ಬಾರ್ ಮುಂದೆ ಹೊಸ ಜೀವನಕ್ಕೆ ಕಾಲಿಟ್ಟ ನವ ಜೋಡಿ..!!

ಕೋಝಿಕೋಡ್(ಕೇರಳ): ಕೇರಳದಲ್ಲಿ ಕೋಝಿಕೋಡ್‌ನ ಮಿನಿ ಬೈಪಾಸ್ ರಸ್ತೆಯಲ್ಲಿರುವ  ಮದ್ಯದಂಗಡಿಯ ಮುಂಭಾಗ ವಿಶೇಷ ಮದುವೆಯೊಂದು ನಡೆದಿದೆ. 

ಮದ್ಯದಂಗಡಿಯ ಮುಂಭಾಗ ನವ ವಧು-ವರರು ಪರಸ್ಪರ ಹಾರ ಬದಲಿಸಿಕೊಂಡು ವಿವಾಹವಾದರು. ಈ ವಿವಾಹವು ಕೇರಳ ಕ್ಯಾಟರರ್ಸ್ ಅಸೋಸಿಯೇಶನ್‌ನ ಪ್ರತಿಭಟನೆಯ ಭಾಗವಾಗಿತ್ತು.

ಕೋವಿಡ್‌ ಹಿನ್ನೆಲೆಯಲ್ಲಿ ಕೇರಳ ಸರ್ಕಾರ ವಿವಾಹ ಕಾರ್ಯಗಳಿಗಾಗಿ ಅತಿಥಿಗಳ ಮಿತಿಯನ್ನು 50ಕ್ಕೆ ನಿಗದಿಪಡಿಸಿದೆ. ಈ ನಿರ್ಧಾರವನ್ನು ಆಲ್​ ಕೇರಳ ಕ್ಯಾಟರರ್ಸ್ ಅಸೋಸಿಯೇಷನ್ ​ವಿರೋಧಿಸಿದ್ದು ​ರಾಜ್ಯಾದ್ಯಂತ ಮದ್ಯದಂಗಡಿಗಳ ಮುಂದೆ ಪ್ರತಿಭಟನೆ ಘೋಷಿಸಿದೆ. ಈ ಪ್ರತಿಭಟನಾ ಕೂಟದಲ್ಲಿ ಪ್ರಮೋದ್ ಮತ್ತು ಧನ್ಯಾ ಎಂಬವರು ಪರಸ್ಪರ ಹಾರ ಬದಾಲಾಯಿಸುವ ಮೂಲಕ ವಿವಾಹವಾದರು. ಈ ಮುಖೇನ ಸರ್ಕಾರದ ನಿರ್ಧಾರವನ್ನು ಖಂಡಿಸಿದರು.