|
|
|
ಸಲ್ಮಾನ್ ರಶ್ದಿಗೆ ''ನೈಟ್ಹುಡ್ '' |
ಪ್ರಕಟಿಸಿದ ದಿನಾಂಕ : 2008-06-26
ಲಂಡನ್: ಭಾರತ ಮೂಲದ ವಿವಾದಿತ ಲೇಖಕ ಸಲ್ಮಾನ್ ರಶ್ದಿ ಅವರ ಸಾಹಿತ್ಯ ಕ್ಷೇತ್ರದಲ್ಲಿನ ಸಾಧನೆಗಾಗಿ ಬ್ರಿಟನ್ನಲ್ಲಿ ಪ್ರತಿಷ್ಠಿತ ನೈಟ್ಹುಡ್ ಪದವಿ ನೀಡಿ ಗೌರವಿಸಲಾಗಿದೆ. ನಿನ್ನೆ(ಬುಧವಾರ) ಬ್ರಿಟನ್ನ ರಾಣಿ ಎಲಿಜಬೆತ್ II ಅವರು ರಶ್ದಿಯವರಿಗೆ ಪ್ರಸ್ತುತ ಪದವಿಯನ್ನು ನೀಡಿ ಗೌರವಿಸಿದರು.
ಅನಿವಾಸಿ ಭಾರತೀಯರಾದ ಸಲ್ಮಾನ್ ರಶ್ದಿ "ಸರ್" ಪದವಿಗೆ ಪಾತ್ರರಾಗಿದ್ದು, ಈ ಪುರಸ್ಕಾರವು ಯಾವುದೇ ನಿರ್ದಿಷ್ಟ ಪುಸ್ತಕಕ್ಕೆ ನೀಡಿದ್ದಾಗಿಲ್ಲ. ಇದು ತನ್ನ ಜೀವಮಾನದ ಸಾಹಿತ್ಯ ಕ್ಷೇತ್ರದಲ್ಲಿನ ದುಡಿಮೆಗಾಗಿ ಲಭಿಸಿದುದರಿಂದ ಅತೀವ ಸಂತೋಷ ತಂದಿರುವುದಾಗಿ ಪದವಿ ಸ್ವೀಕರಿಸುತ್ತಾ ರಶ್ದಿಯವರು ಹೇಳಿದರು.
ಪ್ರಸ್ತುತ ರಶ್ದಿಯವರ "ಸಟಾನಿಕ್ ವರ್ಸೆಸ್" ಎಂಬ ಪುಸ್ತಕವು ಇಸ್ಲಾಂ ರಾಷ್ಟ್ರಗಳಲ್ಲಿ ಭಾರೀ ವಿವಾದವನ್ನು ಸೃಷ್ಟಿಸಿದ್ದು, ಇದು ಇಸ್ಲಾಂ ಧರ್ಮನಿಂದೆಯಿಂದ ಕೂಡಿದೆ ಎಂಬುದಾಗಿ ಇಸ್ಲಾಂ ರಾಷ್ಟ್ರಗಳು ಆರೋಪಿಸಿದ್ದವು. ಇದು ಮಾತ್ರವಲ್ಲದೆ ಇಸ್ಲಾಂ ಧರ್ಮನಿಂದೆಯ ಆರೋಪದಲ್ಲಿ ಇರಾನ್ನ ಹಿರಿಯ ನೇತಾರ ಅಯತುಲ್ಲಾ ರುಹೊಲ್ಲಾಹ್ ಖೊಮೈನಿ ರಶ್ದಿ ಅವರ ವಿರುದ್ಧ ಮರಣದಂಡನೆಯ ಫತ್ವಾ ಹೊರಡಿಸಿದ್ದರು.
ಒಂದು ವರ್ಷದ ಹಿಂದೆ ರುಶ್ದಿಯವರಿಗೆ ನೈಟ್ಹುಡ್ ಪದವಿ ಪ್ರಧಾನ ಮಾಡುವ ಬಗ್ಗೆ ಬ್ರಿಟನ್ ಪ್ರಕಟಣೆ ಹೊರಡಿಸಿದ್ದು, ಇದು ಇಸ್ಲಾಂ ರಾಷ್ಟ್ರಗಳಲ್ಲಿ ವ್ಯಾಪಕ ಪ್ರತಿಭಟನೆಗೆ ಕಾರಣವಾಗಿತ್ತು. ಅದೇ ವೇಳೆ ಬ್ರಿಟನ್ ಮತ್ತು ಪಾಕಿಸ್ತಾನದ ನಡುವಿನ ಸಂಬಂಧಕ್ಕೆ ತಲೆನೋವಾಗಿ ಪರಿಣಮಿಸಿತ್ತು.
ಸಲ್ಮಾನ್ ರಶ್ದಿಯವರಿಗೆ ನೈಟ್ಹುಡ್ ಪ್ರಧಾನ ಮಾಡಿದ ಬಗ್ಗೆ ಅಲ್ಖೈದಾ ಸಂಘಟನೆಯು ಅಸಮಾಧಾನ ವ್ಯಕ್ತಪಡಿಸಿದ್ದು, ತನ್ನ ವೆಬ್ಸೈಟ್ನಲ್ಲಿ ಇದು ಇಸ್ಲಾಂ ಧರ್ಮಕ್ಕೆ ಮಾಡಿದ ಅನ್ಯಾಯ ಹಾಗೂ ಬ್ರಿಟನ್ ಈ ಬಗ್ಗೆ ತೀವ್ರವಾದ ಪರಿಣಾಮ ಎದುರಿಸಬೇಕಾಗಿ ಬರುವುದು ಎಂದು ಬೆದರಿಕೆ ಹಾಕಿತ್ತು.
ಇದಕ್ಕೆ ಸ್ಪಂದಿಸಿದ ಬ್ರಿಟನ್ ಪ್ರಧಾನಿ ಗೋರ್ಡನ್ ಬ್ರೌನ್ ಈ ಪದವಿಯು ಅಪರಾಧವಾಗಿದ್ದರೆ "ಕ್ಷಮಿಸಿ" ಎಂದು ಹೇಳಿದ್ದು, ಏತನ್ಮಧ್ಯೆ ನೀಡಿದ ಪದವಿಯನ್ನು ಹಿಂತೆಗೆದು ಕೊಳ್ಳಬೇಕೆಂಬ ಪಾಕಿಸ್ತಾನದ ಮನವಿಯನ್ನು ತಿರಸ್ಕರಿಸಿದ್ದರು.
ವರದಿಯ ವಿವರಗಳು |
 |
ಕೃಪೆ : msn
ವರದಿಗಾರರು : ಗ.ಕ.ವಿಶೇಷ ವರದಿಗಾರರು
ಪ್ರಕಟಿಸಿದ ದಿನಾಂಕ : 2008-06-26
|
|
|
|
ಎಲ್ಲಾ ವರದಿಗಳು [ಎನ್.ಆರ್.ಕ-ಎನ್.ಆರ್.ಐ] |
|
