ಬಂದಾರು ಕುಂಟಾಲಪಲ್ಕೆ ರಸ್ತೆ ಬದಿ 50 ಕ್ಕೂ ಹೆಚ್ಚು ಮಂಗಗಳ ಮೃತ ದೇಹ ಪತ್ತೆ


ಬೆಳ್ತಂಗಡಿ : ಬಂದಾರು ಗ್ರಾಮದ  ರಸ್ತೆ ಬದಿ ಸುಮಾರು 50ಕ್ಕೂ ಹೆಚ್ಚು ಸತ್ತ ಘಟನೆ ನಡೆದಿದ್ದು, ಯಾರೋ ಮಂಗಗಳಿಗೆ ವಿಷ ವಿಕ್ಕಿ ಸತ್ತ ನಂತರ ಅದನ್ನು ವಾಹನದಲ್ಲಿ ತಂದು ಇಲ್ಲಿ ಹಾಕಿರಬೇಕೆಂದು ಸಂಶಯಿಸಲಾಗಿದೆ.
ಕುಂಟಾಲಪಲ್ಕೆ ಕಲ್ಲರ್ಪೆ ರಸ್ತೆ ಬದಿಯಲ್ಲಿ ರಾತ್ರಿ ವಾಹನದಲ್ಲಿ ಹೋಗುವವರು ಇದನ್ನು ಕಂಡು ಗ್ರಾಮ ಪಂಚಾಯತು ಮತ್ತು ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕೆ ಗ್ರಾ.ಪಂ ಅಧ್ಯಕ್ಷ ಉದಯ ಕುಮಾರ್ ಬಿ.ಕೆ, ಅರಣ್ಯ ಇಲಾಖೆಯ ಪಾರೆಸ್ಟರ್ ಬಿ.ಹೆಚ್ ಪಾಟೀಲ್, ಗಾರ್ಡ್ ಜಗದೀಶ್, ಪಿಡಿಒ ಮೋಹನ್ ಬಂಗೇರ, ಗ್ರಾ.ಪಂ ಸದಸ್ಯ ಹರೀಶ್ ಮೊದಲಾದವರು ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ನಡೆಸಿದರು.
ಯಾರೋ ಬಾಳೆ ತೋಟ ಅಥವಾ ಹಲಸಿನ ಹಣ್ಣಿಗೆ ವಿಷ ವಿಕ್ಕಿದ್ದು, ಅದನ್ನು ತಿಂದ ಮಂಗಳು ವಿಷವೇರಿ ಸಾಮೂಹಿಕವಾಗಿ ಬಿದ್ದ ಬಳಿಕ ಅದನ್ನು ಯಾವುದೋ ವಾಹನದಲ್ಲಿ ತುಂಬಿಸಿ ಕುಂಟಾಲಪಲ್ಕೆ ರಸ್ತೆ ಬದಿಯಲ್ಲಿ ಎಸೆದು ಹೋಗಿರಬಹುದೆಂದು ಸಂಶಯಿಸಲಾಗಿದೆ. ಅರೆ ಜೀವದಲ್ಲಿದ್ದ ಕೆಲವು ಮಂಗಳು ಚೇತರಿಸಿಕೊಂಡು ಹತ್ತಿರದ ಕಾಡಿಗೆ ಹೋದರೆ ಉಳಿದವು ಸತ್ತು ಹೋಗಿದೆ. ಸ್ಥಳಕ್ಕೆ ಪಶುವೈದ್ಯಕೀಯ ಇಲಾಖೆಯವರು ಆಗಮಿಸಿ ನಂತರ ಮಹಜರು ನಡೆಸಿ ಮಂಗಗಳ ಶವವನ್ನು ದಹನ ಮಾಡಲಾಯಿತು.

Comments