15 ವರ್ಷದ ಮಗಳನ್ನು ಮಗುವಿಗಾಗಿ ಮದುವೆಯಾದನ ವೃದ್ದ- ಇಲ್ಲಿದೆ ಸತ್ಯಾಂಶ!
ಹೈದರಾಬಾದ್: 75 ವರ್ಷದ ವೃದ್ಧನೊಬ್ಬ ಮಗುವನ್ನು ಪಡೆಯುವ ಸಲುವಾಗಿ ತನ್ನ 15 ವರ್ಷದ ಮಗಳನ್ನೇ ಮದುವೆ ಆಗಿದ್ದಾನೆಂಬ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.
ಹುಡುಗಿ ಹಾಗೂ ವೃದ್ಧನ ಫೋಟೋ ಬರಲಾಗಿದ್ದು ಆದರೆ ಈ ಸುದ್ದಿ ಈಗ ಸುಳ್ಳು ಎಂಬುದು ತಿಳಿದುಬಂದಿದೆ.
ಅನೇಕ ಫೇಸ್ಬುಕ್ ಬಳಕೆದಾರರು ಈ ಫೋಟೋ ಶೇರ್ ಮಾಡಿಕೊಂಡಿದ್ದು, ಅದರಲ್ಲಿ ಬರೆದಿರುವಂತೆ ವೃದ್ಧ 15 ವರ್ಷದ ತನ್ನ ಮಗಳನ್ನು ಮಗು ಪಡೆಯುವುದಕ್ಕಾಗಿ ಮದುವೆ ಆಗಿದ್ದಾನೆ ಎಂದು ಹೇಳಲಾಗಿದೆ. ಇದು ಎಷ್ಟ್ಟು ಸತ್ಯ ಎಂದು ತಿಳಿಯಲು ನ್ಯೂಸ್ ಮೀಟರ್ ವೆಬ್ಸೈಟ್ ಫ್ಯಾಕ್ಟ್ಚೆಕ್ ನಡೆಸಿದ್ದಾರೆೆ. ಈ ವೈರಲ್ ಫೋಟೋವನ್ನು ಗೂಗಲ್ ರಿವರ್ಸ್ ಸರ್ಚ್ ಇಂಜಿನ್ನಲ್ಲಿ ನೋಡಿದಾಗ ಇದಕ್ಕೆ ಸಂಬಂಧಿಸಿದ ಸುದ್ದಿಯೊಂದು ಇಂಡಿಯಾ ಟುಡೆ ವೆಬ್ಸೈಟ್ನಲ್ಲಿ 2017ರ ಆಗಸ್ಟ್ 18ರಂದು “ಅಪ್ರಾಪ್ತೆಯನ್ನು ಮದುವೆಯಾದ ಶೇಕ್” ಎಂಬ ಶೀರ್ಷಿಕೆಯೊಂದಿಗೆ ಪ್ರಕಟವಾಗಿದೆ.
ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ಫೋಟೋ ಮತ್ತು ಆ ಬಗ್ಗೆ ಹೇಳಿರುವ ಮಾತು ಸುಳ್ಳು ಎಂದು ಫ್ಯಾಕ್ಟ್ಚೆಕ್ನಿಂದ ಬಯಲಾಗಿದೆ. ಆಕೆಯ ವೃದ್ಧನ ಮಗಳಲ್ಲ, ಬದಲಾಗಿ ಹೈದರಬಾದ್ ಮೂಲಕ ಹುಡುಗಿಯಾಗಿದ್ದು ಬಲವಂತವಾಗಿ ಒಮನ್ಗೆ ಮದುವೆ ಮಾಡಿಕೊಡಲಾಗಿದೆ.