ಗಂಡನ ಮೊಬೈಲ್ ಚೆಕ್ ಮಾಡೋ ಅಭ್ಯಾಸ ಇದೆಯ- ಇಲ್ಲೊಬ್ಬಳು ಹೆಂಡತಿಗೆ ಬಿದ್ದಿದೆ 1 ಲಕ್ಷ ರೂಪಾಯಿ ದಂಡ!
Thursday, May 27, 2021
ಗಂಡನ ಮೊಬೈಲನ್ನು ಕದ್ದು ಮುಚ್ಚಿ ಚೆಕ್ ಮಾಡುವ ಹವ್ಯಾಸ ಇರುವ ಹಲವರಿದ್ದಾರೆ. ಆದರೆ ಕದ್ದು ಮುಚ್ಚಿ ಚೆಕ್ ಮಾಡಿದ್ದು ಮಾತ್ರವಲ್ಲದೆ ಅದರಲ್ಲಿದ್ದ ಮಾಹಿತಿಯನ್ನು ಫಾರ್ವರ್ಡ್ ಮಾಡಿದ ಮಹಿಳೆಯೊಬ್ಬಳಿಗೆ ಕೋರ್ಟ್ 1 ಲಕ್ಷ ದಂಡ ವಿಧಿಸಿದೆ.
ಇದು ಘಟನೆ ನಡೆದಿರುವುದು ದುಬೈನ ರಾಸ್ ಅಲ್ ಖೈಮಾದಲ್ಲಿ . ಇಲ್ಲಿನ ಮಹಿಳೆ ಗಂಡನ ಮೊಬೈಲ್ ಅನ್ನು ಕದ್ದು-ಮುಚ್ಚಿ ನೋಡಿ ಅದರಲ್ಲಿದ್ದ ಖಾಸಗಿ ವಿಚಾರಗಳನ್ನ ಬಹಿರಂಗ ಮಾಡಿ ಸಂಕಷ್ಟಕ್ಕೆ ಸಿಲುಕಿದ್ದಾಳೆ. ಗಂಡನ ಮೊಬೈಲ್ ಚೆಕ್ ಮಾಡಿ ಆತನ ಖಾಸಗಿತನಕ್ಕೆ ಧಕ್ಕೆ ತಂದ ಪತ್ನಿಗೆ ಅಲ್ಲಿನ ನಾಗರಿಕ ನ್ಯಾಯಾಲಯ 5,400 ದಿರಾಮ್ (1 ಲಕ್ಷ ರೂಪಾಯಿ) ದಂಡ ವಿಧಿಸಿದೆ.
ನನ್ನ ಮೇಲೆ ಅನುಮಾನವಿದ್ದ ಪತ್ನಿ ಮೊಬೈಲ್ ಚೆಕ್ ಮಾಡಿ ಕೆಲವು ಫೋಟೋ ಮತ್ತು ಆಡಿಯೋ ಗಳನ್ನು ಕುಟುಂಬಸ್ಥರಿಗೆ ಫಾರ್ವರ್ಡ್ ಮಾಡಿದ್ದಾಳೆ. ಇದರಿಂದಾಗಿ ನನ್ನ ವೈಯಕ್ತಿಕ ಗೌರವಕ್ಕೆ ಧಕ್ಕೆಯಾಗಿದೆ. ನನಗೆ ಮಾನಹಾನಿ ಆಗಿರುವುದರಿಂದ ಆಕೆಯಿಂದ ಪರಿಹಾರ ಕೊಡಿಸಿ ಎಂದು ಗಂಡ ನ್ಯಾಯಾಲಯದ ಮೆಟ್ಟಿಲೇರಿದ್ದ. ವಾದ-ವಿವಾದ ಆಲಿಸಿದ ಬಳಿಕ ಹೆಂಡತಿಯ ತಪ್ಪು ಸಾಬೀತಾದ ಹಿನ್ನೆಲೆಯಲ್ಲಿ ಗಂಡನಿಗೆ ಒಂದು ಲಕ್ಷ ರೂಪಾಯಿ ಪರಿಹಾರ ನೀಡುವಂತೆ ಆದೇಶಿಸಲಾಗಿದೆ.
