ಎರಡನೆಯ ಹೆರಿಗೆಯ ಬಳಿಕ ಮತ್ತೆ ವರ್ಕ್ಔಟ್ ನತ್ತ ಮುಖಮಾಡಿರುವ ಕರೀನಾ: ಹಾಟ್ ಫೋಟೋ ಹರಿಯಬಿಟ್ಟ ನಟಿ

ಮುಂಬೈ: ಕೆಲ ತಿಂಗಳ ಹಿಂದೆ ಎರಡನೇ ಮಗುವಿಗೆ ಜನ್ಮ ನೀಡಿರುವ ನಟಿ ಕರೀನಾ ಕಪೂರ್​ ಇದೀಗ ಮತ್ತೊಮ್ಮೆ ವರ್ಕ್​ಔಟ್​ನತ್ತ ಮುಖ ಮಾಡಿದ್ದಾರೆ.

ಗರ್ಭಿಣಿಯಾಗಿದ್ದಾಗ  ಹೆಚ್ಚಿಸಿಕೊಂಡಿರುವ ತೂಕವನ್ನು ಇದೀಗ ಇಳಿಸಿಕೊಳ್ಳಲಾರಂಭಿಸಿದ್ದಾರೆ. ಅವರು ಸ್ಲಿಮ್​ ಆಗಿರುವ ಹಾಟ್​ ಫೋಟೋವೊಂದನ್ನು ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಇಷ್ಟು ದಿನಗಳ ಕಾಲ ಮಗುವಿನ ಲಾಲನೆ ಪಾಲನೆಯಲ್ಲೇ ಕಾಲ ಕಳೆದಿರುವ ಕರೀನಾ ಇದೀಗ ತಮ್ಮ ವೃತ್ತಿ ಬದುಕಿನತ್ತಲೂ ಗಮನ ಹರಿಸಲು ಮುಂದಾಗಿದ್ದಾರೆ. ಅದಕ್ಕಾಗಿ ವರ್ಕ್​ಔಟ್​, ಯೋಗ ಮಾಡಿ ತೂಕ ಇಳಿಸಿಕೊಳ್ಳುತ್ತಿದ್ದಾರೆ.  

ಇತ್ತೀಚೆಗೆ ಕಿಟಕಿಯ ಗಾಜಿನ​ ಮುಂದೆ ನಿಂತು ತಮ್ಮ ದೇಹ ಕಾಣಿಸುವಂತೆ ಫೋಟೋ ತೆಗೆದುಕೊಂಡು ಹಂಚಿಕೊಂಡಿರುವ ಕರೀನಾ, “ಗಾಜಿನಲ್ಲಿ​ ಕಾಣುತ್ತಿರುವ ವಸ್ತುಗಳು ಕಾಣುವುದಕ್ಕಿಂತ ಹೆಚ್ಚು ಹತ್ತಿರದಲ್ಲೇ ಇರುತ್ತವೆ. ಹಾಗಾಗಿ ಹೆಚ್ಚಿನ ಅಂತರ ಕಾಪಾಡಿಕೊಳ್ಳಿ, ಅದುವೇ ಈಗಿನ ನ್ಯೂ ನಾರ್ಮಲ್​” ಎಂದು ಬರೆದುಕೊಂಡಿದ್ದಾರೆ. ಅವರ ಈ ಪೋಸ್ಟ್​ಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ. ಸೆಟ್​ಗೆ ಬರಲು ಸಿದ್ಧವಾಗಿರುವಂತೆ ಕಾಣುತ್ತಿದೆ, ಫಿಟ್​ ಆಗಿದ್ದೀರ ಎನ್ನುವ ಪ್ರತಿಕ್ರಿಯೆಗಳು ಬರಲಾರಂಭಿಸಿವೆ.