-->
ads hereindex.jpg
ಓಎಲ್​ಎಕ್ಸ್​ನಲ್ಲಿ 1 ರೂ. ನಾಣ್ಯ ಮಾರಾಟಕ್ಕಿಟ್ಟ ಶಿಕ್ಷಕಿ ಕಳೆದುಕೊಂಡಳು ಲಕ್ಷ, ಲಕ್ಷ..!!

ಓಎಲ್​ಎಕ್ಸ್​ನಲ್ಲಿ 1 ರೂ. ನಾಣ್ಯ ಮಾರಾಟಕ್ಕಿಟ್ಟ ಶಿಕ್ಷಕಿ ಕಳೆದುಕೊಂಡಳು ಲಕ್ಷ, ಲಕ್ಷ..!!

 ಬೆಂಗಳೂರು: ಓಎಲ್​ಎಕ್ಸ್​ನಲ್ಲಿ 1947ರ ಇಸವಿ 1 ರೂ. ನಾಣ್ಯ ಮಾರಾಟಕ್ಕಿಟ್ಟ ಶಿಕ್ಷಕಿಗೆ ಸೈಬರ್​ ವಂಚಕರು 1 ಕೋಟಿ ರೂ.ಗೆ ಖರೀದಿ ಮಾಡುವ ನೆಪದಲ್ಲಿ 1 ಲಕ್ಷ ರೂ. ಪಡೆದು ವಂಚನೆ ಮಾಡಿದ್ದಾರೆ.

 ಶಿಕ್ಷಕಿಯು ಜೂನ್​ 15ರಂದು ಓಎಲ್​ಎಕ್ಸ್​ನಲ್ಲಿ 1947ನೇ ಇಸವಿಯ 1 ರೂ. ನಾಣ್ಯವೊಂದು ಮಾರಾಟಕ್ಕೆ ಇರುವುದಾಗಿ ಜಾಹೀರಾತು ಹಾಕಿದ್ದರು. ತನ್ನ ಮೊಬೈಲ್​ ನಂಬರ್​ ಅಪ್​ಲೋಡ್​ ಮಾಡಿದ್ದರು. ಅಪರಿಚಿತ ವ್ಯಕ್ತಿ ಕರೆ ಮಾಡಿ, 1 ರೂ. ನಾಣ್ಯವನ್ನು 1 ಕೋಟಿ ರೂ.ಗೆ ಖರೀದಿ ಮಾಡುವುದಾಗಿ ನಂಬಿಸಿದ್ದ. ಆನಂತರ ಹಣ ವರ್ಗಾವಣೆ ಮಾಡಿರುವುದಾಗಿ ನಕಲಿ ಸ್ಕ್ರೀನ್​ ಶಾಟ್​ ತೆಗೆದು ಶಿಕ್ಷಕಿಗೆ ವಾಟ್ಸ್​ಆ್ಯಪ್​ ಮಾಡಿದ್ದ. ಇದನ್ನು ನಂಬಿದ್ದ ಶಿಕ್ಷಕಿಗೆ ಎಷ್ಟು ಹೊತ್ತಾದರು ಹಣ ಖಾತೆಗೆ ಬಂದಿಲ್ಲ. ಆಗ ಶಿಕ್ಷಕಿ, ಅಪರಿಚಿತ ವ್ಯಕ್ತಿಗೆ ಕರೆ ಮಾಡಿ ಹಣ ಬಂದಿಲ್ಲ ಎಂದು ಹೇಳಿದ್ದಾರೆ. ವಂಚಕ, ದೊಡ್ಡ ಮೊತ್ತದ ಹಣ ವರ್ಗಾವಣೆಗೆ ಶುಲ್ಕ ಪಾವತಿ ಮಾಡಬೇಕೆಂದು ನಂಬಿಸಿ ಹಣವನ್ನು ತನ್ನ ಬ್ಯಾಂಕ್​ ಖಾತೆಗೆ ವರ್ಗಾವಣೆ ಮಾಡಿಸಿಕೊಂಡಿದ್ದಾರೆ. ಆದರೆ, ಶಿಕ್ಷಕಿ ಬ್ಯಾಂಕ್​ ಖಾತೆಗೆ ಯಾವುದೇ ಹಣ ವರ್ಗಾವಣೆ ಆಗಿಲ್ಲ. ವಂಚಕ ಮತ್ತೆ ಹಣ ಕೇಳಿದಾಗ ಅನುಮಾನ ಬಂದ ಶಿಕ್ಷಕಿ, ಹಣ ಪಡೆದ ಆರೋಪಿ ವಿರುದ್ಧ ದೂರು ನೀಡಿದ್ದಾರೆ. ಇದರ ಅನ್ವಯ ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. 

Ads on article

Advertise in articles 1

suvidha.jpg

advertising articles 2