ಅನಿವಾಸಿ ಕನ್ನಡಿಗನಿಗೆ ಸಂದ ಅರ್ಹ ಪ್ರಶಸ್ತಿ

ಚಿಕಾಗೋ, ಮೇ 23: ಇಲ್ಲಿನಾಯ್ಸ್ ನಗರದ ಲಯನ್ಸ್ ಸಂಸ್ಥೆ ತನ್ನ ಎಂಭತ್ತೆಂಟನೆಯ ಮಲ್ಟಿಪಲ್ ಡಿಸ್ಟ್ರಿಕ್ಟ್-I ವಾರ್ಷಿಕ ಸಮಾರಂಭವನ್ನು ಇಟಾಸ್ಕಾದಲ್ಲಿರುವ ವೆಸ್ಟಿನ್ ಚಿಕಾಗೋ ನಾರ್ಥ್ವೆಸ್ಟ್ ಹೋಟೆಲಿನಲ್ಲಿ ಆಯೋಜಿಸಿತ್ತು. ಇಲ್ಲಿನಾಯ್ಸ್ ನ ಹನ್ನೆರೆಡು ಉಪಜಿಲ್ಲೆಗಲ ಸುಮಾರು ಆರು ನೂರಕ್ಕೂ ಹೆಚ್ಚು ಲಯನ್ಸ್ ನಾಯಕರು ಈ ಸಮಾರಂಭದಲ್ಲಿ ಭಾಗವಹಿಸಿದ್ದರು. ಲಯನ್ಸ್ ಕ್ಲಬ್ ಇಂಟರ್ ನ್ಯಾಶನಲ್ ಉಪಾಧ್ಯಕ್ಷರಾದ ಅಲ್ಬರ್ಟ್ ಎಫ್ ಬ್ರಾಂಡೆಲ್ ಹಾಗೂ ಅವರ ಪತ್ನಿ ಡಾ. ಮೌರೀನ್ ಮರ್ಫಿ ಯವರು ವಿಶೇಷ ಅತಿಥಿಗಳಾಗಿ ಆಗಮಿಸಿದ್ದರು.

ಗುರುವಾರದ ಗಾಲ್ಫ್ ಆಟ, ಪ್ಲೀನರಿ ಸೆಷನ್ ಹಾಗೂ ಶುಕ್ರವಾರದ ಹಾಸ್ಪಿಟಾಲಿತಿ ರೂಂ ಸಮಾರಂಭದ ಮುಖ್ಯ ಅಂಶಗಳಾಗಿದ್ದವು.

ಇದೇ ಸಂದರ್ಭದಲ್ಲಿ ಹಲವು ನಾಯಕರಿಗೆ ಅವರ ಸಾಧನೆಯನ್ನು ಪ್ರಶಂಸಿಸಿ ಸನ್ಮಾನಿಸಲಾಯಿತು.  ಇಲ್ಲಿನಾಯ್ಸ್ ಸ್ಟೇಟ್ ಮೆರ್ಲೋ ಸಂಘಟಕ ಹಾಗೂ ಸೆಕ್ಟರ್ ಸಂಘಟಕರೂ ಆಗಿರುವ ಡಾ. ಆಸ್ಟಿನ್ ಪ್ರಭು ಅವರಿಗೆ 5 diamond progressive Melvin Jones Fellow ಪ್ರಶಸ್ತಿಯನ್ನು ನೀಡಿ ಸನ್ಮಾನಿಸಲಾಯಿತು. ಈ ಪ್ರಶಸ್ತಿಯನ್ನು ಲಯನ್ಸ್ ಉಪಾಧ್ಯಕ್ಷರಾದ ಆಲ್ಬರ್ಟ್ ಎಫ್. ಬ್ರಾಂಡೆಲ್ ಅವರು ಪ್ರದಾನಿಸಿದರು. ಡಾ. ಆಸ್ಟಿನ್ ಪ್ರಭು ಅವರ ಅವಿರತ ಶ್ರಮ ಹಾಗೂ ಇಲ್ಲಿನಾಯ್ಸ್ ನಲ್ಲಿ ಫಸ್ಟ್ ಸೈಟ್ - II  ಅಭಿಯಾನ ಹೆಚ್ಚು ಸಫಲಗೊಳ್ಳಲು ಕೈಗೊಂಡ ಕಾರ್ಯಗಳನ್ನು ಅಭಿನಂದಿಸಿದರು.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ಪತ್ರಿಕಾ ಪ್ರಕಟಣೆ ವರದಿಗಾರರು : ಅರ್ಶದ್ ಹುಸೇನ್ ಎಂ.ಹೆಚ್ ಪ್ರಕಟಿಸಿದ ದಿನಾಂಕ : 2008-05-23