|
ಪ್ರಕಟಿಸಿದ ದಿನಾಂಕ : 2008-06-27  ಏರ್ ಇಂಡಿಯಾ ಎಕ್ಸ್ ಪ್ರೆಸ್ ಪ್ರಕಟಣೆ : ವಾರದೊಳಗೆ ಆಲ್ ಲೈನ್ ಸೇವೆ ಪ್ರಾರಂಭ ಕುವೈಟ್, ಜೂನ್ 27: ಬಹುನಿರೀಕ್ಷಿತ ಕುವೈಟ್ ಮಂಗಳೂರು ನೇರ ವಿಮಾನಯಾನ ಸರಿಸುಮಾರಾಗಿ ಖಚಿತವಾಗಿದ್ದು ಜುಲೈ 17 ರಿಂದ ಪ್ರಾರಂಭವಾಗಲಿದೆ ಎಂದು ಏರ್ ಇಂಡಿಯಾ ಎಕ್ಸ್ ಪ್ರೆಸ್ ಸಂಸ್ಥೆಯ ಅಧಿಕಾರಿಗಳು ತಿಳಿಸಿದ್ದಾರೆ. ಈ ಮಾರ್ಗದ ಯಾನಕ್ಕಾಗಿ ಎಲ್ಲಾ ಸಿದ್ಧತೆಗಳು ಭರದಿಂದ ಸಾಗಿದ್ದು ಸುಮಾರು ಒಂದು ವರದೊಳಕ್ಕೆ ಆನ್ ಲೈನ್ ಸೇವೆಯಲ್ಲಿ ಕುವೈಟ್ ಯಾನದ ವಿವರಗಳನ್ನು ಅಳವಡಿಸಲಾಗುವುದು. ಪ್ರಾರಂಭಿಕ ಅವಧಿಯಲ್ಲಿ ಪ್ರತಿವಾರದಲ್ಲಿ ಎರೆಡು ಯಾನಗಳನ್ನು ಆಯೋಜಿಸಲಾಗಿದ್ದು ಭಾನುವಾರ ಮತ್ತು ಗುರುವಾರಗಳಂದು ಮಸ್ಕತ್ ಮೂಲಕ ಮಂಗಳೂರಿಗೆ ತೆರಳಲಿವೆ. ಏರ್ ಇಂಡಿಯಾ ಎಕ್ಸ್ ಪ್ರೆಸ್ ಹಲವು ಹೊಸ ವಿಮಾನಗಳನ್ನು ಖರೀದಿಸಿದ್ದು ಜೂನ್ ೨೩ ರಂದು ಆಗಮಿಸಿದ ಹೊಸ ವಿಮಾನದಿಂದ ಕುವೈಟ್ - ಮಂಗಳೂರು ಯಾನ ಸುಗಮವಾಗಿದೆ. ವಿಮಾನ ಚಿಕ್ಕದಾದುದರಿಂದ ಮಸ್ಕತ್ ನಗರದಲ್ಲಿ ಇಂಧನ ತುಂಬಿಕೊಳ್ಳಬೇಕಾದ ಅನಿವಾರ್ಯತೆ ಒಂದು ನಿಲುಗಡೆಗೆ ಒಳಪಟ್ಟಿದೆ. ಮುಂದಿನ ದಿನಗಳಲ್ಲಿ ಪ್ರಯಾಣಿಕರ ಸಂಖ್ಯೆಯನ್ನು ಅವಲಂಬಿಸಿ ದೊಡ್ಡ ವಿಮಾನ ಹಾಗೂ ಹೆಚ್ಚಿನ ಯಾನಗಳನ್ನು ಪ್ರಾರಂಭಿಸಲಾಗುವುದು ಎಂದು ಏರ್ ಇಂಡಿಯಾ ಎಕ್ಸ್ ಪ್ರೆಸ್ ಅಧಿಕಾರಿಗಳು ತಿಳಿಸಿದ್ದಾರೆ. ಈ ಮೂಲಕ ಮುಂಬೈ, ಗೋವಾ ಮೊದಲಾದ ನಿಲ್ದಾಣಗಳ ಮುಖಾಂತರ ತಮ್ಮ ಊರುಗಳಿಗೆ ತಲುಪಲು ಪಡುವ ಪಾಡು ತಪ್ಪಿದಂತಾಗಿದೆ. ಈ ಮಾರ್ಗದ ವಿವರಗಳು ಇಂತಿವೆ: ಕೊಚಿನ್ ನಿಂದ ಮಂಗಳೂರಿಗೆ ಆಗಮನ ಸಮಯ : ಸಂಜೆ 6:50 ಕುವೈಟಿನಿಂದ ಮಸ್ಕತ್ ಮಾರ್ಗವಾಗಿ ಮಂಗಳೂರಿಗೆ : ಮರುದಿನ ೦೦:೦೫ ಕ್ಕೆ
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
