ಮಾಜಿ ಪ್ರೇಯಸಿಯ ಕೊಲೆಗೆ ಆನ್ಲೈನಲ್ಲಿ ಚಾಕು ಖರೀದಿ! ಮುಂದಾಗಿದ್ದೇನು ಗೊತ್ತಾ...
Friday, July 9, 2021
ಶ್ರೀಕಾಂತ್ ಬಂಧಿತ ಆರೋಪಿ. ಸ್ಟಾರ್ ಹೋಟೆಲ್ನಲ್ಲಿದ್ದ ಜಿಮ್ನಲ್ಲಿ ರಿಸೆಪ್ಷನಿಸ್ಟ್ ಆಗಿದ್ದ 23 ವರ್ಷದ ಯುವತಿಯನ್ನು ಈತ ಪ್ರೀತಿಸುತ್ತಿದ್ದ. ನಾಲ್ಕು ವರ್ಷಗಳ ಹಿಂದಿನ ಪರಸ್ಪರ ಪ್ರೀತಿಯಲ್ಲಿ ವೈಮನಸ್ಯ ಉಂಟಾಗಿ ಇಬ್ಬರೂ ಬೇರೆ ಬೇರೆಯಾಗಿದ್ದರು. ಮಂಗಳವಾರ ಮಧ್ಯರಾತ್ರಿ ಶ್ರೀಕಾಂತ್ ಯುವತಿಗೆ ಕರೆ ಮಾಡಿ, ನಿನ್ನೊಂದಿಗೆ ಮಾತನಾಡಬೇಕೆಂದು ಕೇಳಿಕೊಳ್ಳುತ್ತಾನೆ. ಇದಕ್ಕೆ ಒಪ್ಪಿದ ಯುವತಿ ತನ್ನ ಮನೆಗೆ ಯುವಕನನ್ನು ಆಹ್ವಾನಿಸುತ್ತಾಳೆ. ಶ್ರೀಕಾಂತ್ನ ನಡವಳಿಕೆ ಕಂಡು ಯುವತಿಯ ಸೋದರಿಗೆ ಅನುಮಾನ ಮೂಡುತ್ತದೆ.ಅವನ ಬೆನ್ನಲ್ಲಿ ಚಾಕು ಇಟ್ಟುಕೊಂಡಿರುವುದು ಆಕೆಗೆ ಗೊತ್ತಾಗುತ್ತದೆ. ಆಕೆ ಪೊಲೀಸರಿಗೆ ಕರೆ ಮಾಡಿ ವಿಚಾರ ತಿಳಿಸುತ್ತಾಳೆ.
ಶ್ರೀಕಾಂತ್ನನ್ನು ಈ ವೇಳೆ ವಿಚಾರಣೆಗೆ ಒಳಪಡಿಸಿದಾಗ, ತನ್ನ ಸಹೋದರ ಹುಟ್ಟುಹಬ್ಬದ ಸಲುವಾಗಿ ಒಂದೂವರೆ ಸಾವಿರ ರೂಪಾಯಿಗಳಿಗೆ ಅಮೆಜಾನ್ನಲ್ಲಿ ಖರೀದಿ ಮಾಡಿರುವುದು ತಿಳಿದುಬಂದಿದೆ. ಮೇಲ್ನೋಟಕ್ಕೆ ಶ್ರೀಕಾಂತ್ ಕೊಲೆ ಮಾಡಲು, ಚಾಕು ಖರೀದಿಸಿರುವುದಾಗಿ ತಿಳಿದುಬಂದಿದ್ದು, ಪೊಲೀಸರು ದೂರು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
