ಭಾರತೀಯನ ಹತ್ಯೆ: ಅಮೆರಿಕದ ಯುವಕನಿಗೆ ಜೀವಾವಧಿ |
ಪ್ರಕಟಿಸಿದ ದಿನಾಂಕ : 2008-06-25
ಹೌಸ್ಟನ್, ಮಂಗಳವಾರ, 24 ಜೂನ್ 2008
ಉದ್ಯಾನದಲ್ಲಿ ಧ್ಯಾನಸ್ಥನಾಗಿದ್ದ ಭಾರತೀಯ ಸಾಫ್ಟ್ವೇರ್ ತಂತ್ರಜ್ಞರೊಬ್ಬರನ್ನು ಗುಂಡು ಹಾರಿಸಿ ಹತ್ಯೆ ಮಾಡಿದ ಆರೋಪದ ಮೇಲೆ ಆಫ್ರಿಕನ್-ಅಮೆರಿಕನ್ ಯುವಕನೊಬ್ಬನಿಗೆ ಜೀವಾವಧಿ ಶಿಕ್ಷೆಯನ್ನು ವಿಧಿಸಲಾಗಿದೆ.
ಭಾರತೀಯ ಸಮುದಾಯಕ್ಕೆ ಆಘಾತಕಾರಿಯಾದ ಈ ಘಟನೆ ನಡೆದು ಮೂರು ವರ್ಷಗಳ ಬಳಿಕ ಆರೋಪಿಗೆ ಶಿಕ್ಷೆ ವಿಧಿಸಲಾಗಿದೆ. ಮೂರು ವರ್ಷಗಳ ಹಿಂದೆ ವೆಸ್ಟ್ ಹೌಸ್ಟನ್ ಪಾರ್ಕ್ನಲ್ಲಿ ಏಕಾಗ್ರ ಸ್ಥಿತಿಯಲ್ಲಿದ್ದ 28 ವರ್ಷ ವಯಸ್ಸಿನ ಅಖಿಲ್ ಚೋಪ್ರಾನನ್ನು ದರೋಡೆ ಮಾಡಿದ ಹೋವಾರ್ಡ್ ಬೆಲ್ಲಾಮಿ ಎಂಬವ ಬಳಿಕ ಗುಂಡಿಕ್ಕಿ ಹತ್ಯೆ ಮಾಡಿದ್ದ.
ಹಿಂದು ವಿದ್ಯಾರ್ಥಿ ಮಂಡಳಿಯ ಸಕ್ರಿಯ ಕಾರ್ಯಕರ್ತನಾದ ಚೋಪ್ರಾ ಸ್ನಾತಕೋತ್ತರ ಪದವಿ ವ್ಯಾಸಂಗಕ್ಕಾಗಿ ಅಹ್ಮಾದಾಬಾದ್ನಿಂದ ಅಮೆರಿಕಕ್ಕೆ ಆಗಮಿಸಿದ್ದರು. 2005ರ ಆಗಸ್ಟ್ನಲ್ಲಿ ಅವರ ಹಣೆಯ ಮೇಲೆ ಗುಂಡೇಟಿನಿಂದ ಸತ್ತುಬಿದ್ದಿರುವುದು ಗೋಚರಿಸಿತ್ತು ಮತ್ತು ಅವರ ಪರ್ಸ್ ಕಾಣೆಯಾಗಿತ್ತು.
ಬೆಲ್ಲಾಮಿಗೆ ಶಿಕ್ಷೆ ವಿಧಿಸುವ ಮುನ್ನ, ತೀರ್ಪುಗಾರರು 6 ಗಂಟೆಗಳವರೆಗೆ ಚರ್ಚಿಸಿದರು. ಪ್ರಾಸಿಕ್ಯೂಟರ್ಗಳು ಮರಣದಂಡನೆ ಶಿಕ್ಷೆಯನ್ನು ಬೆಲ್ಲಾಮಿಗೆ ಕೋರಲಿಲ್ಲವಾದ್ದರಿಂದ ಪೆರೋಲ್ರಹಿತ ಜೀವಾವಧಿ ಶಿಕ್ಷೆಯನ್ನು ಬೆಲ್ಲಾಮಿಗೆ ವಿಧಿಸಲಾಯಿತು.
ವರದಿಯ ವಿವರಗಳು |
 |
ಕೃಪೆ : ವೆಬ್ದುನಿಯಾ
ವರದಿಗಾರರು : ಗ.ಕ.ವಿಶೇಷ ವರದಿಗಾರರು
ಪ್ರಕಟಿಸಿದ ದಿನಾಂಕ : 2008-06-25
|
|
|
