ಎರಡನೇ ಮಗುವಿಗೆ ತಾಯಿಯಾಗುವ ವಿಚಾರ ಹಂಚಿಕೊಂಡ ನಟಿ ನೇಹಾ ಧೂಪಿಯಾ..
ಮುಂಬೈ: ಬಾಲಿವುಡ್ ನಟಿ ನೇಹಾ ಧೂಪಿಯಾ ಎರಡನೇ ಮಗುವಿಗೆ ತಾಯಿಯಾಗುತ್ತಿರುವ ವಿಚಾರವನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.
ಬೇಬಿ ಬಂಪ್ ಹೊತ್ತಿರುವ ನೇಹಾ ತಮ್ಮ ಪತಿ ಅಂಗದ್ ಮತ್ತು ಮಗಳು ಮೆಹ್ರ್ ಜತೆ ಇರುವ ಫೋಟೊವನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಫೋಟೋದಲ್ಲಿ ನೇಹಾ ಬೇಬಿ ಬಂಪ್ ಹಿಡಿದುಕೊಂಡಿದ್ದರೆ, ಮೆಹ್ರ್ಳನ್ನು ಎತ್ತಿಕೊಂಡಿರುವ ಅಂಗದ್ ಫೋಟೋಕ್ಕೆ ಪೋಸ್ ಕೊಟ್ಟಿದ್ದಾರೆ. ಮೆಹ್ರ್ ಅಮ್ಮನ ಹೊಟ್ಟೆಯನ್ನೇ ನೋಡುತ್ತಿದ್ದಾಳೆ. ಈ ಫೋಟೋದೊಂದಿಗೆ ನೇಹಾ, “ಈ ಕ್ಯಾಪ್ಶನ್ ಹುಡುಕಲು ಎರಡು ದಿನ ತೆಗೆದುಕೊಂಡಿದ್ದೇವೆ. ನಾವು ಯೋಚಿಸಬಹುದಾದ ಅತ್ಯುತ್ತಮವಾದದ್ದೆಂದರೆ ಅದು ಧನ್ಯವಾದಗಳು, ದೇವರೇ.” ಎಂದು ಬರೆದುಕೊಂಡಿದ್ದಾರೆ.