ಕಳೆದುಕೊಂಡ ಬಾಲಕ.. ಅಮ್ಮ ಬೈದಿದ್ದಕ್ಕೆ Suicide..!!

 ಭೋಪಾಲ್: ಆನ್​ಲೈನ್ ಗೇಮ್ ಹುಚ್ಚಿನಿಂದ 40 ಸಾವಿರ ರೂಪಾಯಿ ಕಳೆದುಕೊಂಡ ಬಾಲಕನೊಬ್ಬ ಆತ್ಮಹತ್ಯೆಗೆ ಶರಣಾಗಿರುವ ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದೆ.

 ಮಧ್ಯಪ್ರದೇಶದ ಛತಾರ್ ಪುರ್ ಜಿಲ್ಲೆಯಲ್ಲಿ ಶಾಂತಿನಗರದಲ್ಲಿ ಇಂತದ್ದೊಂದು ಘಟನೆ ನಡೆದಿದೆ. 13 ವರ್ಷದ ಬಾಲಕ ಫ್ರೀ ಫೈರ್ ಹೆಸರಿನ ಆಟವನ್ನು ಆಡಲಾರಂಭಿಸಿದ್ದಾನೆ. ಆ ಆಟಕ್ಕೆ ಹಂತ ಹಂತವಾಗಿ ಸರಿ ಸುಮಾರು 40 ಸಾವಿರ ರೂಪಾಯಿ ಖರ್ಚು ಮಾಡಿದ್ದೇನೆ. ಇತ್ತೀಚೆಗೆ ಅದೇ ರೀತಿ ಆಟಕ್ಕೆಂದು ಅಮ್ಮನ ಖಾತೆಯಿಂದ  1500 ರೂಪಾಯಿ ವಿತ್​​ಡ್ರಾ ಮಾಡಿದ್ದಾನೆ. ಕೆಲಸದಲ್ಲಿದ್ದ ತಾಯಿಯ ಮೊಬೈಲ್​ಗೆ ಅದರ ಮೆಸೇಜ್ ಬಂದಿದೆ. ಅದನ್ನು ನೋಡಿ ಮಗನಿಗೆ ಕರೆಮಾಡಿ ಬೈದಿದ್ದಾಳೆ. ಅಮ್ಮ ಬೈದಿದ್ದರಿಂದ ಬೇಜಾರಾದ ಮಗ ಮನೆಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾನೆ. ನಾನು ಅಮ್ಮನ ಖಾತೆಯಿಂದ ಆನ್​ಲೈನ್ ಆಟಕ್ಕಾಗಿ 40 ಸಾವಿರ ರೂಪಾಯಿ ತೆಗೆದಿದ್ದಾಗಿ ಡೆತ್​ನೋಟ್​ನಲ್ಲಿ ಬರೆದಿಟ್ಟಿದ್ದಾನೆ.