
ತನ್ನ ಪ್ರಿಯಕರನ ಜೊತೆ ಸಲುಗೆಯಿಂದ ಇದ್ದ ಯುವತಿಯೊಬ್ಬಳ ಮೇಲೆ ಸುಪಾರಿ ಕೊಟ್ಟು ಗ್ಯಾಂಗ್ ರೇಪ್..!!
Thursday, June 2, 2022
ಹೈದರಾಬಾದ್: ತನ್ನ ಪ್ರಿಯಕರ ಇನ್ನೊಬ್ಬಳ ಜತೆ ಸಲುಗೆಯಿಂದ ಇರುವುದನ್ನು ಸಹಿಸದ ಯುವತಿಯೊಬ್ಬಳು ಸುಪಾರಿ ಕೊಟ್ಟು ಆಕೆಯ ಮೇಲೆ ಗ್ಯಾಂಗ್ರೇಪ್ ಮಾಡಿಸಿರುವ ಭಯಾನಕ ಘಟನೆ ಹೈದರಾಬಾದ್ನಲ್ಲಿ ನಡೆದಿದೆ. ಮೇ 26 ರಂದು ಈ ಘಟನೆ ನಡೆದಿದ್ದು ಇದೀಗ ಬೆಳಕಿದೆ ಬಂದಿದೆ.
ಗಾಯತ್ರಿ ಎಂಬಾಕೆ ಈ ಕೃತ್ಯ ಎಸಗಿದ್ದಾಳೆ ಈಕೆ ಹೈದರಾಬಾದ್ನ ಕೊಂಡಾಪುರದ ನಿವಾಸಿ.
ಐವರು ಪುರುಷರಿಗೆ ಹಣ ಕೊಟ್ಟ ಪ್ರಿಯಕರನ ಇನ್ನೋರ್ವ ಗೆಳತಿಯನ್ನು ಗ್ಯಾಂಗ್ರೇಪ್ ಮಾಡಿಸಿದ್ದಾಳೆ.
ಆರೋಪಿ ಗಾಯತ್ರಿ ತನ್ನ ಗೆಳೆಯನ ಜತೆ ಲಿವ್ ಇನ್ ಸಂಬಂಧದಲ್ಲಿ ಇದ್ದಳು. ಆಕೆಯ ಪ್ರಿಯಕರ ಯುಪಿಎಸ್ಸಿ ಪರೀಕ್ಷೆಗೆ ತಯಾರಿ ನಡೆಸುತ್ತಿದ್ದನು. ಆತ ಹೋಗುತ್ತಿದ್ದ ಕೋಚಿಂಗ್ ಸೆಂಟರ್ಗೆ ಯುವತಿಯೊಬ್ಬಳು ಕೋಚಿಂಗ್ಗೆ ಬರುತ್ತಿದ್ದಳು. ಇವರಿಬ್ಬರ ಮೇಲೆ ಗಾಯತ್ರಿಗೆ ಅನುಮಾನ ಶುರುವಾಗಿದೆ. ತನ್ನ ಪ್ರಿಯಕರ ಆಕೆಯ ಜತೆ ಸಂಬಂಧ ಹೊಂದಿದ್ದಾನೆ ಎಂದು ಅನ್ನಿಸಿದೆ. ಇದಕ್ಕೆ ಪುಷ್ಟಿ ಕೊಡಲು ಎಂಬಂತೆ ಅವರಿಬ್ಬರ ನಡುವೆ ವಾಟ್ಸ್ಆ್ಯಪ್ನಲ್ಲಿ ನಡೆಯುತ್ತಿರುವ ಸಂಭಾಷಣೆಗಳಿಂದ ಈಕೆಗೆ ಮತ್ತಷ್ಟು ಸಂಶಯ ಶುರುವಾಗಿದೆ. ಇದೇ ಕಾರಣಕ್ಕೆ ಐವರಿಗೆ ಹಣವನ್ನು ಕೊಟ್ಟು ಆ ಯುವತಿಯನ್ನು ಅತ್ಯಾಚಾರ ಮಾಡುವಂತೆ ಹೇಳಿದ್ದಾಳೆ.
ಘಟನೆಗೆ ಸಂಬಂಧಿಸಿದಂತೆ ಆರೋಪಿ ಗಾಯತ್ರಿ ಹಾಗೂ ಇತರರನ್ನು ಪೊಲೀಸರು ಬಂಧಿಸಿದ್ದಾರೆ.