-->
ads hereindex.jpg
 ಲಾಟರಿ ಯಲ್ಲಿ ಆಯ್ಕೆಯಾಗಿದ್ದೀರಿ.. ಕಡಿಮೆ ಬೆಲೆಗೆ ಮೊಬೈಲ್ ಕೊಡ್ತೇವೆ ಎಂದು ನಂಬಿಸಿದವರು...

ಲಾಟರಿ ಯಲ್ಲಿ ಆಯ್ಕೆಯಾಗಿದ್ದೀರಿ.. ಕಡಿಮೆ ಬೆಲೆಗೆ ಮೊಬೈಲ್ ಕೊಡ್ತೇವೆ ಎಂದು ನಂಬಿಸಿದವರು...


ನವದೆಹಲಿ: ದೂರವಾಣಿ ಕರೆ ಮಾಡಿ ಲಾಟರಿ ಸ್ಕೀಮ್ ಮೂಲಕ ಮೊಬೈಲ್​ ಫೋನ್ ಗಳನ್ನು ಅಗ್ಗದ ಬೆಲೆಯಲ್ಲಿ ನೀಡುವುದಾಗಿ ಹಣ ಪಡೆದು ಜನರನ್ನು ವಂಚಿಸುತ್ತಿದ್ದ ಖದೀಮರನ್ನು ದೆಹಲಿ ಪೊಲೀಸ್ ಬಂಧಿಸಿದೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ 15 ಮಹಿಳೆಯರು ಸೇರಿದಂತೆ 24 ಜನರನ್ನು ಬಂಧಿಸಿರುವ ಪೊಲೀಸರು ನವದೆಹಲಿಯ ರೋಹಿಣಿ ಸೆಕ್ಟರ್​-7 ನಲ್ಲಿ ಕಾರ್ಯಾಚರಿಸುತ್ತಿದ್ದ ನಕಲಿ ಕಾಲ್​ ಸೆಂಟರನ್ನು ಪತ್ತೆ ಹಚ್ಚಿದೆ. 

ಮುಖ್ಯ ಆರೋಪಿಗಳಾದ ದೆಹಲಿಯ ಸುಲ್ತಾನಪುರಿಯ ನಿವಾಸಿಗಳಾದ ರಾಮ್‌ಕುಮಾರ್ (34), ಶ್ಯಾಮ್ ಕುಮಾರ್ (35) ಮತ್ತು ಗೋವಿಂದ್ (22) ಒಟ್ಟಾಗಿ ಈ ಕಾಲ್ ಸೆಂಟರನ್ನು ನಡೆಸುತ್ತಿದ್ದರು. ಖಚಿತ ಮಾಹಿತಿಯ ಮೇರೆಗೆ ಶುಕ್ರವಾರ ನಡೆಸಿದ ದಾಳಿಯಲ್ಲಿ ವಂಚನೆಯ ದಂಧೆ ಹೊರಬಂದಿದ್ದು, ಆರೋಪಿಗಳು ಹೆಚ್ಚಾಗಿ ಈಶಾನ್ಯ ರಾಜ್ಯಗಳಿಗೆ ಸೇರಿದ ಜನರನ್ನು ವಂಚಿಸುತ್ತಿದ್ದರು ಎಂದು ಡಿಸಿಪಿ ಪ್ರಣವ್​ ತಯಾಲ್ ಹೇಳಿದ್ದಾರೆ. 

ಇಂಟರ್​ನೆಟ್​ ಮೂಲಕ ಬೇರೆ ಬೇರೆ ರಾಜ್ಯಗಳ ಜನರ ದೂರವಾಣಿ ಸಂಖ್ಯೆಗಳನ್ನು ಸಂಗ್ರಹಿಸಿ, ಅವರಿಗೆ ಕರೆ ಮಾಡುತ್ತಿದ್ದರು. ಈ ಮೂಲಕ 'ತಮ್ಮ ದೂರವಾಣಿ ಸಂಖ್ಯೆ ಲಾಟರಿಯಲ್ಲಿ ಆಯ್ಕೆಯಾಗಿದ್ದು, 17,000 ರೂ. ಮೌಲ್ಯದ ಮೊಬೈಲ್​ ಫೋನ್​ 4,500 ರೂ.ಗಳಿಗೆ ಸಿಗುತ್ತದೆ' ಎಂದು ನಂಬಿಸಿ ಹಣ ಪೀಕುತ್ತಿದ್ದರು ಎನ್ನಲಾಗಿದೆ. ತಮ್ಮ ‘ಅದೃಷ್ಟವಂತ’ ಗ್ರಾಹಕರನ್ನು ನಂಬಿಸಲು ಪೋಸ್ಟ್​ ಆಫೀಸಿನ ಮೂಲಕ ಮೊಬೈಲ್ ಕಳುಹಿಸುವುದಾಗಿ ಹೇಳುತ್ತಿದ್ದರು. ನಂತರ ಮೊಬೈಲ್​ನ ಬದಲಿಗೆ, ಅಗ್ಗದ ಪರ್ಸ್​ಗಳು, ಬೆಲ್ಟ್, ಸೋಪು ಮುಂತಾದವನ್ನು ಪಾರ್ಸಲ್ ಮಾಡುತ್ತಿದ್ದರು ಎನ್ನಲಾಗಿದೆ. ಆರೋಪಿಗಳನ್ನು ಬಂಧಿಸಿದ ಪೊಲೀಸರು ಅವರಿಂದ 3 ಕಂಪ್ಯೂಟರ್, 52 ಮೊಬೈಲ್​ ಮತ್ತು 384 ವಿವಿಧ ವಸ್ತುಗಳ ಪ್ಯಾಕೆಟುಗಳನ್ನು ಪೊಲೀಸರು ವಶಡಿಸಿಕೊಂಡಿದ್ದಾರೆ. 

Ads on article

Advertise in articles 1

advertising articles 2