ಆನ್ಲೈನ್ ಕ್ಲಾಸ್ಗೆ ಹಾಜರಾಗಲು ಮಕ್ಕಳಿಗೆ ಮೊಬೈಲ್ ಕೊಡಿಸಿದ್ದೀರಾ..? ಹಾಗಾದರೆ ಪೋಷಕರೇ ಎಚ್ಚರ.. ಎಚ್ಚರ....ಇಲ್ಲಿದೆ ನೋಡಿ ಉಪಯುಕ್ತ ಮಾಹಿತಿ

ಕೋಜಿಕ್ಕೋಡ್​ ಮೂಲದ ಮಹಿಳೆಗೆ ಇಬ್ಬರು ಮಕ್ಕಳಿದ್ದು ಒಬ್ಬ ಮಗ 9ನೇ ತರಗತಿ ಹಾಗೂ ಮತ್ತೋರ್ವ 10ನೇ ತರಗತಿಯಲ್ಲಿ ಓದುತ್ತಿದ್ದಾನೆ. ಆನ್ಲೈನ್ ಕ್ಲಾಸ್ಗೆ ಹಾಜರಾಗಲು ಎಂದು ಇಬ್ಬರಿಗೂ ಮೊಬೈಲ್ ಕೊಡಿಸಿದ್ದರು. ಅಕೌಂಟ್​ ಅಪ್​ಗ್ರೇಡ್​ ಮತ್ತು ಆ್ಯಪ್​ ಖರೀದಿಸಲು ತಾಯಿಯ ಬ್ಯಾಂಕ್​ ಖಾತೆಯಿಂದ ಇಬ್ಬರು ಮಕ್ಕಳು ಸುಮಾರು 1 ಲಕ್ಷ ರೂ. ಹಣವನ್ನು ದೋಚಿದ್ದಾರೆ. ಬ್ಯಾಂಕ್​ ಖಾತೆಯಿಂದ ಹಣ ಇದ್ದಕ್ಕಿದ್ದಂತೆ ಕಡಿತಗೊಂಡಿರುವುದನ್ನು ನೋಡಿ ತಾಯಿಗೆ ಶಾಕ್​ ಆಗಿದೆ. ಗೊಂದಲಕ್ಕೀಡಾದ ತಾಯಿ ಏನು ಮಾಡಬೇಕೆಂದ ತೋಚದೆ ತಕ್ಷಣ ಸೈಬರ್​ ಕ್ರೈಮ್​ ಪೊಲೀಸರಿಗೆ ಕರೆ ಮಾಡುತ್ತಾಳೆ. ಸ್ಥಳಕ್ಕೆ ಬಂದ ಪೊಲೀಸರು ವಿಚಾರಣೆ ನಡೆಸಿ ತನಿಖೆ ಮಾಡಿದಾಗ ಆಘಾತಕಾರಿ ಅಂಶಗಳು ಬೆಳಕಿಗೆ ಬರುತ್ತದೆ. ಹಣ ಕಳೆದಿರುವುದು ಬೇರೆ ಯಾರೂ ಅಲ್ಲ, ನಿಮ್ಮ ಮಕ್ಕಳೇ ಎಂದಿದ್ದಾರೆ.