ಪಾಕಿಸ್ಥಾನದ ಶಾಸಕಿಯ 'ಆ ನೋಡಲಾಗದ' ವೀಡಿಯೋ ಲೀಕ್: ಕುತಂತ್ರದ ಹಿಂದೆ ಯಾರು?

ಕರಾಚಿ: ಪಾಕಿಸ್ತಾನದ, ಪಾಕಿಸ್ತಾನ್​ ಮುಸ್ಲಿಂ ಲೀಗ್​ - ನವಾಝ್ ಪಕ್ಷದ ಶಾಸಕಿಯದ್ದು ಎನ್ನಲಾಗುವ ಅಶ್ಲೀಲ ವಿಡಿಯೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು ಈ ಬಗ್ಗೆ ಶಾಸಕಿ ಸೈಬರ್​ ಕ್ರೈಂಗೆ ದೂರು ನೀಡಿದ್ದಾರೆ.

ಪಾಕಿಸ್ತಾನದ ಪಂಜಾಬ್ ಪ್ರಾಂತ್ಯದ ತಕ್ಷಿಲಾ ವಿಧಾನಸಭಾ ಕ್ಷೇತ್ರದ ಶಾಸಕಿ ಸಾನಿಯಾ ಆಶಿಖ್ ಅವರನ್ನು ಹೋಲುವ ವಿಡಿಯೋ ಅಶ್ಲೀಲ ವೀಡಿಯೋ ಇದಾಗಿದ್ದು, ಇದೀಗ ಎಲ್ಲಡೆ ವೈರಲ್ ಆಗಿದೆ.

ಈ ವೀಡಿಯೋ ಮತ್ತು ನನಗೆ ಯಾವುದೇ ಸಂಬಂಧ ಇಲ್ಲ ಎಂದಿರುವ ಶಾಸಕಿ ಸಾನಿಯಾ ಆಶಿಖ್, ನನ್ನ ತೇಜೋವಧೆ ಮಾಡಲು ಯಾರೋ ದುಷ್ಕರ್ಮಿಗಳು ವಿರೋಧ ಪಕ್ಷದವರು ಈ ಕೃತ್ಯ ನಡೆಸಿದ್ದಾರೆ ಎಂದಿದ್ದಾರೆ.

ಈ ವಿಡಿಯೋದಲ್ಲಿ ಇರುವುದು ಸಾನಿಯಾ ಆಶಿಖ್ ಹೌದೋ ಅಲ್ಲವೋ ಎಂದು ಪರಿಶೀಲಿಸುತ್ತಿರುವ ಪೊಲೀಸರು, ಈ ನಡುವೆ ಶಾಸಕಿಯ ದೂರಿನ ಮೇರೆಗೆ ಓರ್ವನನ್ನು ವಶಕ್ಕೆ ಪಡೆದಿದ್ದಾರೆ.