ಘಟನೆಯ ಹಿನ್ನೆಲೆ ಏನು?
ಪೊಲೀಸ್ ಕಮಿಷನರ್ ಸುಧೀರ್ ಕುಮಾರ್ ರೆಡ್ಡಿ ನೀಡಿದ ಮಾಹಿತಿ:
ಬಲವಂತವಾಗಿ ವಾಹನಕ್ಕೆ ತಳ್ಳಿ ಅಪಹರಣ: ಯುವತಿಯು ಹಿಂದೂ ಯುವಕನೊಂದಿಗೆ ಪ್ರೀತಿಯಲ್ಲಿದ್ದಳು ಎಂಬುದು ಮೇಲ್ನೋಟಕ್ಕೆ ಕಂಡುಬಂದಿದೆ
. ಆಕೆಯ ಕುಟುಂಬಸ್ಥರು ಕಳುಹಿಸಿದ ವ್ಯಕ್ತಿಗಳು ಆಕೆಯನ್ನು ಎಳೆದಾಡಿ, ಬಲವಂತವಾಗಿ ವಾಹನದೊಳಗೆ ತಳ್ಳಿ ಆಕೆಯ ಇಚ್ಛೆಗೆ ವಿರುದ್ಧವಾಗಿ ಕರೆದೊಯ್ದಿದ್ದಾರೆ. ವಯಸ್ಕರ ಮೇಲೆ ಬಲಪ್ರಯೋಗ ಅಪರಾಧ: ಯುವತಿಯು ವಯಸ್ಕರಾಗಿದ್ದು (Major), ತಾನು ಎಲ್ಲಿ ವಾಸಿಸಬೇಕು ಎಂಬುದನ್ನು ನಿರ್ಧರಿಸುವ ಸಂಪೂರ್ಣ ಕಾನೂನುಬದ್ಧ ಹಕ್ಕು ಆಕೆಗಿದೆ. ವಯಸ್ಕರ ಇಚ್ಛೆಗೆ ವಿರುದ್ಧವಾಗಿ ಅವರ ಮೇಲೆ ಬಲಪ್ರಯೋಗ ಮಾಡುವುದು, ಎಳೆದಾಡುವುದು, ಕೂಡಿಹಾಕುವುದು ಅಥವಾ ಅಪಹರಿಸುವುದು ಕಾನೂನಿನಡಿ ಅಪರಾಧವಾಗಿದೆ. ಈ ಸಂಬಂಧ ಪ್ರಕರಣ ದಾಖಲಿಸಿಕೊಳ್ಳಲಾಗುತ್ತಿದೆ.
ತಕ್ಷಣ ದೂರು ನೀಡಿದ್ದರೆ ವಾಹನ ತಡೆಯಬಹುದಿತ್ತು: ಘಟನೆ ನಡೆದ ತಕ್ಷಣವೇ ಪೊಲೀಸರಿಗೆ ಮಾಹಿತಿ ನೀಡಿದ್ದರೆ, ವಾಹನವು ದೂರ ಪ್ರಯಾಣಿಸುವ ಮೊದಲೇ ಅದನ್ನು ತಡೆದು ನಿಲ್ಲಿಸಬಹುದಿತ್ತು.
ಮನೆಗೆ ಬೀಗ, ಪತ್ತೆಗೆ ತೀವ್ರ ಶೋಧ: ಪೊಲೀಸರು ಯುವತಿಯ ಮನೆಗೆ ತೆರಳಿ ಪರಿಶೀಲಿಸಿದಾಗ ಮನೆಗೆ ಬೀಗ ಹಾಕಿರುವುದು ಕಂಡುಬಂದಿದೆ. ತನಿಖೆ ಮತ್ತು ಯುವತಿಯ ಪತ್ತೆಗಾಗಿ ಪೊಲೀಸರ ಶೋಧ ಕಾರ್ಯ ಮುಂದುವರಿದಿದೆ.
ಪತ್ತೆಯಾದ ಬಳಿಕ ಸತ್ಯಾಂಶ ತಿಳಿಯಲಿದೆ: ಯುವತಿಯನ್ನು ಪತ್ತೆಹಚ್ಚಿದ ಬಳಿಕ ಆಕೆಯಿಂದಲೇ ಘಟನೆಯ ಸಂಪೂರ್ಣ ಸತ್ಯಾಂಶ ತಿಳಿದುಬರಲಿದೆ ಎಂದು ಮಂಗಳೂರು ನಗರ ಪೊಲೀಸ್ ಕಮಿಷನರ್ ಸುಧೀರ್ ಕುಮಾರ್ ರೆಡ್ಡಿ ತಿಳಿಸಿದ್ದಾರೆ.
