ಮಳೆಯ ಕಾರಣ ಬಂಡೆಕುಸಿತ : ಹೆಚ್ಚಿನ ಮಳೆ ಸಂಭವ

ಜಿಝಾನ್ / ಅಲ್ ಶಮ್ಲಿ; ಜೂನ್ 3: ಸೌದಿ ಅರೇಬಿಯಾದ ಉತ್ತರ ಭಾಗದ ನಗರವಾದ ಜಿಝಾನ್ ಬಳಿಯ ಪರ್ವತ ಪ್ರದೇಶಗಳಲ್ಲಿ ಭಾರೀ ಮಳೆಯಾಗಿದ್ದು ಪರ್ವತಭಾಗದಿಂದ ಬಂಡೆಕುಸಿತದ ವರದಿಯಾಗಿದೆ.

ಸುಮಾರು ಮೂರು ಘಂಟೆ ಕಾಲ ಸುರಿದ ಭಾರೀ ಮಳೆ ರಾಷ್ಟ್ರೀಯ ಹೆದ್ದಾರಿ ೮  ಹಾಗೂ ಇನ್ನಿತರ ಪ್ರಮುಖ ರಸ್ತೆಗಳಲ್ಲಿ ಬಂಡೆಕುಸಿತದ ಪರಿಣಾಮವಾಗಿ ವಾಹನ ಸಂಚಾರ ಬಾಧಿತಗೊಂಡಿದೆ. ಹಲವು ವಾಹನಗಳು ರಸ್ತೆಯಲ್ಲಿ ಉರುಳುತ್ತಿರುವ ಬಂಡೆಗಲ್ಲುಗಳಿಂದ ಆಶ್ಚರ್ಯಚಕಿತ ರೀತಿಯಲ್ಲಿ ಅಪಘಾತದಿಂದ ಪಾರಾಗಿವೆ.

ಸುತ್ತಮುತ್ತಲ ಪ್ರದೇಶದಲ್ಲಿ ಇನ್ನೂ ಮೋಡ ಕವಿದಿದ್ದು ಹೆಚ್ಚಿನ ಮಳೆಯಾಗುವ ಸಂಭವವಿದೆಯೆಂದುಅ ಹವಾಮಾನ ಇಲಾಖೆ ವರದಿ ಮಾಡಿದೆ. ವಾಹನಚಾಲಕರು ಎಚ್ಚರಿಕೆಯಿಂದ ಚಲಿಸಬೇಕೆಂದು ಇಲಾಖೆ ಎಚ್ಚರ ನೀಡಿದೆ.

ಸೌದಿ ಅರೇಬಿಯಾದ ಇನ್ನೊಂದು ನಗರವಾದ ಹೈಲ್ ಪ್ರದೇಶದ ಅಲ್ ಶಾಮ್ಲಿ ನಗರದಲ್ಲೂ ಸುಮಾರು ಮೂರು ಘಂಟೆಗಳ ಕಾಲ ಮಳೆಯಾಗಿದೆ.  ಕೆಲವು ಕಡೆ ವಿದ್ಯುತ್ ಶಾರ್ಟ್ ಸರ್ಕಿಟ್ ಸಂಭವಿಸಿ ವಿದ್ಯುತ್ ಪೂರೈಕೆಯಲ್ಲಿ ಬಾಧೆಯುಂಟಾಗಿದೆ.

ಮಳೆಯ ಕಾರಣ ಅಸಬ್ತಾರ್ ಎಂಬ ಹಳ್ಳಿಯಲ್ಲಿ ನಿಲ್ಲಿಸಿದ್ದ ಟ್ರೈಲರ್ ಮೇಲೆ ಗೋಡೆ ಕುಸಿದು ಬಿದ್ದಿದೆ. ಯಾವ ಪ್ರಾಣಹಾನಿಯಾಗಿಲ್ಲವೆಂದು ವರದಿಯಾಗಿದೆ.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ರಿಯಾದ್ ಡೇಲಿ ವರದಿಗಾರರು : ಅರ್ಶದ್ ಹುಸೇನ್ ಎಂ.ಹೆಚ್ ಪ್ರಕಟಿಸಿದ ದಿನಾಂಕ : 2008-06-03