|
ಪ್ರಕಟಿಸಿದ ದಿನಾಂಕ : 2008-06-01 ಧರ್ಮಾರ್ಥ ಹಾಗೂ ಸಮಾಜ ಕಾರ್ಯಗಳಿಗೆ ಆದ್ಯತೆ : ಹೊಸ ಸಮಿತಿಯ ಅಧ್ಯಕ್ಷರ ಆಶ್ವಾಸನೆ ದೋಹಾ, ಜೂನ್ 1: ತುಳು ಕೂಟ ಕತಾರ್ 2008-2010 ರ ದ್ವೈವಾರ್ಶಿಕ ಅವಧಿಗೆ ಹೊಸ ಸಮಿತಿಯನ್ನು ಆಯ್ಕೆ ಮಾಡಿದೆ. ಈ ಬಾರಿ ರವಿಶೆಟ್ಟಿಯವರು ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ದೋಹಾದ ಇಂಡಿಯನ್ ಕಲ್ಚರಲ್ ಸೆಂಟರ್ (ಐಸಿಸಿ) ಸಭಾಂಗಣದಲ್ಲಿ ನಡೆದ ವಾರ್ಶಿಕೋತ್ಸವ ಸಮಾರಂಭದಲ್ಲಿ ರವಿಶೆಟ್ಟಿಯವರನ್ನು ಬಹುಮತದಿಂದ ಆಯ್ಕೆ ಮಾಡಿಕೊಳ್ಳಲಾಯಿತು. ಈ ಕಾರ್ಯಕ್ರಮದಲ್ಲಿ ಶ್ರೀ ದಿವಾಕರ ಪೂಜಾರಿಯವರ ಅಧ್ಯಕ್ಷತೆಯಲ್ಲಿ ಕಾರ್ಯನಿರ್ವಹಿಸಿದ್ದ ಹಿಂದಿನ ಸಮಿತಿಗೆ ವಿದಾಯ ನೀಡಲಾಯಿತು. ಸಭೆಯ ಅಧ್ಯಕ್ಷತೆಯನ್ನು ವಹಿಸಿದ್ದ ದಿವಾಕರ ಪೂಜಾರಿಯವರು ಸ್ವಾಗತಿಸಿ ತಮ್ಮ ಕಾರ್ಯಾವಧಿಯಲ್ಲಿ ನಡೆದ ಕಾರ್ಯಕಲಾಪಗಳ ವಿವರಣೆ ನೀಡಿದರು. ಹಿಂದಿನ ಸಮಿತಿಯ ಕಾರ್ಯದರ್ಶಿಗಳಾದ ರಾಜಶೇಖರ್ ಅವರು ವಾರ್ಷಿಕ ವರದಿ ಹಾಗೂ ಹಿಂದಿನ ಸಭೆಯ ಮಹತ್ವದ ವಿಷಯಗಳನ್ನು ಸಭೆಯಲ್ಲಿ ಅರುಹಿದರು. ಖಜಾಂಚಿಯವರ ಅನಿವಾರ್ಯ ಅನುಪಸ್ಥಿತಿಯಲ್ಲಿ ದಿವಾಕರ ಪೂಜಾರಿಯವರೇ ಹಿಂದಿನ ಅವಧಿಯ ಖರ್ಚುವೆಚ್ಚಗಳನ್ನು ನೀಡಿದರು. ಈ ವಿವರಗಳನ್ನು ಸದಸ್ಯರು ಪರಿಶೀಲಿಸಿ ತಮ್ಮ ಒಪ್ಪಿಗೆ ನೀಡಿದರು. ಆ ಬಳಿಕ ಹೊಸ ಸಮಿತಿಯನ್ನು ಸಭೆಗೆ ಪರಿಚಯಿಸಲಾಯಿತು. ಹೊಸ ಸಮಿತಿಯ ಸದಸ್ಯರ ವಿವರಗಳು ಈ ಕೆಳಗಿನಂತಿವೆ: Mr. M. Ravi Shetty - President ಆ ಬಳಿಕ ನವ ಅಧ್ಯಕ್ಷರಾದ ರವಿ ಶೆಟ್ಟಿಯವರು ತಮ್ಮ ಭಾಷಣದಲ್ಲಿ ಎಲ್ಲಾ ಸದಸ್ಯರ ಸಹಕಾರವನ್ನು ಕೋರಿದರು. ತಮ್ಮ ಸಮಿತಿಯು ಸಂಘದ ಏಳ್ಗೆಗೆ ಸದಾ ಶ್ರಮಿಸುವುದು ಹಾಗೂ ಧರ್ಮಾರ್ಥ, ಸಾಮಾಜಿಕ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳಿಗೆ ಆದ್ಯತೆ ನೀಡುವುದು ಎಂದು ಪ್ರಕಟಿಸಿದರು. ಹಿಂದಿನ ಸಮಿತಿಯ ಕ್ರೀಡಾ ಕಾರ್ಯದರ್ಶಿ ಸುಮನ್ ಲಾಲ್ ಅವರು ವಂದನಾರ್ಪಣೆ ನೀಡಿದರು. ಸಂಘದ ಹಿರಿಯ ಸದಸ್ಯರಾದ ಇಕ್ಬಾಲ್ ಮನ್ನಾ ಕಾರ್ಯಕ್ರಮವನ್ನು ನಿರೂಪಿಸಿದರು.
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
