ಮಂಗಳೂರು ವಿಮಾನ‌ ನಿಲ್ದಾಣದ ರನ್ ವೇ ಯಲ್ಲಿ ಅಪರಿಚಿತ- ರಾತ್ರಿ ರನ್ ವೇ ಯಲ್ಲಿ ತಿರುಗಾಡಿ ಬಂದದ್ದು ಈ ಕಾರಣಕ್ಕಂತೆ!

ಮಂಗಳೂರು;  ಮಂಗಳೂರಿನ ಹಳೆ ವಿಮಾನ ನಿಲ್ದಾಣದ ರನ್ ವೇ ಯಲ್ಲಿ ರಾತ್ರಿ ಅಪರಿಚಿತ ವ್ಯಕ್ತಿ ಯೊಬ್ಬ‌ ಕಾಣಿಸಿಕೊಂಡ ಘಟನೆ ನಡೆದಿದೆ.

ನಿನ್ನೆ (ಜು.5) ದಿನ ರಾತ್ರಿ 11 ಗಂಟೆ ಸಮಯಕ್ಕೆ ಸಿಐಎಸ್ಎಫ್ ಸಿಬ್ಬಂದಿ ಗಸ್ತು ತಿರುಗುತ್ತಿದ್ದಾಗ ಹಳೇಯ ವಿಮಾನ ನಿಲ್ದಾಣದ ಎಟಿಎಸ್ ವಿಭಾಗದಲ್ಲಿ‌ ರನ್ ವೇ ಕಾಮಗಾರಿ ನಡೆಯುತ್ತಿದ್ದು ಆ ಸ್ಥಳದಲ್ಲಿ ಒಬ್ಬ ಅಪರಿಚಿತ ವ್ಯಕ್ತಿ ಕಂಡು ಬಂದಿದ್ದ.  ಆತನನ್ನು ಹಿಡಿದು ವಿಚಾರಿಸಿದಾಗ  ತನ್ನ ಹೆಸರು ರಾಕೇಶ ಎಂದು ತಿಳಿಸಿದ್ದು,  ತಾನು ಬಧುಹಾ ಗ್ರಾಮ ಮುರ್ಸಿದಾಬಾದ ಪಶ್ಚಿಮ ಬಂಗಾಲದ ನಿವಾಸಿಯೆಂದು ವಿಳಾಸ ನೀಡಿದ್ದಾನೆ. ತಾನು ಲಾರಿಯಲ್ಲಿ ಕ್ಲೀನರ್ ಆಗಿ ಕೆಲಸ ಮಾಡಿಕೊಂಡಿದ್ದು ಇಲ್ಲೇ ಸಮೀಪದಲ್ಲಿ ಲಾರಿ ಡ್ರೈವರ್ ತನ್ನನ್ನು ಸಂಬಳ ನೀಡದೆ ಇಲ್ಲೆ ಬಿಟ್ಟು ಹೋಗಿದ್ದು ದಾರಿ ಕಾಣದೇ ವಿಮಾನ ನಿಲ್ದಾಣ ಎಂದು ತಿಳಿಯದೇ ಈ ಭಾಗಕ್ಕೆ ಬಂದಿರುತ್ತೇನೆ ಎಂದು ತಿಳಿಸಿದ್ದಾನೆ.

ಈತ ನಿ಼ಷೇಧಿತ  ಪ್ರದೇಶಕ್ಕೆ ಅಕ್ರಮ ಪ್ರವೇಶ ಮಾಡಿರುವ ಹಿನ್ನೆಲೆಯಲ್ಲಿ ಬಜಪೆ ಪೊಲೀಸರು ಈತನನ್ನು ವಶಕ್ಕೆ ಪಡೆದು ವಿಚಾರಣೆ ಆರಂಭಿಸಿದ್ದಾರೆ.