ಕುವೈಟ್, ಡಿಸೆಂಬರ್ ೧೦. ಭಾರತ ಸರ್ಕಾರದ ಅಧಿಕೃತ ಪ್ರಕಟಣೆಯೊಂದರಲ್ಲಿ ಕುವೈಟ್ ದೂತಾವಾಸದಿಂದ ನೀಡಲ್ಪಟ್ಟಿದ್ದ ಈ ಕೆಳಗಿನ ಸಂಖ್ಯಾ ಅನುಸೂಚಿಯಿರುವ ಜಂಬೋ ಪೋರ್ಟ್ ಗಳಲ್ಲಿ ತಾಂತ್ರಿಕ ತೊಂದರೆಗಳ ಕಾರಣಕ್ಕಾಗಿ ಅವುಗಳನ್ನು ಹಿಂತಿರುಗಿಸಲು ಕೋರಲಾಗಿದೆ.

ಜೆಡ್-೦೦೦೦೦೧ ರಿಂದ ಜೆಡ್-೦೦೦೫೦೦
ಜೆಡ್-೦೧೮೦೩೧ ರಿಂದ ಜೆಡ್-೦೧೯೦೩೦
ಜೆಡ್-೦೨೬೨೩೧ ರಿಂದ ಜೆಡ್-೦೨೬೮೨೬

ಈ ಅನುಸೂಚಿಯ ಪಾಸ್ ಪೋರ್ಟುಗಳನ್ನು ಹೊಂದಿರುವ ಭಾರತೀಯರನ್ನು ಕುವೈಟಿನ ಭಾರತೀಯ ದೂತಾವಾಸದಲ್ಲಿ ಹಳೆಯ ಪಾಸ್ ಪೋರ್ಟ್ ಸಹಿತ ಭರ್ತಿ ಮಾಡಿದ ಅರ್ಜಿ ಹಾಗೂ ಎರೆಡು ಭಾವಚಿತ್ರಗಳನ್ನು ನೀಡಲು ಕೋರಲಾಗಿದೆ. ಕೌನ್ಸಿಲರ್ ಹಾಲಿನಲ್ಲಿರುವ ೬ನೆಯ ಸಂಖ್ಯೆಯ ಕಛೇರಿಯು ಕೆಲಸದ ದಿನಗಳಲ್ಲಿ ಮದ್ಯಾಹ್ನ ೨ರಿಂದ ನಾಲ್ಕರವರೆಗೆ ತೆರೆದಿರುತ್ತದೆ.

ಹೆಚ್ಚಿನ ವಿವರಗಳಿಗೆ ಶ್ರೀ ನರೇಶ್ ಕುಮಾರ್ ಅವರನ್ನು ವಿಸ್ತರಣೆ:೨೮೩ ಹಾಗೂ ಶ್ರೀಮತಿ ಮಂಜು ನಂದಾ ಅವರನ್ನು ವಿಸ್ತರಣೆ:೨೯೨/೨೦೦ರಲ್ಲಿ ಕರೆ ಮಾಡಿ ತಿಳಿದುಕೊಳ್ಳಬಹುದಾಗಿದೆ. ಅರ್ಜಿ ತಲುಪಿದ ಮರುಕೆಲಸದ ದಿನದಲ್ಲಿ ಹೊಸ ಜಂಬೋ ಪಾಸ್ ಪೋರ್ಟನ್ನು ಯಾವುದೇ ಶುಲ್ಕವಿಲ್ಲದೆ ವಾರಸುದಾರರಿಗೆ ನೀಡಲಾಗುವುದು ಎಂದು ಪ್ರಕಟಣೆ ತಿಳಿಸಿದೆ. 

ಒಂದು ವೇಳೆ ಈ ಪಾಸ್ ಪೋರ್ಟ್ ಹೊಂದಿರುವ ಭಾರತೀಯರು ಈಗಾಗಲೇ ಬೇರೆಲ್ಲಾದರೂ ಪ್ರಯಾಣಿಸಿದ್ದರೆ ಆ ದೇಶದ ಭಾರತೀಯ ದೂತಾವಾಸವನ್ನು ಸಂಪರ್ಕಿಸಬಹುದಾಗಿದೆ.

ಕುವೈಟ್ ಭಾರತೀಯ ದೂತಾವಾಸದ ದೂರವಾಣಿ ಸಂಖ್ಯೆಗಳು ಹೀಗಿವೆ:
೨೫೩೦೬೦೦, ೨೫೩೦೬೧೨, ೨೫೩೦೬೧೩, ೨೫೩೦೬೧೪, ೨೫೫೦೩೬೮, ೨೫೫೦೩೪೯

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ವರದಿಗಾರರು : ಅರ್ಶದ್ ಹುಸೇನ್ ಎಂ.ಹೆಚ್ ಪ್ರಕಟಿಸಿದ ದಿನಾಂಕ : 2007-12-10