-->
ads hereindex.jpg
ಈ ಮಹಿಳಾ ಎಸ್ಐ ಆತ್ಮಹತ್ಯೆ ಮಾಡಿಕೊಂಡದ್ದು ಈ ಕಾರಣಕ್ಕಂತೆ...

ಈ ಮಹಿಳಾ ಎಸ್ಐ ಆತ್ಮಹತ್ಯೆ ಮಾಡಿಕೊಂಡದ್ದು ಈ ಕಾರಣಕ್ಕಂತೆ...

 
ಇಂದೋರ್​ (ಮಧ್ಯಪ್ರದೇಶ): ವಿಷ ಸೇವಿಸಿ ಮಹಿಳಾ ಪೊಲೀಸ್​ ಅಧಿಕಾರಿ​ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಮಧ್ಯಪ್ರದೇಶದ ರಾಟ್ಲಮ್​ ಜಿಲ್ಲೆಯಲ್ಲಿ ನಡೆದಿದೆ.

ವಿಷ ಸೇವಿಸಿ 35 ವರ್ಷದ ಮಹಿಳಾ ಸಬ್​ ಇನ್ಸ್​ಪೆಕ್ಟರ್​  ಕವಿತಾ ಸೋಲಂಕಿ ಮಂದ್ಸೌರ್​ ಜಿಲ್ಲೆಯಲ್ಲಿರುವ ಆಕೆಯ ಪಾಲಕರನ್ನು ಭೇಟಿ ಮಾಡುವುದಾಗಿ ಹೇಳಿ ಹೋಗಿದ್ದರು. ಬುಧವಾರ ತವರಿನಿಂದ ಕವಿತಾ ಅವರು ಮರಳಿ ರಾಟ್ಲಮ್​ನಲ್ಲಿರುವ ನಿವಾಸಕ್ಕೆ ಬಂದಿದ್ದರು. ಈ ವೇಳೆ ವಿಷ ಸೇವಿಸಿದ್ದಾರೆ. ಸ್ಥಳಕ್ಕೆ ಬಂದು ಸಹೋದ್ಯೋಗಿ ತಕ್ಷಣ ಅವರನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಆದರೆ, ಚಿಕಿತ್ಸೆ ಫಲಿಸದೇ ಕವಿತಾ ಅವರು ಅಸುನೀಗಿದ್ದಾರೆ. ಇವರು ಸಾವಿಗೂ ಮುನ್ನ ಬರೆದಿರುವ ಡೆತ್​ನೋಟ್ ಪತ್ತೆಯಾಗಿದ್ದು, ಮದುವೆಯಾಗದಿದ್ದಕ್ಕೆ ಅವರು ಖಿನ್ನತೆಗೆ ಒಳಗಾಗಿದ್ದರೆಂದು ತಿಳಿದುಬಂದಿದೆ. 

ವಯಸ್ಸಾಗಿದ್ದರು ಮದುವೆ ಆಗದಿದ್ದಕ್ಕೆ ತುಂಬಾ ಬೇಸರಗೊಂಡಿದ್ದರು. ಅಲ್ಲದೆ, ಮದುವೆ ಕುರಿತು ಜನರು ಆಗಾಗ ಕೇಳುವ ಪ್ರಶ್ನೆಗೆ ಉತ್ತರಿಸಲು ಅವರಿಗೆ ಇರಿಸುಮುರಿಸಾಗಿತ್ತೆಂದು ತಿಳಿದಿದೆ. ಈ ಎಲ್ಲ ನೋವಿನಿಂದ ಆತ್ಮಹತ್ಯೆ ಹಾದಿ ಹಿಡಿದಿದ್ದಾರೆಂದು ಈ ಬಗ್ಗೆ ಮಾತನಾಡಿರುವ ರಾಟ್ಲಮ್​ ಪೊಲೀಸ್​ ವರಿಷ್ಠಾಧಿಕಾರಿ ಗೌರವ್​ ತಿವಾರಿ ತಿಳಿಸಿದ್ದಾರೆ.

Ads on article

Advertise in articles 1

suvidha.jpg

advertising articles 2