|
ಪ್ರಕಟಿಸಿದ ದಿನಾಂಕ : 2007-12-14 ಮಸ್ಕತ್, ಡಿಸೆಂಬರ್ ೧೪: ಮಸ್ಕತ್ ಭಾರತೀಯ ಸಾಂಸ್ಕೃತಿಕ ಕ್ಲಬ್ ಆಯೋಜಿಸಿದ್ದ ಸಂಗೀತ ಸ್ಪರ್ಧೆ-೨೦೦೭ ಯಲ್ಲಿ ಆಗಾಧ ಪ್ರಮಾಣದಲ್ಲಿ ಸ್ಪರ್ಧಿಗಳು ಭಾಗವಹಿಸಿದ್ದರು. ನವೆಂಬರ್ ೨೨ರಿಂದ ತೊಡಗಿದ್ದ ಸಂಗೀತ ಸ್ಪರ್ಧೆಯಲ್ಲಿ ೩೧೫ ಸ್ಪರ್ಧೆಗಳು ಭಾಗವಹಿಸಿದ್ದು ೭೭ ಸ್ಪರ್ಧಿಗಳು ಅಂತಿಮ ಹಂತಕ್ಕೆ ಆಯ್ಕೆಯಾಗಿದ್ದರು. ಅಂತಿಮ ಸುತ್ತು ನಾಲ್ಕು ವಿಭಾಗಗಳಲ್ಲಿ ವಯೋಮಾನಕ್ಕನುಗುಣವಾಗಿ ನಡೆಸಲಾಯಿತು. ಇತ್ತೀಚೆಗೆ ನಡೆದ ಅಂತಿಮಸ್ಪರ್ಧೆಯಲ್ಲಿ ಒಮಾನಿನಲ್ಲಿ ಭಾರತದ ರಾಯಭಾರಿಯಾಗಿರುವ ಅನಿಲ್ ವಾಧ್ವಾ ಮುಖ್ಯ ಅತಿಥಿಗಳಾಗಿದ್ದರು. ಪ್ರಮುಖ ಗಾಯಕರಾದ ಪದ್ಮಭೂಷಣ ಡಾ. ಕೆ.ಜೆ. ಏಸುದಾಸ್ ಸಹಾ ಇನ್ನೊಬ್ಬ ಪ್ರಮುಖ ಅತಿಥಿಯಾಗಿದ್ದರು. ಅರೀಜ್ ವೆಜಿಟೆಬಲ್ ಆಯಿಲ್ ಅಂಡ್ ಡೆರೈವೇಟೀಸ್ ಸಂಸ್ಥೆಯ ನಿರ್ದೇಶಕರಾದ ಪ್ರೇಮ್ ಮೇಕರ್, ಕಿರಣ್ ಅಶರ್ ಹಾಗೂ ಕಣಕ್ ಖಿಮ್ಜಿ ಸಹಿತ ಇತರ ಹಲವಾರು ಗಣ್ಯರು ಉಪಸ್ಥಿತರಿದ್ದರು. ಸ್ವಾಗತ ಭಾಷಣ ಹಾಗೂ ಇತರ ಕಾರ್ಯಕ್ರಮಗಳ ಬಳಿಕ ನಡೆದ ಸ್ಪರ್ಧೆಗಳಲ್ಲಿ ಸ್ಪರ್ಧಿಗಳು ತಮ್ಮ ಪ್ರತಿಭೆಯನ್ನು ಮೆರೆದರು. ಡಾ. ಕೆ.ಜೆ. ಏಸುದಾಸ್ ಅವರು ಉದಯೋನ್ಮುಖ ಗಾಯಕರಿಗೆ ತಮ್ಮ ಧ್ವನಿಯನ್ನು ಹೇಗೆ ಕಾಪಾಡಿಕೊಂಡು ಬರಬೇಕೆಂಬ ಹಿತವಚನ ನೀಡಿದರು. ಬಳಿಕ ವಿಜೇತರಿಗೆ ಬಹುಮಾನಗಳನ್ನು ಮತ್ತು ತೀರ್ಪುಗಾರರಿಗೆ ನೆನಪಿನ ಕಾಣಿಕೆಗಳನ್ನು ವಿತರಿಸಿದರು. ವಿಜೇತರು: ಶಾಸ್ತ್ರೀಯ ಗಾಯನ:(೫-೮ ವರ್ಶಗಳು): ಜಿ. ಸುಭೀಕ್ಶಾ ರಾವ್ (ವಿಜೇತೆ); ಚರ್ಮಿ ರಾಜನ್ (ಎರಡನೆಯ ಸ್ಥಾನ) ವಾದ್ಯವಾದನೆ: (೧೩-೧೭ ವರ್ಷಗಳು): ರಾಹುಲ್ ರಾಜನ್ (ವಿಜೇತ); ಆಶೀಶ್ ರಾವ್ (ಎರಡನೆಯ ಸ್ಥಾನ) ತಾಂತಿವಾದ್ಯ: (೧೩-೧೭ ವರ್ಷಗಳು): ಅಕ್ಷಯ್ ಗಣಪತಿ (ವಿಜೇತ); ಆದತಿ ಎಸ್. ಐಯರ್ (ಎರಡನೆಯ ಸ್ಥಾನ) ಲಘು ಶಾಸ್ತ್ರೀಯ ಗಾಯನ: (೫-೮ ವರ್ಷಗಳು) :ಸಾಕ್ಷಿ ಭಾಗವತ್ (ವಿಜೇತೆ); ಫಾತಿಮ ಸಿದ್ದಿಕ್ (ಎರಡನೆಯ ಸ್ಥಾನ) ಲಘು ಶಾಸ್ತ್ರೀಯ ಗಾಯನ: (೯-೧೨ ವರ್ಷಗಳು) :ರಿತಿಕಾ ನಾಯರ್(ವಿಜೇತೆ); ಅಲೀನಾ ಮೇರಿ ಜ್ಯೂಡ್(ಎರಡನೆಯ ಸ್ಥಾನ); ಪ್ರಿಯದರ್ಶಿನಿ ಅಶೋಕ್ (ಮೂರನೆಯ ಸ್ಥಾನ) ಲಘು ಶಾಸ್ತ್ರೀಯ ಗಾಯನ: (೧೩-೧೭ ವರ್ಷಗಳು) :ಶರಣ್ಯ ರವಿಚಂದ್ರನ್(ವಿಜೇತೆ); ಅಮ್ಮು ಜಿ.ವಿ.(ಎರಡನೆಯ ಸ್ಥಾನ); ಸಂಜನಾ ಮೋಹನದಾಸ್ (ಮೂರನೆಯ ಸ್ಥಾನ) ಲಘು ಶಾಸ್ತ್ರೀಯ ಗಾಯನ: (೧೮ವರ್ಷ ಮೇಲ್ಪಟ್ಟು) :ಸಿಜೇಶ್ ರಾಧಾಕೃಶ್ಣನ್(ಪ್ರಥಮ); ಇಂದ್ರಾಣಿ ಅಧಿಕಾರಿ(ಎರಡನೆಯ ಸ್ಥಾನ) ಮುಕ್ತ ಯುಗಳಗಾನ: ಅಮ್ಮು ಜಿ.ವಿ./ ಸೂರಜ್ ಗೋಪಿನಾಥ್(ಪ್ರಥಮ); ಪಾರ್ವತಿ ನಂದಕುಮಾರ್/ಮಾಳವಿಕಾ ಮೆನನ್.(ಎರಡನೆಯ ಸ್ಥಾನ) ಮುಕ್ತ ವಿಭಾಗ: ಸೂರ್ಯಮಾನಸಂ (ಪ್ರಥಮ ಸ್ಥಾನ) ಬೆಂಗಾಳಿ ಪರಿಶದ್ (ಎರಡನೆಯ ಸ್ಥಾನ)
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
